Morgunblaðið - Sunnudagur - 22.09.2019, Blaðsíða 10

VIÐTAL
10 MORGUNBLAÐIÐ SUNNUDAGUR 22.9. 2019
É
g banka á hurðina og til dyra kemur
þrekvaxinn maður. Það er hvíld-
ardagur hjá Björgvini Karli Guð-
mundssyni, þriðja hraustasta
manni heims, sem þýðir að hann
tekur aðeins eina létta æfingu þennan daginn.
Það er rigningarlegt um að litast í Hveragerði
þegar við setjumst niður við stofuborðið heima
hjá Björgvini í snyrtilegri íbúð.
„Bróðir minn er svo hérna heima, hann er á
klósettinu, en það er allt í góðu,“ segir Björgvin
áður en við hefjum samtal okkar. Innan tíðar
gengur Þórir Geir út af klósettinu, heilsar mér
og kynnir sig sem umboðsmann (þó hann sé það
vissulega ekki) og „eiginlegan forráðamann“
Björgvins, sest í sófann og slakar á. Ég spyr
hvort þeir búi saman og Björgvin svarar ját-
andi. „Það er búið að vera helvítis stuð,“ segir
hann. Þórir truflar okkur Björgvin ekki frekar,
ef frá er talið eitt og eitt framíkall til að krydda
samtalið aðeins.
Beint í keppnishóp
Björgvin fæddist í Keflavík árið 1992 en bjó á
Þórshöfn til fjögurra ára aldurs. Þá fluttist fjöl-
skyldan til Stokkseyrar og bjó Björgvin þar allt
til ársins 2013 þegar eldri bróðir hans, Heiðar
Ingi Heiðarsson, og mágkona stofnuðu crossfit-
stöð í Hveragerði, Crossfit Hengil. Fluttist
hann þá í Hveragerði og hefur búið þar síðan og
segist kunna vel við sig.
Uppganga Björgvins innan crossfit-
greinarinnar tók heldur stuttan tíma. Hann
byrjaði að æfa íþróttina vorið 2012 og var kom-
inn á Evrópumótið rúmlega ári seinna þar sem
hann lenti í níunda sæti.
„Ég byrjaði á því að fara í Crossfit Reykjavík
hjá Annie [Mist Þórisdóttur] og þeim og keyrði
þangað alla æfingadaga eftir skóla. Það voru
alltaf keppnishópsæfingar klukkan hálfátta á
kvöldin. Fyrir þetta var ég að æfa fótbolta með
Selfossi og Stokkseyri svona sitt á hvað þangað
til ég var 17 ára, eða eitthvað þannig,“ segir
Björgvin um upphafið að crossfit-ferlinum.
Hann æfði einnig fimleika meðfram fótbolt-
anum sem hefur gefið honum góðan grunn fyrir
crossfit-íþróttina.
Björgvin hafði verið að lyfta í líkamsrækt-
arstöð á Selfossi í nokkurn tíma þegar Heiðar,
bróðir hans, bauð honum að mæta á keppn-
ishópsæfingar þar sem lengra komnir í crossfit-
greininni æfðu saman. „Ég skautaði því alveg
fram hjá grunnnámskeiði og þessu samfélags-
dæmi sem crossfit er og snýst um,“ segir Björg-
vin og bætir við að honum finnist því mjög gam-
an að mæta á almennar æfingar á stöðinni í
Hveragerði þegar æfingaálagið er ekki mjög
mikið og æfa með fólkinu sem mætir þar. „Það
er það sem er fallegt við þetta. Ég get tekið
sömu æfingu og hver sem er. Ég geri þá bara
fleiri endurtekningar eða hef æfinguna þyngri.“
45 þúsund kr. björguðu mánuðinum
Eins og áður segir komst Björgvin fljótt á lagið
með crossfit-greinina. Rúmlega hálfu ári eftir
að hafa byrjað í greininni, í desember 2012,
lendir hann í öðru sæti á Íslandsmótinu. Um
svipað leyti er Crossfit Hengill opnaður og
Björgvin útskrifast með stúdentspróf. „Þegar
ég klára Fjölbrautaskólann á Selfossi tek ég
ákvörðun um að hætta í skóla og spá ekki frekar
í það,“ segir Björgvin sem fór þá að þjálfa cross-
fit ásamt því að æfa.
-En er það ekki heldur djarft að ákveða að
helga líf sitt einhverju sem maður hefur aðeins
stundað í rúmlega hálft ár?
„Mér fannst bara að ef þetta væri ekki tíminn
fyrir eitthvað svona þá væri ég ekki að fara að
velja einhvern annan tíma ef ég myndi fara í há-
skóla eða eitthvert annað nám. Ég sé allavega
ekki eftir þessari ákvörðun.“
Björgvin segir þó að lífið sem atvinnumað-
ur í crossfit hafi ekki alltaf verið dans á rós-
um. „Maður þurfti að harka svolítið vel í
gegnum fyrstu þrjú árin.“ Björgvin náði
þriðja sætinu á heimsleikunum 2015 en fram
að því var lítið um peningaverðlaun. Hann
vann 45 þúsund krónur á móti í London árið
2013. „Mér fannst það geðveikt, það bjargaði
alveg mánuðinum,“ segir Björgvin og glottir.
Fram yfir heimsleikana í lok júlí 2016 þjálfaði
Björgvin um 5-6 klukkutíma á dag ásamt því að
æfa sjálfur svipað lengi. „Maður var því niðri á
stöð í 10-11 tíma á dag, allavega, án þess að vera
í einhverri pásu á milli,“ segir Björgvin sem
þjálfar ennþá en ekki jafn mikið og áður.
Björgvin segist hafa það nokkuð gott í dag
enda hafi hann bæði fest sig í sessi sem einn sá
besti í heiminum auk þess að styrktaraðilar hafi
í auknum mæli samið við hann. Meginþorri
tekna Björgvins kemur frá þeim.
Björgvin er ekki viss hvað hann væri að gera
ef hann hefði ekki fundið crossfit-greinina. „Það
er einmitt ástæðan fyrir því að ég fór út í þetta.
Ég hafði ekki hugmynd. Íþróttafræði og sjúkra-
þjálfun heilla kannski pínulítið en bara eftir að
hafa kynnst crossfit.“
Æfir nánast alltaf einn
Björgvin æfir vanalega sex daga vikunnar og
hvílir svo þann sjöunda. „Ég vakna klukkan sjö
eða átta, eftir því hvort ég er að fara að þjálfa.
Ég æfi klukkan hálftíu og klára um hálftólf, kem
heim, fæ mér að borða og legg mig aðeins. Svo
fer ég aftur niður á stöð, æfi aftur um tvö, hálf-
þrjú og er búinn um fjögur, hálffimm,“ segir
Björgvin og bætir við að stundum séu æfing-
arnar þrjár á einum degi. Á hvíldardegi æfir
Björgvin einnig en hann tekur þá eina æfingu af
lítilli ákefð.
Björgvin segir æfingarnar sjálfar hafi tekið
breytingum með árunum. Hann vinni með þjálf-
Ljósmyndir/Björgvin Karl Guðmundsson
Bjargaði geðheilsunni
Björgvin Karl Guðmundsson hafnaði í þriðja sæti á heimsleikunum í crossfit í byrjun ágúst og tryggði sér þar
með titilinn þriðji hraustasti maður heims. Björgvin, sem er 26 ára gamall, hefur helgað líf sitt crossfit-greininni
allt frá því hann útskrifaðist úr menntaskóla undir lok ársins 2012. Hann sér nú að möguleikinn á því að tryggja
sér heimsmeistaratitilinn er til staðar og stefnir að því að gera enn betur á næstu árum.
Böðvar Páll Ásgeirsson bodvarpall@mbl.is
’Hvað með það að maðurstandi sig ekki vel á einni æf-ingu? Hvað með það að þú stand-ir þig ekki vel á þessu keppn-
istímabili? Ég get alveg eins gert
mitt besta og verið stoltur af því
og svo gert betur á næsta ári.
„Fyrir fjórum árum gastu verið í vinnu
og verið einn af þeim bestu í heimi.
Nú er þetta ekki svoleiðis. Þú þarft að
vera „all-in“,“ segir Björgvin Karl um
þróun Crossfit-greinarinnar.