Morgunblaðið - 16.11.2019, Síða 21

FRÉTTIR 21Erlent
MORGUNBLAÐIÐ LAUGARDAGUR 16. NÓVEMBER 2019
Bíldshöfða 16, 110 Reykjavík 414 84 00 www.martex.is
Góð þjónusta
byrjar með
flottum fatnaði.
Fatnaður fyrir fagfólk
Bogi Þór Arason
bogi@mbl.is
Nancy Pelosi, forseti fulltrúadeildar
Bandaríkjaþings, segir að Donald
Trump forseti hafi reynt að múta
úkraínskum stjórnvöldum með því að
setja það skilyrði fyrir aðstoð við
Úkraínu að forseti landsins fyrirskip-
aði rannsóknir á pólitískum andstæð-
ingi Trumps og meintum afskiptum
Úkraínumanna af forsetakosningun-
um í Bandaríkjunum 2016.
Pelosi skírskotar til þess að sam-
kvæmt annarri grein stjórnarskrár
Bandaríkjanna varðar mútugjöf
embættissvipingu: „Forseta, varafor-
seta og öllum borgaralegum
embættismönnum Bandaríkjanna
skal vikið úr embætti þegar þeir eru
ákærðir til embættismissis og dæmd-
ir fyrir landráð, mútugjafir eða mútu-
þágu, eða aðra meiriháttar glæpi og
afbrot.“
Þetta er í fyrsta skipti sem forseti
fulltrúadeildarinnar sakar Trump um
tilraun til að múta Úkraínumönnum
með því að halda eftir aðstoð að and-
virði nær 400 milljóna dala sem
Bandaríkjaþing hafði samþykkt að
veita þeim vegna hernaðar Rússa í
austurhéruðum Úkraínu og innlim-
unar Krímskaga í Rússland. Trump
lét fresta aðstoðinni viku áður en
hann ræddi í síma við Volodimír Ze-
lenskí, forseta Úkraínu, 25. júlí þegar
hann óskaði eftir rannsóknum á póli-
tískum andstæðingi sínum og meint-
um afskiptum Úkraínumanna af
kosningunum í Bandaríkjunum. Að-
stoðin var að lokum veitt í september
eftir að þingmenn úr röðum demó-
krata og repúblikana gagnrýndu þá
ákvörðun að halda henni eftir.
Aðstoðin skilyrt rannsóknum
Bill Taylor, staðgengill sendiherra
Bandaríkjanna í Kænugarði, hefur
sagt nefnd fulltrúadeildarinnar sem
rannsakar meint embættisbrot for-
setans að Trump hafi sett það skilyrði
fyrir aðstoðinni að stjórnvöld í Úkra-
ínu fyrirskipuðu rannsókn á Joe Bi-
den, fyrrverandi varaforseta, sem
sækist nú eftir því að verða forseta-
efni demókrata í kosningunum á
næsta ári. The Wall Street Journal
segir að Trump og aðstoðarmenn
hans hafi ekki rökstutt þá ásökun að
Biden hafi beitt sér fyrir því að þá-
verandi ríkissaksóknara Úkraínu
yrði vikið frá árið 2016 í því skyni að
koma í veg fyrir rannsókn á jarðgas-
fyrirtækinu Burisma vegna ásakana
um spillingu. Trump segir að mark-
miðið hafi verið að vernda son vara-
forsetans fyrrverandi, Hunter, sem
var þá í stjórn fyrirtækisins. Ekkert
hefur komið fram sem bendir til þess
að fullyrðingar Trumps um Biden
séu réttar og ástæða þess að varafor-
setinn fyrrverandi og fleiri
embættismenn vestrænna ríkja
beittu sér fyrir brottvikningunni var
sú að ríkissaksóknarinn hafði hindr-
að saksóknir í spillingarmálum.
Trump hefur einnig krafist þess
að stjórnvöld í Kænugarði fyrirskipi
rannsókn á netþjóni landsnefndar
Demókrataflokksins og haldið því
fram að hann sé núna í Úkraínu. Sú
krafa byggist á þeirri kenningu
stuðningsmanna Trumps að það hafi
verið Úkraínumenn en ekki Rússar
sem hafi brotist inn í tölvukerfi
landsnefndar Demókrataflokksins
til að leka tölvupóstum í fjölmiðla í
því skyni að skaða forsetaefni flokks-
ins, Hillary Clinton, í kosningunum
árið 2016. The Wall Street Journal
segir að ekkert hafi komið fram sem
bendi til þess að netþjónninn sé eða
hafi verið í Úkraínu og kenningin
stangist á við niðurstöðu leyniþjón-
ustustofnana Bandaríkjanna sem
segja að stjórnvöld í Rússlandi hafi
staðið fyrir innbrotunum með það að
markmiði að hafa áhrif á forseta-
kosningarnar árið 2016.
Ræddu aldrei við Trump
Pelosi sagði eftir að Taylor svaraði
spurningum leyniþjónustunefndar
fulltrúadeildarinnar á miðvikudag-
inn var að vitnisburður hans væri
mikilvægur vegna þess að hann
renndi frekari stoðum undir vís-
bendingar um að forsetinn hefði
reynt að múta Úkraínumönnum. „Og
forsetinn misnotaði völd sín og braut
gegn embættiseiði sínum með því að
hóta að halda eftir hernaðaraðstoð og
hætta við fund í Hvíta húsinu til að
knýja fram rannsókn gegn pólitísk-
um andstæðingi sínum – og það er
augljóslega tilraun af hálfu forsetans
til að styrkja stöðu sína í kosningun-
um 2020.“
Trump og stuðningsmenn hans
hafa lýst rannsókninni sem „norna-
veiðum“ og þingmenn repúblikana
hafa neitað því að Trump hafi gerst
sekur um brot sem varði embættis-
sviptingu. Þeir segja að vitnin sem
hafa verið yfirheyrð fyrir opnum
tjöldum hafi aldrei rætt við Trump og
vitnisburður þeirra byggist á upplýs-
ingum sem þau hafi fengið frá öðrum.
Sagt að aðstoða ekki
Kevin McCarthy, leiðtogi repúblik-
ana í fulltrúadeildinni, sagði að demó-
kratar í rannsóknarnefndinni hefðu
ekki yfirheyrt neina embættismenn
sem hefðu sjálfir heyrt Trump tala
um aðstoðina við Úkraínu. Demó-
kratar hafa þó óskað eftir vitnisburði
embættismanna sem búa yfir upplýs-
ingum um málið frá fyrstu hendi, m.a.
Micks Mulvaney, starfandi skrif-
stofustjóra Hvíta hússins, og Johns
Boltons, fyrrverandi þjóðaröryggis-
ráðgjafa. Þeir hafa hins vegar ekki
komið fyrir rannsóknarnefndina og
lögfræðilegur ráðgjafi forsetans hef-
ur fyrirskipað embættismönnum
stjórnarinnar að aðstoða ekki við
rannsóknina.
Fulltrúadeild þingsins hóf rannsókn sem gæti leitt
til ákæru á hendur Trump forseta til embættismissis
Frá rannsókn
til ákæru til
embættismissis
Nefndir deildarinnar rannsaka meint
embættisbrot, yfirheyra vitni og
dómsmálanefnd hennar greiðir
atkvæði um hvort ástæða sé til ákæru
Já
Nei
Leggur fram
ákæruatriðin
Fulltrúadeildin greiðir atkvæði
um hvort ákæra eigi forsetann
Meirihluti (51%)
styður ákæruna
Rannsókninni lýkur
Já
Trump heldur embættinu
Trump heldur embættinu
Trump heldur embættinu
Nei
Ekki meirihluti
Öldungadeildin réttar í málinu
og greiðir atkvæði um ákæru
Trump ákærður til
embættismissis
JáNei
Trump sviptur embættinu og
varaforsetinn tekur við því
Ekki meirihluti 2/3 (67%) deildarinnar
Þinghúsið í Washington
Ljósmynd: AFP/Saul Loeb
1
2
3
4
Demókratar eru með
meirihluta í deildinni
Repúblikanar eru með
meirihluta í deildinni
Trump sak-
aður um
mútutilraun
 Sagður hafa reynt að múta Úkraínu-
mönnum til að hefja rannsóknir
AFP
Nornaveiðar? Nancy Pelosi, forseti
fulltrúadeildar Bandaríkjaþings.
Fjölmiðlar einræðisstjórnarinnar í
Norður-Kóreu fóru í gær mjög hörð-
um orðum um Joe Biden, frambjóð-
anda í forkosningum demókrata, og
lýstu honum sem „rakka með
hundaæði“.
Ríkisfréttastofan KCNA sagði að
Biden hefði haft „þá fífldirfsku að
voga sér að ráðast með rógi á reisn
æðstu forystumanna Lýðræðislega
alþýðulýðveldisins Kóreu“. „Rakkar
með hundaæði eins og Biden geta
meitt marga ef þeim er leyft að
hlaupa um. Það þarf að berja þá til
bana með priki. Það væri líka gagn-
legt fyrir Bandaríkin,“ sagði KCNA.
Ástæða þess-
ara heiftarlegu
ummæla er sú að
Biden vogaði sér
fyrr í vikunni að
gagnrýna utan-
ríkisstefnu Don-
alds Trumps, sem
hann sagði lof-
syngja einræðis-
herra og sparka í bandamenn
Bandaríkjanna. Trump hefur m.a.
lofsamað Kim Jong-un, leiðtoga
Norður-Kóreu, sagt að samband
þeirra hafi verið „dásamlegt“ og
þeir hafi orðið „ástfangnir“.
Lýsir Joe Biden sem rakka með hundaæði
EINRÆÐISSTJÓRN NORÐUR-KÓREU SVARAR GAGNRÝNI Á UTANRÍKISSTEFNU TRUMPS
AFP
„Ástfangnir“ Kim Jong-un og Donald
Trump á fundi í Singapúr í júní 2018.
Joe Biden