Morgunblaðið - 15.11.2019, Síða 32
32 ÍÞRÓTTIR
MORGUNBLAÐIÐ FÖSTUDAGUR 15. NÓVEMBER 2019
Undankeppni EM karla 2020
H-RIÐILL:
Tyrkland – Ísland..................................... 0:0
Albanía – Andorra.................................... 2:2
Frakkland – Moldóva............................... 2:1
Staðan:
Frakkland 9 7 1 1 23:6 22
Tyrkland 9 6 2 1 16:3 20
Ísland 9 5 1 3 12:10 16
Albanía 9 4 1 4 16:12 13
Andorra 9 1 1 7 3:18 4
Moldóva 9 1 0 8 3:24 3
Frakkland og Tyrkland eru örugg um
sæti á EM.
A-RIÐILL:
Tékkland – Kósóvó................................... 2:1
England – Svartfjallaland ....................... 7:0
Staðan:
England 7 6 0 1 33:6 18
Tékkland 7 5 0 2 13:10 15
Kósóvó 7 3 2 2 13:12 11
Búlgaría 7 0 3 4 5:17 3
Svartfjallaland 8 0 3 5 3:22 3
England og Tékkland eru örugg um sæti
á EM.
B-RIÐILL:
Portúgal – Litháen ................................... 6:0
Serbía – Lúxemborg ................................ 3:2
Staðan:
Úkraína 7 6 1 0 15:2 19
Portúgal 7 4 2 1 20:6 14
Serbía 7 4 1 2 15:15 13
Lúxemborg 7 1 1 5 7:14 4
Litháen 8 0 1 7 5:25 1
Úkraína er örugg um sæti á EM.
Undankeppni EM U21
Armenía – Írland...................................... 0:1
Staðan:
Írland 6 4 1 1 8:2 13
Ísland 4 3 0 1 10:6 9
Ítalía 3 2 0 1 6:0 6
Svíþjóð 3 2 0 1 9:3 6
Armenía 5 1 0 4 3:9 3
Lúxemborg 5 0 0 5 0:16 0
KNATTSPYRNA
Þýskaland
Lemgo – Flensburg ............................. 18:27
Bjarki Már Elísson skoraði 4 mörk fyrir
Lemgo.
Leipzig – RN Löwen ........................... 28:29
Viggó Kristjánsson var ekki á meðal
markaskorara Leipzig. Alexander Pet-
ersson skoraði 5 mörk fyrir Löwen. Krist-
ján Andrésson þjálfar liðið.
Frakkland
París SG – Montpellier........................ 35:30
Guðjón Valur Sigurðsson skoraði 7 mörk
fyrir PSG.
Svíþjóð
Alingsås – Önnered............................. 27:21
Aron Dagur Pálsson var ekki á meðal
markaskorara Alingsås.
HANDBOLTI
Undankeppni EM kvenna
Ísland – Búlgaría..................................69:84
Fyrsti leikur í nýrri undankeppni.
Evrópudeildin
Panathinaikos – Alba Berlín ..........105:106
Eftir tvær framlengingar.
Martin Hermannsson skoraði 20 stig,
átti 10 stoðsendingar og tók 3 fráköst fyrir
Alba Berlín.
Danmörk
Randers – Horsens ...............................96:61
Finnur Freyr Stefánsson þjálfar Hor-
sens.
NBA-deildin
Houston – LA Clippers...................... 102:93
Charlotte – Memphis ....................... 117:119
Boston – Washington ....................... 140:133
Minnesota – SA Spurs ..................... 129:114
LA Lakers – Golden State................. 120:94
Portland – Toronto........................... 106:114
Orlando – Philadelphia ...................... 112:97
KÖRFUBOLTI
HANDKNATTLEIKUR
Úrvalsdeild kvenna, Olísdeildin:
KA-heimilið: KA/Þór – Stjarnan ..............18
1. deild karla, Grill 66-deildin:
Kaplakriki: FH U – Haukar U.............19:30
Laugardalshöll: Þróttur – Grótta ........19:30
Víkin: Víkingur – Valur U .........................20
TM-höllin: Stjarnan U – Þór Ak. ..............20
1. deild kvenna, Grill 66-deildin:
Víkin: Víkingur – Fylkir ............................18
KÖRFUKNATTLEIKUR
Úrvalsdeild karla, Dominos-deildin:
Hertz-hellirinn: ÍR – Fjölnir................18:30
Njarðtaksgryfjan: Njarðvík – Þór A...18:30
Blue-höllin: Keflavík – KR ...................20:15
1. deild karla:
Selfoss: Selfoss – Höttur ......................19:15
Stykkishólmur: Snæfell – Álftanes......19:15
Í KVÖLD!
FÓTBOLTI
Sindri Sverrisson
sindris@mbl.is
Magnaður árangur Íslands í síðustu
þremur undankeppnum, sem og í
lokakeppni EM 2016, er ástæða þess
að íslenska karlalandsliðið í fótbolta
á enn von um að komast á EM næsta
sumar. Sá árangur skilaði liðinu í 10.
sæti á styrkleikalista UEFA á mikil-
vægum tímapunkti í desember 2017,
ofar en lið á borð við Svíþjóð, Dan-
mörku, Írland, Tékkland, Tyrkland
og þannig mætti áfram telja. Nú
ættu landsmenn að bíða spenntir
eftir föstudeginum 22. nóvember.
Draumurinn um að komast beint á
EM 2020 í gegnum undankeppnina
er úr sögunni eftir markalaust jafn-
tefli við Tyrki í Istanbúl í gærkvöld.
Flott frammistaða íslenska liðsins
dugði ekki til sigurs en Hörður
Björgvin Magnússon var þumlungi
frá því að tryggja Íslandi sigur seint
í leiknum þegar skalli hans var var-
inn á marklínu. Tyrkir og Frakkar
eru hins vegar nú öruggir um efstu
tvö sæti H-riðils og þar með sæti á
EM, þó að enn sé ein umferð eftir.
En löngu áður en þessi undan-
keppni hófst í mars síðastliðnum var
ljóst að frækinn árangur síðustu ára
kæmi til með að skapa „varaleið“ á
EM fyrir Íslendinga. Þessi varaleið
felst í umspili tengdu Þjóðadeildinni,
sem fram fer 26. og 31. mars, og nú
skal hún farin.
Það ræðst endanlega næsta föstu-
dag hvaða þjóðum Ísland mætir í
umspilinu, en sem stendur er líkleg-
ast að Ísland spili heimaleik við
Búlgaríu, Ísrael, Rúmeníu eða jafn-
vel Ungverjaland á Laugardalsvelli
26. mars, með framlengingu og víta-
spyrnukeppni ef til þarf. Dregið
verður á milli þessara þjóða næsta
föstudag eins og til þarf. Vinni Ís-
land leikur liðið svo úrslitaleik (sem
gæti einnig verið við einhverja þess-
ara fjögurra þjóða, en mögulega
einnig Slóvakíu, Írland eða Norður-
Írland) 31. mars og verður einnig
dregið um það á föstudaginn hvort
sá leikur yrði á Laugardalsvelli eða
útivelli.
Tveir bættust á meiðslalistann
Já, vonin lifir, vegna þess að Ís-
land var svo hátt skrifað að það var
sett í A-deild Þjóðadeildarinnar þeg-
ar henni var komið á laggirnar. Það
mátti hins vegar ekki miklu muna að
liðið þyrfti enga varaleið og færi á
EM í gegnum undankeppnina. Það
að Tyrkir skyldu landa fjórum stig-
um í rimmum sínum við heimsmeist-
ara Frakka núllaði hins vegar út
þann árangur Íslands að ná fjórum
stigum gegn Tyrkjum, og gerði tap
Íslands gegn Albönum of dýrkeypt.
Vonin hefði enn lifað með sigri í
gærkvöld og satt best að segja mátti
litlu muna. Íslenska liðið skapaði sér
reyndar varla færi stærstan hluta
leiksins, en vörnin gaf nánast engin
færi á sér og máttlítil skot Tyrkja
utan teigs enduðu alltaf í höndum
Hannesar Þórs Halldórssonar. Erik
Hamrén reyndi að blása til sóknar
með þá Alfreð Finnbogason, Kolbein
Sigþórsson og Jón Daða Böðvarsson
alla í byrjunarliðinu en því miður var
lítið búið af leiknum þegar Alfreð
meiddist illa á öxl og varð að fara af
velli. Arnór Ingvi Traustason fór
einnig meiddur af velli í leiknum í
seinni hálfleik, og þessi skakkaföll
bættust við talsverð skakkaföll fyrir
leikinn. Einhvern tímann hefði ís-
lenska liðið kannski átt erfiðara með
að eiga við þessa stöðu en það vant-
aði lítið upp á til að það fagnaði sigri
í Istanbúl, með hættulegum sóknar-
lotum á lokakaflanum, og hugsan-
lega hefði Jón Daði átt að fá víta-
spyrnu í blálokin.
Tækifæri til að hleypa þeim
óreyndari að á sunnudag
Nú er aðeins eftir leikur við Mol-
dóvu á sunnudaginn en þar er að
engu að keppa. Þar gætu því
óreyndari leikmenn fengið tækifæri
til að spreyta sig, eins og hinn 21 árs
gamli Mikael Anderson sem kom
sprækur inn á síðustu mínúturnar í
sínum fyrsta mótsleik fyrir Ísland, í
stöðu þar sem Ísland þurfti mark en
hafði sárafáa kosti á varamanna-
bekknum til að auka sóknarþung-
ann. Arnór Sigurðsson er sömuleiðis
smám saman að spila sig inn í liðið
og leysti Alfreð af hólmi í gær, Jón
Guðni Fjóluson gæti fengið annað
tækifæri í vörninni, sem og Sverrir
Ingi Ingason, og kannski er hér
kominn tími til að gefa öðrum mark-
verði mótsleik á ferilskrána.
Tyrkjum ber að hrósa fyrir það að
hafa þegar tryggt sér sæti á EM,
ekki búnir að fá á sig nema þrjú
mörk í níu leikjum í undankeppninni
(þar af tvö frá Ragnari Sigurðssyni á
Laugardalsvelli). Þeir fengu „sturl-
aðan“ stuðning í Istanbúl í gær og
fögnuðu EM-sætinu vel, og vonandi
fær Ísland nú tækifæri til að tryggja
sér sömuleiðis EM-sæti á heimavelli,
með sturlaðan stuðning við bak sitt á
köldum marskvöldum í Reykjavík.
Bíða nú kalds mars
Ísland fer í umspil 26. mars Ræðst næsta föstudag hver verður andstæðingur
upp úr undankeppni EM endanlega úr sögunni eftir markalaust jafntefli í Istanbúl
Gleði og sorg Arnór
Sigurðsson gengur
dapur af velli en
Tyrkir fagna EM-
sætinu sem jafnteflið
tryggði þeim.
Heimsmeistarar Frakka eru komn-
ir í efsta sæti H-riðils, riðils Íslands
í undankeppni EM, og halda því
sæti með sigri á Albaníu í loka-
umferðinni á sunnudag. Efsta sætið
er dýrmætt upp á röðun í styrk-
leikaflokka fyrir lokakeppni EM,
sem nú er endanlega ljóst að Frakk-
ar verða með í.
Frakkar léku hins vegar illa í
gær og lentu undir á heimavelli
gegn botnliði Moldóvu sem er með
3 stig í riðlinum. Raphael Varane
jafnaði metin í fyrri hálfleik og Oli-
vier Giroud skoraði sigurmark úr
vítaspyrnu tíu mínútum fyrir leiks-
lok, líkt og hann gerði sigurmarkið
í 1:0-sigrinum gegn Íslandi úr víta-
spyrnu í síðasta mánuði. Giroud er
markahæstur Frakka í undan-
keppninni með fimm mörk.
Í hinum leik riðilsins sýndu An-
dorramenn að þeir eru á réttri leið,
en þeir eru komnir með fjögur stig í
undankepppninni eftir 2:2-jafntefli
við Albaníu á útivelli. Andorra
komst yfir snemma í seinni hálfleik
þegar Cristian Martínez skoraði
sitt annað mark en Albanía náði að
jafna. sindris@mbl.is
Moldóva komst yfir gegn
heimsmeisturunum
AFP
Sigurmark Olivier Giroud skorar hér sigurmarkið gegn Moldóvu úr víti.