Morgunblaðið - 14.10.2019, Blaðsíða 13

FRÉTTIR 13Erlent
MORGUNBLAÐIÐ MÁNUDAGUR 14. OKTÓBER 2019
Skeifunni 8 | Sími 588 0640 | casa.is
Hönnuður Gino Sarfatti
Verð frá 199.000,-
2097/30 loftljós
Maður með matarvistir fyrir íbúa
sem fastir eru í heimilum sínum
veður í gegnum vatn sem flætt hef-
ur yfir vegi í Miyagi-héraði í Japan
vegna fellibylsins Hagibis. Fleiri
tugir manna eru látnir í landinu eft-
ir að bylurinn gekk þar yfir um
helgina.
Tugþúsundir manna vinna að því
að bjarga fólki sem óttast er að hafi
lent í skriðum og flóðum sem
fylgdu fellibylnum.
AFP
Tugþúsundir taka þátt í björgunarstarfi
Fellibylurinn Hagibis gengur yfir Japan
Útlit var fyrir að stjórnarflokkurinn
Lög og réttlæti (PiS) færi með sigur
af hólmi í þingkosningum í Póllandi
samkvæmt útgönguspám sem birtar
voru eftir að kjörstöðum var lokað í
gærkvöldi. Gangi þær eftir eykur
flokkurinn við meirihluta sinn á
þinginu en hann hefur í kosninga-
baráttunni undanfarnar vikur meðal
annars beint spjótum sínum að
hinsegin fólki og viðteknum gildum
Vesturlanda.
Spárnar benda til að flokkurinn
hafi fengið 43,6% greiddra atkvæða
og fái þar með 239 sæti á þinginu.
Borgarabandalagið, KO, flokkur
Tusk, forseta leiðtogaráðs Evrópu-
sambandsins sem áður var forsætis-
ráðherra Póllands, fékk um 27,4%
atkvæða samkvæmt spám og því 130
sæti á þinginu.
„Við höfum fjögur ár af erf-
iðisvinnu fram undan. Pólland verð-
ur að breytast meira og það verður
að breytast til hins betra,“ sagði Jar-
oslaw Kaczynski, leiðtogi Laga og
réttlætis, við stuðningsmenn flokks-
ins í höfuðstöðvum hans í Varsjá í
gærkvöldi. Bætti hann við að hann
vonaðist eftir að opinberar niður-
stöður kosninganna myndu staðfesta
árangurinn sem spárnar sýndu.
Eykur við meirihlutann
AFP
Sigur Kaczynski hélt stutta tölu fyrir stuðningsmenn flokksins í gærkvöldi.
Skúli Halldórsson
sh@mbl.is
Stjórnvöld Kúrda í norðurhluta
Sýrlands tilkynntu í gær að náðst
hefði samkomulag við sýrlensk yf-
irvöld í Damaskus um að sýrlenski
herinn færi norður og nær landa-
mærum Tyrklands til að bregðast
við innrás Tyrkja í landið.
Í yfirlýsingu í gær gáfu Kúrdar
ekki meira upp um efni samnings-
ins og ekki kom fram hvort sjálf-
stjórn þeirra í Norður-Sýrlandi
væri í hættu.
Yfirlýsingin kom í kjölfar frétta-
flutnings sýrlensku ríkisstöðvarinn-
ar SANA, um að hermenn væru á
leið inn í norðurhluta landsins til að
mæta árás Tyrkja.
Sókninni verði að linna
Leiðtogar Frakklands og Þýska-
lands, Emmanuel Macron og Ang-
ela Merkel, kölluðu í gær eftir því
að endi yrði bundinn á sókn Tyrkja
gegn Kúrdum í Norður-Sýrlandi.
Vöruðu þau við því að alvarlegt
ástand sem varðar mannúð gæti
skapast og Ríki íslams fengið mátt
sinn á ný ef Tyrkir drægju herlið
sitt ekki til baka.
Macron sagði á blaðamannafundi
í gær að leiðtogarnir hefðu hvor í
sínu lagi rætt við Donald Trump
Bandaríkjaforseta og Recep Tayyip
Erdogan Tyrklandsforseta, til að
senda þeim skýr og einföld skila-
boð: „Sameiginlega ósk okkar um
að sókninni verði að linna.“
Á sama blaðamannafundi sagði
Merkel að samtal hennar og Erdog-
ans hefði varað í klukkustund.
„Við verðum að binda enda á
þessa tyrknesku innrás,“ kvaðst
hún hafa tjáð forsetanum.Tyrkir
hófu innrás sína suður yfir landa-
mæri Sýrlands á miðvikudag og
hefur Trump verið sakaður um að
yfirgefa Kúrda með því að fyrir-
skipa bandarískum hermönnum að
hörfa frá landamærunum og nær-
liggjandi svæðum.
Ríki íslams rísi úr öskustónni
Hersveitir Kúrda hafa verið mik-
ilvægir bandamenn Bandaríkjahers
í baráttunni við Ríki íslams, samtök
herskárra íslamista. Er sú tilfinning
útbreidd á meðal Kúrda að þeir hafi
verið sviknir af Bandaríkjunum og
skildir eftir einir í baráttunni við
her Tyrkja. Þá er óttast að innrásin
verði til þess að Ríki íslams rísi úr
öskustónni á svæðum sem Kúrdar
höfðu þegar frelsað úr greipum
þess.
Að minnsta kosti sextíu almennir
borgarar hafa látist af völdum
Tyrkja eftir að innrásin hófst, hefur
AFP-fréttaveitan eftir vitnum á
svæðinu.
Sameinuðu þjóðirnar fullyrða að
átökin hafi þegar hrakið 130 þúsund
manns í burtu af heimilum sínum.
Semja við Damaskus um aðstoð
 Stjórnvöld Kúrda í Norður-Sýrlandi hafa náð samningi við sýrlensk yfirvöld í Damaskus  Sýrlenski
herinn fer norður  Macron og Merkel kalla eftir að innrásinni verði hætt  60 almennir borgarar látnir
Skúli Halldórsson
sh@mbl.is
Aðilar við samningaborðið um út-
göngu Bretlands úr Evrópusamband-
inu voru ekki vongóðir í gærkvöldi um
að samningar myndu nást. Haldnar
voru viðræður bak við luktar dyr í
Brussel um helgina í kjölfar þess að
breski forsætisráðherrann Boris
Johnson kynnti nýjar tillögur fyrir
írska kollega sínum, Leo Varadkar, á
fimmtudag.
Leiðtogar ríkja Evrópusambands-
ins munu koma saman á fimmtudag
og föstudag og þegar þar að kemur
munu þeir vilja hafa fullunnin samn-
ingsdrög til að kjósa um, að því er
fréttaveita AFP greinir frá.
Lítill tími er því til stefnu. Beggja
vegna borðsins reyna menn að afreka
það sem annars hefur reynst ómögu-
legt í þau þrjú ár sem liðin eru frá því
Bretar kusu að ganga úr ríkjasam-
bandinu.
Formaður samninganefndar ESB,
Michel Barnier, sagði í gær að við-
ræður helgarinnar hefðu verið nægi-
lega uppbyggilegar til að hægt yrði að
halda áfram í dag.
Frá Downingstræti bárust þau tíð-
indi að Johnson hefði sagt ríkisstjórn
sinni að búa sig undir spennuþrungna
lokametra.
Leið að samningi væri í augsýn, „en
enn er mikið verk að vinna til að kom-
ast þangað og við verðum að vera
reiðubúin að yfirgefa [ESB] 31. októ-
ber“, sagði talsmaður Downingstræt-
is í gær.
Lofaði að fresta ekki útgöngu
Johnson komst til valda í júlí eftir
að hafa meðal annars lofað því að
fresta ekki útgöngu Bretlands í þriðja
sinn á þessu ári, ekki einu sinni um
nokkrar vikur. Brjóti Johnson það
loforð gæti það orðið honum til trafala
í þingkosningum, sem margir telja að
séu fram undan á komandi mánuðum.
Breska þingið hefur sett forsætis-
ráðherranum þau skilyrði að hann
verði að sækjast eftir að fresta út-
göngunni til 31. janúar, náist ekki
samningar fyrir laugardag.
„Ef Bretarnir biðja um meiri tíma,
sem þeir líklega munu ekki gera, þá
væri það söguleg vitleysa að neita
þeim um það,“ sagði Jean-Claude
Juncker, forseti framkvæmdastjórn-
ar ESB, í samtali við austurríska dag-
blaðið Kurier í gær.
Lítil von og lítill
tími til stefnu
 Vilja kjósa um samning í vikunni