Fréttablaðið - 14.02.2020, Side 38

SÍMAR AUGLÝSINGADEILDIR – AUGLÝSINGASTJÓRI: Gústaf Bjarnason gustaf@frettabladid.is ALMENNAR AUGLÝSINGAR: SÍMI 550 5050:
Hjördís Zoëga hjordis@frettabladid.is, Hlynur Þór Steingrímsson, hlynur@frettabladid.is , Sigfús Örn Einarsson sigfus@frettabladid.is, Örn Geirsson orn.geirsson@frettabladid.is FÓLK/
SÉRBLÖÐ SÍMI 550 5077: Atli Bergmann atli@frettabladid.is, Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson jonivar@
frettabladid.is, Ruth Bergsdóttir ruth@frettabladid.is. FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar
Helgason hrannar@frettabladid.is, Viðar Ingi Pétursson vip@frettabladid.is ÞJÓNUSTUAUGLÝSINGAR SÍMI 550-5055: Guðrún Inga Grétarsdóttir gudruninga@frettabladid.is
Ný sjónvarpsþátta-sería frá hinum sívinsæla Steinda Jr., eða Steinþóri Hróari Steinþórs-syni eins og hann
heitir réttu nafni, hefur göngu
sína í dag. Í þáttunum Steinda Con
ferðast hann um allan heim ásamt
þekktum Íslendingum á furðulegar
hátíðir eða svokölluð „con“, sem er
blanda af hátíð og ráðstefnu. Á þær
mætir fólk með sameiginleg áhuga-
mál og ástríður.
„Samúel Bjarki hjá framleiðslu-
fyrirtækinu Skoti hafði samband
og viðraði hugmyndina við mig,
mér leist strax vel á verkefnið. Við
settumst niður með Ragnari Hans-
syni leikstjóra og þróuðum þetta
áfram og stækkuðum. Við vildum
gera heimildar-skemmtiþætti og
gefa fólki innsýn í þessa furðulegu
heima, hvers vegna er verið að halda
þessar ráðstefnur og hátíðir árlega
og hvaða fólk er þetta sem sækir
þær? Svo tek ég frábæra gesti með
mér til þess að gera upplifunina
skemmtilegri fyrir áhorfendur,“
segir Steindi.
Hann hafði ekki farið áður á ráð-
stefnu né hátíð líkt og þær sem hann
sækir í þáttunum.
„Ég stórefast um að fólk hafi heyrt
um þær allar, en þær eru til og eru
haldnar árlega. Það geta allir keypt
sér miða á þær, það verður fróðlegt
að sjá hvort Íslendingar muni flykkj-
ast til útlanda og prófa að upplifa
þessar ráðstefnur. En svo er oft ágætt
bara að sjá þær í sjónvarpinu og láta
þar við sitja,“ segir hann sposkur.
Slasaður Hugleikur
Hann paraði saman gesti og hátíðir
af mikilli kostgæfni, það var engin
tilviljun hver fór á hvaða hátíð.
„Ég valdi gesti sem mér fannst
henta hverri ráðstefnu fyrir sig.
Anna Svava lék sér að Pony-hestum
þegar hún var yngri og var því full-
komin á My little Pony hátíð fyrir
fullorðna. Bergur Ebbi er framtíð-
arfræðingur og smellpassaði á ráð-
stefnu um geimverur og f ljúgandi
furðuhluti. Sigrún, kærasta mín,
kom með mér á stærstu blætis-hátíð
í heimi, mér fannst tilhugsunin um
að fara þangað án hennar mjög
óþægileg, en annars vona ég bara
innilega að enginn horfi á þann þátt.
Hugleikur Dagsson kom með á
stærstu LARP-hátíð heims af aug-
ljósum ástæðum, en þar hittast yfir
10.000 nördar í Þýskalandi og fara
í einn stóran hlutverkaleik. Heims-
meistaramótið í lúftgítar var með
mömmu minni, enda vildi ég hafa
hana hjá mér ef ég ynni titilinn. Nú
eða til að hugga mig þegar ég myndi
tapa.
Dóri DNA kom með mér til Ástr-
alíu til að taka þátt í kassabílarallí á
Outback-leikunum. Ekki endilega af
því hann hentaði sportinu sérstak-
lega vel heldur af því við þurftum að
taka fjórar f lugvélar til að komast
þangað og hann er f lughræddasti
maður veraldar. Mér fannst það eitt-
hvað skemmtilegt. Svo er hann líka
skíthræddur við köngulær og þarna
eru þær á stærð við lófann á manni,“
segir Steindi.
Urðu einhver hrakföll við gerð
þáttanna?
„Hugleikur slasaðist á öxl í bar-
daga upp á líf og dauða með plast-
sverðum í hlutverkaleik í Þýska-
landi. En það var ekkert sem einn
bjór og „Currywurst“ gat ekki
lagað.“
Mamma best
Steindi er fljótur til svars þegar hann
er inntur eftir því hver hafi verið
besti ferðafélaginn.
„Mamma mín var langþægilegust,
það var ekkert vesen á henni. Við
höfðum aldrei ferðast saman bara
við tvö, það var frábær upplifun. Ég
komst að mörgu sem ég vissi ekki
um mömmu mína, eins og að hún
fær sér orkudrykk fyrir morgunmat
og borðar fjórar samlokur með kæfu
á dag. Mjög skemmtilegt.“
Hann segir Dóra DNA vin hans
hafa svo verið erfiðasta ferðafélag-
ann.
„Dóri DNA var langerfiðastur.
Hann bölvaði mér allan tímann
fyrir að hafa dregið sig hinum
megin á hnöttinn til þess að gera
hluti sem við hefðum allt eins getað
gert á Akranesi, að hans sögn. Ég
hef þekkt Dóra síðan við vorum
krakkar, ég veit nákvæmlega hvar
ég á að pota í hann og hvernig á að
kveikja á honum. Áhorfendur munu
fá bestu útgáfuna af Dóra, sá þáttur
er geggjaður.“
Steinda kom mest á óvart hve
mikið hann sogaðist inn í þá menn-
ingu sem var við lýði á hverri hátíð
fyrir sig.
„Það kom mér í raun mest á óvart
hvað maður sogast inn þessa heima.
Ég fór gjörsamlega fordómalaus
inn þetta ævintýri og gaf öllu séns,
þótt ég skildi ekkert í neinu þegar
ég mætti á staðinn. Mig langaði
raunverulega að komast að því út á
hvað allar þessar ráðstefnur ganga
og reyna að tengja við fólkið sem
sækir þær. Stundum gekk það upp
og stundum ekki, en tilraunin var
alltaf einlæg.“
Sýningar á þáttunum hefjast á
Stöð 2 í kvöld.
steingerdur@frettabladid.is
Fór á blætishátíð
með kærustuni
Steindi Jr. fór á furðulegar ráðstefnur og hátíðir víðs vegar um heim-
inn með þekktum Íslendingum. Hann segist hafa furðað sig mikið á
því hve hratt hann sogaðist inn í hugarheim gesta hátíðanna.
Steindi var mættur á forsýningu þáttanna í Laugarásbíói í gær. FRÉTTABLAÐIÐ/SIGTRYGGUR ARI
SIGRÚN, KÆRASTA
MÍN, KOM MEÐ MÉR Á
STÆRSTU BLÆTIS-HÁTÍÐ Í
HEIMI, MÉR FANNST TILHUGS-
UNIN UM AÐ FARA ÞANGAÐ ÁN
HENNAR MJÖG ÓÞÆGILEG, EN
ANNARS VONA ÉG BARA INNI-
LEGA AÐ ENGINN HORFI Á ÞANN
ÞÁTT.
1 4 . F E B R Ú A R 2 0 2 0 F Ö S T U D A G U R30 L Í F I Ð ∙ F R É T T A B L A Ð I Ð
MARIA
BAPTIST
23. febrúar
Kl. 20.00
Silfurberg
BEINT FRÁ BERLÍN