Morgunblaðið - 30.10.2019, Side 29

MENNING 29
MORGUNBLAÐIÐ MIÐVIKUDAGUR 30. OKTÓBER 2019
IB ehf | Fossnes A | 800 Selfoss | ib.is
Nánari upplýsingar ib.is
Ábyrgð og þjónusta fylgir öllum nýjum bílum frá IB
Bílar á lager
Sími 4 80 80 80
2019 Ford F-150 Lariat Sport
Litur: Svartur, svartur að innan. FX4 offroad-pakki, Sport-pakki,Bakkmyndavél, Band &
Olufsen hátalarakerfi, hiti í öllum sætum, hiti í stýri, fjarstart, o.fl. 3,5 L Ecoboost (V6),
10-gíra, 375 hestöfl, 470 lb-ft of torque
VERÐ
12.670.000 m.vsk
2019 Ram Limited 3500 35”
Litur: Granite Crystal. Nýr 6,7L Cummins Turbo Diesel, 400 hö, togar 1000 pund! Aisin
sjálfskipting, upphitanleg og loftkæld sæti, hiti í stýri, sóllúga, nýr towing technology pakki.
35” dekk.
VERÐ
11.395.000 m.vsk
Kristín Heiða Kristinsdóttir
khk@mbl.is
„Mosfellssveitin var miklu meiri sveit en nú er
þegar ég flutti þangað fjögurra ára, þá voru
allt aðrir tímar. Þá var búskapur allt í kringum
okkur sem er löngu aflagð-
ur, svo ég ólst upp í návígi
við sauðkindur og aðrar
skepnur þó að foreldrar
mínir hafi ekki verið bænd-
ur. Faðir minn vann í
Reykjavík og fór á milli í
jeppa en það var svaðilför í
þá daga,“ segir Pétur
Magnússon myndlistar-
maður, sem opnaði sýn-
ingu sína Sögur úr sveit-
inni í Listasal Mosfellsbæjar á föstudag. Þar
lítur hann til baka í tíma og tekur upp þráð þar
sem bæði manneskjur og dýr koma við sögu.
Sýningin samanstendur af tveimur stórum
verkum; annað verkið er samþætt ljós-
myndaverk, skrásetning á myndlistarsýningu
sem Pétur hélt í fjárhúsi fyrir kindurnar þar.
„Ég hélt þessa sýningu sannarlega fyrir
kindurnar en þetta kom þannig til að fyrst bjó
ég til litla skúlptúra, abstrakt hvíta hluti. Þá
var ég ekki að búa þá til sem listaverk, heldur
hafði ég alltaf hugsað mér að þetta væri eitt-
hvað sem þyrfti að lenda í einhverjum óvænt-
um ævintýrum til að verða að einhverju. Ég
hafði í huga myndir skopmyndateiknara sem
stundum voru í blöðum þegar ég var ungur.
Þeir voru stundum að gera skopmynd af
skrýtna listamanninum á vinnustofu sinni. Þá
bjó skopmyndateiknarinn til eitthvað eins og
hann ímyndaði sér að list væri, einhverja ab-
strakt hluti, en teiknarinn var ekki að búa þá
hluti til sem list, heldur var hann að reyna að
gera mynd af listinni. Ég vildi búa til eitthvað
sem væri mögulega eins og list, en síðan myndu
þessir hlutir lenda í einhverju samhengi sem
gerði þá að einhverju sem ég gæti svo sýnt
fólki á listasýningu. Þess vegna eru þessir ab-
strakt hlutir mínir ekki á sýningunni, af því
þeir eiga ekki heima þar, heldur ljósmyndir af
þeim í óvæntu rými í fjárhúsi meðal kinda.“
Pétur segir það vera algera tilviljun að hann
valdi að setja hlutina upp í fjárhúsi en ekki ein-
hverju öðru rými.
„Ég eyði töluverðum tíma norður á Raufar-
höfn, en þar í nágrenninu er góður vinur minn
búsettur, Árni bóndi í Sveinungsvík. Þangað
kem ég oft og einhverju sinni var ég að þvæl-
ast með honum úti í fjárhúsum og þá sá ég
hvernig ég gæti látið þessa hvítu hluti mína
lenda í einhverju ævintýri. Þá fannst mér
dæmið ganga upp. Þetta er líka eitthvað úr
þeim tveimur heimum sem ég hrærist í.“
Góbelínverk er mynd af lausn gátu
Hitt verkið á sýningu Péturs er heilmikið
verk sem er vefnaður, unninn út frá ákveðnu
fyrirbæri bernskunnar.
„Þetta verk vann ég út frá gátu sem móðir
mín kenndi mér barnungum, en verkið er
mynd af lausn gátunnar. Gátan er svona: Sat
ég og át, og át af mér. Át það sem ég á sat, og
át af því. Vefnaðarverkið er svarið, sem mér
hefur alla tíð þótt ákaflega myndrænt og er
verkið óður til móður minnar heitinnar. Þetta
er mynd af konu sem situr á baki hryssu og
konan er að borða, en hún hefur líka barn sitt á
brjósti á meðan hryssan bítur gras og folald
hennar sýgur hana. Ég vann þetta fótógrafískt
og það var síðan ofið eftir ljósmyndinni. Þessi
myndvefnaður heitir góbelín.“
Sýning Pétur í Mosfellsbæ stendur til og
með 22. nóvember. Einnig sýnir hann verk
núna í gallerí 1.h.v. Lönguhlíð 19 í Reykjavík.
Þar sýnir hann með Guðrúnu Hrönn Ragnars-
dóttur. Sýningin heitir „Lög/Layers“. Gallerí
1.h.v. er opið á fimmtudögum frá 16 til 18 og
sunnudögum frá 14 til 16. Sú sýning stendur til
17. nóvember.
Verk í óvæntu samhengi í fjárhúsi
 Listamaður lítur til baka í tíma og tekur upp þráð þar sem bæði manneskjur og dýr koma við sögu
 Vann vefnaðarverk út frá gátu sem móðir hans kenndi honum ungum  Verkið er óður til móður
Pétur
Magnússon
Undrun Kindurnar voru hissa á verkum Péturs sem hann setti upp í fjárhúsi í Sveinungsvík.
Böðvar Páll Ásgeirsson
bodvarpall@mbl.is
Borgarleikhúsið bauð öllum 10.
bekkingum í Reykjavík á sýninguna
Allt sem er frábært nú í haust. Fjór-
ar sýningar hafa verið haldnar nú
þegar og svo tvær í lok nóvember
svo allir þeir u.þ.b. 1.500 nemendur
sem boðið hefur verið geti séð sýn-
inguna. „Við stöndum fyrir mjög öfl-
ugu fræðslustarfi og höfum boðið
öllum 5 ára börnum á leikskólum
Reykjavíkur, 5. bekkingum og svo
10. bekkingum að koma,“ segir
Kristín Eysteinsdóttir, leikhússtjóri
Borgarleikhússins.
„Þetta er mjög mikilvægt fræðslu-
starf,“ segir Kristín en í ár varð Allt
sem er frábært fyrir valinu fyrir 10.
bekkinga. „Það er mikilvægt að
bjóða þessum ungmennum upp á
vandaðar sýningar sem við teljum að
þau tengi við. Þetta er sýning sem
var sýnd fyrir fullu húsi í fyrra og
umfjöllunarefnið er maður sem segir
sögu sína frá því hann var drengur
og hvernig hann tekst á við það að
eiga móður sem glímir við mikið
þunglyndi. Sjálfur verður hann
þunglyndur þegar hann verður full-
orðinn og inntak verksins snýst um
að horfa á jákvæðu hlutina í lífinu,
hvernig maður getur tamið sér
ákveðið hugarfar,“ segir Kristín en
sögupersónan gerir lista yfir allt
sem frábært í lífinu frá því hann er
barn.
Sýningin er einleikur Vals Freys
Einarssonar en áhorfendur taka
þátt og segja söguna með honum.
„Þetta er sýning um mjög stórt við-
fangsefni sem ungmenni eru mörg
hver að glíma við í dag en sagan er
sögð á mannlegum og fallegum nót-
um,“ segir Kristín.
Aukinn áhugi ungmenna
Kristín segir viðtökurnar hafa
verið góðar. „Kennararnir koma
með nemendum og áhorfendur þurfa
að taka að sér ákveðið hlutverk í
sýningunni á móti leikaranum. Ég
fann að nemendum fannst æðislegt
að sjá að kennararnir voru teknir
upp að töflu ef þannig má að orði
komast. Maður fann að það var djúp
hlustun og þau tengdu mikið.“ Hún
bætir við að mikilvægt sé að ung-
lingar sjái ekki aðeins sýningar sér-
staklega tilætlaðar unglingum held-
ur einnig vandaðar sýningar sem
ögra þeim og þroski leikhúsáhuga
þeirra.
Kristín segir að um 35% aukning
hafi orðið í sölu ungmennakorta milli
ára hjá leikhúsinu. „Það eru auðvit-
að margar ástæður fyrir því en ég
held að helstu þættirnir felist í því að
við erum að bjóða upp á meiri sveigj-
anleika í kortunum þannig að verðið
er meira fljótandi. Við erum til dæm-
is að opna nýtt svið sem kallast Um-
búðalaust fyrir unga sviðshöfunda
og þar verður miðaverði stillt í al-
gjört hóf.“
Umbúðalaust er hluti af nýrri
stefnu leikhússins en auk þess hefur
það einnig hafið að bjóða hugsuðum
sviðið til að deila sínum hugmyndum
og hugleiðingum. „Þar er Andri
Snær, sem fjallar um loftslagsmálin,
Vera Illugadóttir og Bergur Ebbi.
Þetta er eitthvað sem höfðar til ungs
fólks, bæði í umfjöllunarefni og
verði,“ segir Kristín. Spurð hvort
framhald verði á segir hún: „Við er-
um að byrja að innleiða þessa nýju
stefnu með þessum viðburðum í vet-
ur og munum svo halda áfram á
næsta ári.“
Mikilvægt fræðslustarf
 Öllum 10. bekkingum Reykjavíkur var boðið á
sýninguna Allt sem er frábært í Borgarleikhúsinu
Fræðandi Frá sýningu á verkinu Allt sem er frábært.
Morgunblaðið/Eggert
Tenging Kristín segir nemendur
hafa hlustað vel og tengt við um-
fjöllunarefni sýningarinnar.