Morgunblaðið - 07.10.2019, Qupperneq 10

Það var margt um manninn þegar
bifreiðauppboð Sýslumannsins á
höfuðborgarsvæðinu fór fram í
húsakynnum Vöku sl. laugardag.
Venju samkvæmt var fólki gert að
greiða fyrir kaup sín á staðnum
og myndaðist nokkuð góð stemn-
ing þegar uppboðshaldarar
reyndu að fá viðstadda til að lyfta
hendi og bjóða þannig í ökutækin.
Bílarnir sem seldir voru eru ef-
laust í jafn misjöfnu ástandi og
þeir eru margir, en lítill tími
gefst til að kanna nákvæmt
ástand gripanna þegar uppboð
eru haldin.
Hægt er að nálgast frekari upp-
lýsingar um uppboðsbíla á heima-
síðu Vöku sem og næstu uppboð,
en Vaka og sýslumaður standa
reglulega að viðburði sem þess-
um.
Bílar boðnir upp
í húsnæði Vöku
Morgunblaðið/Eggert
Vaka Hann virtist nokkuð einbeittur maðurinn með húfuna á uppboðinu.
10 FRÉTTIRInnlent
MORGUNBLAÐIÐ MÁNUDAGUR 7. OKTÓBER 2019
Fjarvistum starfsfólks vegna veik-
inda hefur fjölgað hjá Reykjavíkur-
borg líkt og víðast hvar í samfélag-
inu. Í ljós hefur komið að veikinda-
fjarvistum fækkaði ekki samhliða
tilraunaverkefni um styttingu
vinnuvikunnar
þegar á leið þó að
stytting vinnu-
tímans hefði já-
kvæð áhrif á líðan
starfsfólks. Þetta
má lesa út úr
upplýsingum sem
Lóa Birna Birgis-
dóttir, sviðsstjóri
mannauðs- og
starfsumhverfis-
sviðs borgarinn-
ar, kynnti í erindi á fjármálaráð-
stefnu sveitarfélaga í gær.
Lóa Birna sagði að ekki væri
hægt að draga beinar ályktanir um
að stytting vinnuvikunnar hefði
áhrif á veikindafjarvistir. Fyrst eftir
að tilraunaverkefnið hófst dró úr
skammtímaveikindum en það gerð-
ist ekki þegar lengra leið á verkefnið
og veikindafjarvistir jukust síðan
eftir að þátttaka í tilraunaverkefn-
inu hafði varað í ákveðinn tíma.
Lóa Birna segir í svari til blaðsins
að á fyrsta ári tilraunaverkefnisins
hafi tveir starfsstaðir tekið þátt og í
upphafi hafi úr veikindafjarvistum á
þessum stöðum. Veikindafjarvistir
hafi svo aukist aftur þegar leið á
verkefnið.
,,Í öðrum áfanga verkefnisins
voru yfir hundrað starfsstaðir sem
tóku þátt, eða um 2.500 starfsmenn.
Í þeim áfanga var ekki unnt að
draga skýra ályktun um áhrif verk-
efnisins á veikindafjarvistir. Veik-
indafjarvistir hafa verið að aukast í
samfélaginu og það sama á við um
þátttökustaði í tilraunaverkefninu.
Sveiflur voru í veikindahlutföllum
þátttökustaða. Á sumum stöðum dró
úr veikindafjarvistum og á öðrum
stöðum jukust þær. Heildaraukning
veikindafjarvista þátttökustaða var
hins vegar minni hjá þeim sem
höfðu meiri styttingu en hjá þeim
sem höfðu minni styttingu,“ segir
hún.
Jákvæð áhrif á almenna líðan
Framkvæmdar voru kannanir á
líðan starfsfólks á tilraunatímanum
og voru þær niðurstöður varðandi
áhrif styttingarinnar skýrari en
varðandi veikindafjarvistir. ,,Í ljós
kom að stytting vinnuvikunnar hafði
jákvæð áhrif á almenna líðan starfs-
manna. Jafnframt voru þátttakend-
ur í tilraunahópi líklegri til að eiga
sjaldnar við vinnutengt álag að
stríða en samanburðarhópur og það
dró úr líkamlegum álagseinkennum
hjá þeim sem fengu styttingu. Jafn-
framt fundu þátttakendur í tilrauna-
hópi fyrir betri starfsanda á vinnu-
stað og fundu fyrir betra jafnvægi á
milli vinnu og einkalífs.“
omfr@mbl.is
Veikindafjar-
vistum fjölgaði
 Jákvæð áhrif á líðan af styttingu
Morgunblaðið/Hari
Bólusetning Veikindafjarvistum fækkaði ekki samhliða tilraunaverkefni.
Lóa Birna
Birgisdóttir
Ágúst Ingi Jónsson
aij@mbl.is
Sjómenn láta vel af síldarvertíðinni
úti fyrir Austfjörðum; tíðin hefur
yfirleitt verið góð, síldin ekki verið
mjög langt frá landi og afli verið
góður. Haft var eftir Tómasi Kára-
syni, skipstjóra á Beiti, á vef Síld-
arvinnslunnar á fimmtudag, að upp
á síðkastið hefði orðið vart við síld
af öðrum stofni í bland við norsk-
íslensku síldina og hafi bátarnir
m.a. þess vegna fært sig utar.
„Athyglisvert er að þessi síld, sem
við teljum vera íslenska sumargots-
síld, er algjörlega laus við sýkingu,
en hún er fjarri því eins feit og
norsk-íslenska síldin,“ segir Tómas.
Guðmundur J. Óskarsson, fiski-
fræðingur á Hafrannsóknastofnun,
er ekki sannfærður um að þarna sé
eingöngu um að ræða íslenska
sumargotssíld í bland við þá norsk-
íslensku. Hann segist taka undir að
þarna sé ekki um norsk-íslenska
vorgotssíld að ræða þar sem kyn-
kirtlar hennar eru stórir og þrosk-
aðir á þessum árstíma sem að-
greini hana auðveldlega frá hinum
stofnunum.
Hins vegar geti þetta líka verið
Norðursjávarsíld, sem gangi allt
norður fyrir Færeyjar í fæðuleit á
sumrin, eða síld frá Lofoten-
svæðinu, en báðir þessir stofnar
hrygni síðsumars eða á haustin.
Þessi sumar/hausthrygnandi síld
hafi fengist í auknum mæli við
veiðar á norsk-íslenskri síld síðustu
ár. „Við höfum hins vegar ekki að-
ferð til að greina milli þessara
sumar/hausthrygnandi stofna á
þessum tíma og styðjumst því mik-
ið við hvar hún veiðist,“ segir Guð-
mundur.
Hann segist telja ólíklegt að ís-
lensk sumargotssíld sé eins ut-
arlega og þessi síld hefur fundist í
ár og síðustu haust, þótt hún kunni
vissulega að vera á landgrunninu
og við landgrunnshallann. Þá virð-
ist hún vera án sýkingar sem hefur
herjað á íslensku sumargotssíldina
síðustu ár, en rannsóknir á þeim
stofni hafa sýnt viðvarandi sýk-
ingu.
Loks nefnir Guðmundur að við
síldarleit í desember í fyrra og
mikla loðnuleit síðasta vetur hafi
ekkert fundist af síld á þessum
slóðum. Það bendi til að síldin hafi
gengið í átt til Noregs er líður á
vetur og það geri íslenska síldin
tæplega.
Erfðarannsóknir í gangi
Guðmundur segir að hafrann-
sóknastofnanir á Íslandi, Noregi,
Færeyjum og Grænlandi vinni í
samvinnu við Matís og Síldar-
vinnsluna að erfðarannsóknum á
þessum síldarstofnum með það
markmið að þróa aðferð til að geta
greint á milli þeirra. Á undan-
förnum árum hefur verið safnað
sýnum, og verður fram haldið í ár,
sem verða greind í þessu verkefni.
Það er meðal annars styrkt af nor-
rænu Atlantshafsnefndinni
(NORA). Vænst er niðurstaðna á
komandi ári og þá verði vonandi
hægt að segja til um hvaða síld-
arstofnar séu þarna á ferðinni.
Góð vertíð en óljóst með
uppruna hluta síldarinnar
 Síldin ekki mjög langt frá landi og aflinn góður
Morgunblaðið/Þorgeir Baldursson
Síldveiðar Sjómenn segja veiðar ganga vel úti fyrir Austfjörðum og er síld-
in sögð ekki langt frá landi. Þá er síldin algerlega laus við sýkingu.