Morgunblaðið - 29.11.2019, Side 2

2 FRÉTTIRInnlent
MORGUNBLAÐIÐ FÖSTUDAGUR 29. NÓVEMBER 2019
EINSTÖK SIGLING UM
MIÐJARÐARHAFIÐ. ÞAR SEM
HVERGI ER SPARAÐ Í LÚXUS.
28. MAÍ - 12. JÚNÍ 2020
NÁNAR Í SÍMA 585 4000 EÐA Á UU.IS
MIÐJARÐARHAFIÐ
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Stefnt er á Hvassahraun
 Ríkið og Reykjavíkurborg semja um flugvallarmál  Vatnsmýrarvöllur áfram
um sinn  Rannsóknir í Hvassahrauni  Nýr flugvöllur í gagnið eftir 15-17 ár
Sigurður Bogi Sævarsson
sbs@mbl.is
„Línurnar í flugvallarmálum hafa
skýrst með þessu,“ segir Sigurður
Ingi Jóhannsson samgönguráðherra
í samtali við Morgunblaðið. Í gær
undirrituðu ráðherra og Dagur B.
Eggertsson, borgarstjóri í Reykja-
vík, samkomulag um að halda rann-
sóknum um fýsileika þess að útbúa
flugvöll í Hvassahrauni. Verði út-
koman jákvæð verður hægt að fara í
framkvæmdir innan fárra ára.
Undirritunin byggist á niðurstöð-
um stýrihóps, undir forystu Eyjólfs
Árna Rafnssonar verkfræðings, sem
var falið að skoða framtíðarskipan
flugvallamála á suðvesturhorninu.
Fram kemur í niðurstöðum hópsins
að flugvallargerð í Hvassahrauni
gæti kostað um 44 milljarða kr.
Ákvörðun um framkvæmdir þar
byggist þó á að mælingar á veðurfari
séu jákvæðar en þær taka minnst tvö
ár. Því samhliða þarf svo að huga að
samgöngum til og frá flugvellinum
nýja, semja við sveitarfélög á Suð-
urnesjum og fleira.
Hvassahraunsvöllur yrði fyrir
einka- og innanlandsflug sem og
varaflugvöllur fyrir Keflavík. Sam-
komulagið frá í gær kveður jafn-
framt á um að tryggja rekstur
Reykjavíkurflugvallar á meðan gerð
nýs flugvallar stendur.
„Nú förum við í rannsóknir í
Hvassahrauni og höfum fyrirfram
ástæðu til að búast við þær verði já-
kvæðar með tilliti til flugvallargerð-
ar. Á meðan getum við búið í haginn
með aðrar ráðstafanir. Flugvöllur í
hrauninu gæti orðið tilbúinn eftir 15-
17 ár. Niðurstöður starfshópsins eru
líka þær að við eigum að halda áfram
uppbyggingu Keflavíkurflugvallar,
nú þegar allar spár benda til þess að
flugumferð í heiminum aukist mikið
á næstu árum. Því gæti verið full
þörf á tveimur stórum flugvöllum á
suðvesturhorninu innan ekki langs
tíma,“ sagði Sigurður Ingi.
Dagur B. Eggertsson borgarstjóri
segir í tilkynningu mikilvægt að allir
þeir sem mestra hagsmuna eiga að
gæta í flugvallarmálum hafi átt full-
trúa í stýrihópnum. Nú sé líka kom-
inn grundvöllur til að taka skýra
stefnu í málinu og hefja rannsóknir í
Hvassahrauni með flugvallargerð í
huga.
Flugvallarmál Eyjólfur Árni Rafns-
son kynnti Hvassahraunsskýrsluna.
Árvakur, útgáfufélag Morgunblaðs-
ins, mbl.is og K100, sagði í gær upp 15
starfsmönnum og dreifast uppsagn-
irnar á margar deildir fyrirtækisins.
Fundað var með starfsmönnum um
hálfþrjúleytið í gær en þar kynntu
yfirmenn aðgerðirnar og þær ástæð-
ur sem að baki búa.
Ástæður uppsagnanna eru að sögn
Haraldar Johannessen, fram-
kvæmdastjóra Árvakurs, versnandi
efnahagsástand hér á landi og lang-
varandi erfið rekstrarskilyrði fjöl-
miðla, innlendra ekki síður en er-
lendra. „Auglýsingamarkaðurinn hér
á landi hefur í um hálft annað ár verið
afar erfiður og kemur þar margt til.
Ríkisútvarpið hefur sótt harðar inn á
þann markað en auk þess hefur al-
mennt efnahagsástand farið versn-
andi og fyrirtæki halda að sér hönd-
um þegar kemur að auglýsingum, en
auglýsingar eru sem kunnugt er ann-
ar helsti tekjupóstur fjölmiðla eins og
Árvakurs. Auk þessa höfum við mátt
búa við verkfallsaðgerðir sem ekki
sér fyrir endann á og hafa komið
mjög illa við þennan fjölmiðil eins og
aðra sem þær hafa beinst að,“ sagði
Haraldur, og bætti við að uppsagnir
eins og þær sem ráðist hefði verið í
væru öllum þungbærar sem að þeim
kæmu en einkum væri hugur allra þó
vitaskuld hjá samstarfsfólkinu sem
þurft hefði að kveðja.
„Uppsagnirnar í dag snúast ekki
um að fólk hafi ekki staðið sig í starfi
heldur einfaldlega um það að fyrir-
tækið verður að ganga mjög langt í að
hagræða til að koma rekstrinum í við-
unandi horf,“ sagði Haraldur og
minnti á að fyrirtækið hefði verið rek-
ið með verulegu tapi í fyrra. Gripið
hefði verið til umfangsmikilla að-
gerða í fyrra og fyrr á þessu ári til að
ná jafnvægi í rekstrinum en það hefði
ekki dugað til þó að staðan væri nú
betri en á sama tíma í fyrra. „Við urð-
um að grípa til þessara aðgerða nú til
að koma rekstrinum í rétt horf og
vonumst til að þær dugi og að rekst-
urinn verði ekki fyrir frekari skakka-
föllum,“ sagði Haraldur Johannes-
sen.
Uppsagnir hjá Árvakri
 Erfið rekstrar-
skilyrði fjölmiðla
Morgunblaðið/ÞÖK
„Við bíðum eftir nýju útspili atvinnu-
rekenda. Fyrr mun ekkert þokast í
átt til samkomulags í þessari deilu,“
segir Hjálmar Jónsson, formaður
Blaðamannafélags Íslands. Samn-
inganefndir BÍ og Samtaka atvinnu-
lífsins funduðu í gær í húsakynnum
Ríkissáttasemjara. Setið var við í um
tvær klukkustundir og lauk fundinum
án árangurs. Þriðju verkfallsaðgerðir
BÍ koma því til framkvæmda í dag og
standa þær frá klukkan 10 til 22. Ná
þær til einkum og helst til netmiðla,
það er blaðamanna, ljósmyndara og
myndatökumanna hjá Árvakri, Sýn,
Torgi og Ríkisútvarpinu sem eru í BÍ.
„Við erum sammála um að vera
ósammála,“ segir Hjálmar. Félagar í
BÍ felldu sl. þriðjudag nýgerðan
kjarasamning við SA. Næsti fundur
er boðaður á þriðjudag.
Óljós ávinningur
„Kjaradeilan er í hörðum hnút. Nú
þegar hefur SA samið við 97% laun-
þega á forsendum lífskjarasamnings-
ins sem við höfum einnig boðið blaða-
mönnum en þeir hafnað.
Verkfallsaðgerðirnar nú eru því
hættuspil og ávinningurinn óljós,
enda draga þær úr getu fyrirtækja til
að standa undir launahækkunum,“
segir Halldór Benjamín Þorbergsson,
framkvæmdastjóri SA. sbs@mbl.is
Hjálmar
Jónsson
 Blaðamannaverk-
fall heldur áfram
Hnúturinn
er harður
Halldór Benjamín
Þorbergsson
Samherji sendi í gær frá sér yfirlýs-
ingu þar sem fullyrðingum Stund-
arinnar og Ríkisútvarpsins, um að
félagið hafi átt fyrirtækið Cape Cod
FS og að JPC Shipmanagement
hafi „leppað“ eignarhald Samherja
á því, var hafnað með öllu. Björg-
ólfur Jóhannsson, starfandi for-
stjóri Samherja, segir í tilkynningu
félagsins að haldið verði áfram að
rannsaka málið og veita hlutaðeig-
andi stjórnvöldum allar upplýs-
ingar. Er þess og vænst að Stundin,
Ríkisútvarpið og aðrir fjölmiðlar
„leiðrétti rangan fréttaflutning um
málið,“ segir í tilkynningunni.
Neita að hafa átt
eða stýrt Cape Cod
Unnið var hörðum höndum að því í gær að setja upp skautasvell Nova á
Ingólfstorgi, sem glatt hefur íbúa höfuðborgarsvæðisins á aðventunni síð-
ustu árin. Meðal þess sem fylgdi umstanginu var að setja upp þessa mynd-
arlegu diskókúlu, sem mun slá tindrandi bjarma á hina góðu gesti svellsins.
Diskókúlunni komið fyrir á sínum stað
Morgunblaðið/Eggert