Morgunblaðið - 07.10.2019, Blaðsíða 9

FRÉTTIR 9Innlent
MORGUNBLAÐIÐ MÁNUDAGUR 7. OKTÓBER 2019
„Þetta eru auðvitað rosalega flók-
in mál en það á enginn að þurfa
að vera óöruggur í vinnunni,“
sagði Helga Vala Helgadóttir,
þingmaður Samfylkingarinnar og
formaður velferðarnefndar Al-
þingis, við mbl.is í gær um mál
starfsmanna embættis forseta Ís-
lands sem hefur verið fjallað um
síðustu daga. Helga Vala segir að
ekki hafi verið óskað eftir því að
málið yrði rætt í velferðarnefnd
en útilokaði ekki að það yrði gert
síðar. Þá tók Helga Vala fram að
almennt væru þessi mál mjög flók-
in en bendir á að það sé ekki líð-
andi að fólk upplifi sig óöruggt í
vinnunni. „Það þarf að vega og
meta hvort vegur þyngra, hags-
munir þess sem brotið er á eða
hagsmunir þess sem brýtur á og
hvor þarf frekari vernd. Það er
okkar [nefndarmanna] hlutverk að
vera alltaf á tánum,“ bætir Helga
Vala við.
Morgunblaðið óskaði eftir svör-
um frá embætti forseta vegna
málsins um helgina en fékk ekki.
Ekki komið á
borð velferð-
arnefndar
 Flókin og erfið
mál segir Helga Vala
Morgunblaðið/Eggert
Bessastaðir Ekki er útilokað að
málið fari fyrir velferðarnefnd.
Stjórn Byggðasafnsins í Skógum undir Eyja-
fjöllum samþykkti á dögunum að veita við-
töku miklu skjala-, handrita- og bókasafni
sem er í eigu Þórðar Tómassonar, stofnanda
safnsins og umsjónarmanns þess til áratuga.
Um dagana hefur Þórður safnað marg-
víslegum sögum og gögnum um mannlíf og
sögu á Suðurlandi og skrifað fjölda bóka um
það efni. Þessum frumheimildum verður, skv.
samkomulaginu sem fyrir liggur, komið eftir
hans dag í örugga vörslu og þær gerðar að-
gengilegar fræðimönnum og öðrum.
„Okkur er mikill fengur í skjalasafninu
enda eru þetta einstæðar
heimildir,“ segir Ingvar
Pétur Guðbjörnsson, for-
maður safnstjórnar. „Ævi-
starf Þórðar er mikið að
vöxtum og í raun einstakt.
Hann byrjaði um fermingu
að safna heimildum um líf
kynslóðanna og ýmsum
munum og er enn að, 98
ára gamall. Við munum
taka við þessu heimilda-
safni þegar Þórðar nýtur ekki lengur við.“
Í samkomulagi milli safnstjórnarinnar og
Þórðar Tómassonar er einnig kveðið á um að
eftir hans dag verði í Skógasafni komið upp
sérstakri Þórðarstofu. Þar er, fyrstu hug-
myndum samkvæmt, gert ráð fyrir að verði
sýning um Þórð; ævistarf hans við menning-
arsöguna og safnið í Skógum.
„Þetta er verkefni sem við tökum í fyllingu
tímans. Hugsanlega þarf að byggja nýja
byggingu undir þessa sýningu eða gera aðrar
ráðstafanir, því Þórðarstofa verður í öndvegi
safnsins og þarf umgjörð við hæfi,“ segir
Ingvar.
Taka við umfangsmiklu skjalasafni Þórðar
Morgunblaðið/Sigurður Bogi
Skógasafn Setja á upp sérstaka Þórðarstofu.
 Stjórn Skógasafns semur við Þórð Tómasson, stofnanda safnsins
Þórður
Tómasson
Þau leiðu mistök voru gerð í Morg-
unblaðinu á laugardag að nafn Írisar
Bjargar Kristjánsdóttur misritaðist
í forsíðufrétt blaðsins, sem og í ein-
um myndatexta í Sunnudagsmogg-
anum. Beðist er velvirðingar á þess-
um mistökum.
LEIÐRÉTT
Íris Björg,
ekki Íris Björk
Lögreglunni á höfuðborgarsvæðinu
var í gær tilkynnt um eignaspjöll á
níu bifreiðum í Fossvogi í Reykja-
vík. Ekki fengust þó nánari upplýs-
ingar um eðli þeirra skemmda sem
unnin voru á ökutækjunum, en lög-
reglan fer með rannsókn málsins.
Þá var í gærmorgun einnig óskað
eftir aðstoð lögreglu vegna umferð-
arslyss á Höfðabakkabrú. Voru
ökumenn bifreiðanna fluttir á
sjúkrahús, en samkvæmt upplýs-
ingum frá lögreglu eru meiðsl
þeirra ekki talin alvarleg. Bílarnir
eru þó talsvert skemmdir.
Bílar skemmdir í
Fossvogshverfi