Morgunblaðið - 09.11.2019, Qupperneq 19

FRÉTTIR 19Innlent
MORGUNBLAÐIÐ LAUGARDAGUR 9. NÓVEMBER 2019
Nýbýlavegur 8 – Portið, sími 847 1660, www.bambus.is, bambus@bambus.is
bambus.is bambus.is • Opið mánudaga og fimmtudaga frá kl. 10-14
LEIKFÖNG
fyrir allan aldur
KERTI
úr hreinu bývaxi
Höskuldur Daði Magnússon
hdm@mbl.is
Yfir eitt hundrað gestir sóttu ráð-
stefnu um jafnréttismál í Valaskjálf á
Egilsstöðum í gær. Að sögn Dagmar-
ar Stefánsdóttur, yfirmanns sam-
skipta og samfélagsmála hjá Alcoa
Fjarðaáli, var ráðstefnan vel heppn-
uð. Þar hafi komið fram mikilvægi
þess að jafnréttismál séu sett á odd-
inn hjá fyrirtækjum.
Dagmar segir í samtali við Morg-
unblaðið að tilurð ráðstefnunnar megi
rekja tvö ár aftur í tímann. „Þá héld-
um við hjá Alcoa mannauðsráðstefnu í
tilefni afmælis fyrirtækisins. Á þeirri
ráðstefnu fundum við hvað væri mikil
þörf fyrir einhvers konar fræðslu fyr-
ir atvinnulífið hér. Við erum vön því
að sækja allt suður, flestar ráðstefnur
og viðburðir eru haldnir í Reykjavík.
Okkur fannst upplagt að sýna fram á
að þessar flugvélar fljúga í báðar áttir
og standa fyrir viðburði sem eflir at-
vinnulífið úti á landi.“
Hafa sett jafnréttismál á oddinn
Hún segir að umfjöllunarefni ráð-
stefnunnar, jafnréttismál, standi
skipuleggjendunum nærri. „Okkur
fannst líka tilvalið að fá til liðs við okk-
ur önnur fyrirtæki sem einnig hafa
sett jafnréttismál á oddinn. Við leit-
uðum til Landsbankans og Lands-
virkjunar, tveggja fyrirtækja með
mikla og sterka starfsemi á lands-
byggðinni.“
Framsögumenn á ráðstefnunni
voru Lilja Björk Einarsdóttir, banka-
stjóri Landsbankans, Hörður Arn-
arson, forstjóri Landsvirkjunar, og
Guðný Björg Hauksdóttir, fram-
kvæmdastjóri mannauðs hjá Alcoa
Fjarðaáli, auk Þorsteins Víglunds-
sonar alþingismanns og Þóreyjar Vil-
hjálmsdóttur, ráðgjafa hjá Capacent.
„Þorsteinn er einskonar faðir jafn-
launavottunar hér á landi og talaði
um hverju vottunin er að skila at-
vinnulífinu. Guðrún talaði um mikil-
vægi þess að fyrirtæki hefði kjark til
að ögra fyrirtækjamenningunni eins
og við höfum gert,“ segir Dagmar og
segir mikilvægt að jafnréttismálum
sé sinnt á vinnustöðum. „Það er mik-
ilvægt að hætta aldrei. Jafnréttismál
eru ekki eitthvað sem fyrirtæki laga
einu sinni. Þetta er stöðug vinna og
stjórnendur þurfa að ræða jafnréttis-
mál. Forstjórar þurfa að taka þennan
málaflokk upp á sína arma.“
Krefst stöðugrar vinnu
að sinna jafnréttismálum
 Fjölsótt ráðstefna á Egilsstöðum  Eflir atvinnulífið
Ljósmynd/Jón Tryggvason
Jafnréttisráðstefna Þau, frá vinstri, Lilja Björk Einarsdóttir, Hörður Arn-
arson, Guðný Björg Hauksdóttir, Þorsteinn Víglundsson og Þórey Vil-
hjálmsdóttir voru frummælendur og Dagmar Ýr Stefánsdóttir fundarstjóri.
Viðurkenningar Jafnvægisvog-
arinnar voru afhentar á ráðstefn-
unni „Jafnrétti er ákvörðun“ sem
fram fór á Grand hóteli í vikunni.
Um er að ræða svonefnt hreyfiafls-
verkefni Félags kvenna í atvinnulíf-
inu, FKA, sem hefur það meg-
inmarkmið að auka jafnrétti innan
fyrirtækja og auka hlut kvenna í
stjórnendastöðum.
Sextán fyrirtæki og tvö sveitar-
félög hlutu viðurkenningarnar en
auk þess bættust 11 fyrirtæki og op-
inberir aðilar, ásamt þremur
sveitarfélögum, í hóp þeirra sem
taka þátt í Jafnvægisvoginni.
Í tilkynningu frá FKA segir að ár-
angur Jafnvægisvogarinnar sé nú
þegar sýnilegur eftir fyrsta ár verk-
efnisins. Samkvæmt nýlegri könnun
hafa fyrirtækin, sem skrifuðu undir
viljayfirlýsingu í fyrra, aukið hlutfall
kvenna í millistjórnendastöðum um
15% og stjórnendastöðum um 11%.
Að hreyfiaflsverkefninu standa auk
FKA, forsætisráðuneytið, Sjóvá,
Deloitte, Pipar\TBWA og Morg-
unblaðið.
Eftirfarandi fengu viðurkenningu:
Akureyrarbær, Árnasynir auglýs-
ingastofa, Deloitte, Guðmundur
Arason ehf., iClean, Íslandsbanki,
Íslandshótel, Lífeyrissjóður starfs-
manna ríkisins, Mosfellsbær, Nas-
daq Iceland, Olís, Pipar \ TBWA,
Reiknistofa bankanna, Rio Tinto á
Íslandi. Sagafilm, Sjóvá, VÍS og
Vörður tryggingar hf. Eliza Reid
forsetafrú hélt erindi á ráðstefnunni
og afhenti viðurkenningarnar.
Ljósmynd/Haraldur Guðjónsson
Jafnrétti Fulltrúar nokkurra fyrirtækja ásamt Elizu Reid forsetafrú, sem
afhenti verðlaunin. Alls fengu 16 fyrirtæki og tvö sveitarfélög verðlaun.
Viðurkenningar
Jafnvægisvogar