Morgunblaðið - 29.11.2019, Page 78

78
MORGUNBLAÐIÐ FÖSTUDAGUR 29. NÓVEMBER 2019
Ásgeir Ingvarsson
ai@mbl.is
Því er ekki hægt að neita að sumir
áfangastaðir standa ekki undir
væntingum þegar þangað er komið.
Fallegar myndir í bæklingum,
heimsfræg kennileiti og jafnvel æsi-
spennandi atriði úr kvikmyndum
hafa skapað tilhlökkun og drauma
sem stangast síðan harkalega á við
veruleikann. Það sem meira er: oft
er hægt að finna miklu skemmti-
legri staði til að heimsækja aðeins
steinsnar frá. Hér að neðan má
finna nokkur góð dæmi:
Vonbrigði: Kuala Lumpur
Maður skyldi halda að höfuðborg
Malasíu væri spennandi staður.
Hvert mannsbarn þekkir helsta
kennileiti borgarinnar – Petronas-
turnana – sem gnæfa yfir landslagið
og voru um langt skeið hæstu turn-
ar í heimi. Er heldur ekki eins og
skorti fólk í borginni, en á stór-
Kuala Lumpur svæðinu búa hvorki
meira né minna en 7,2 milljónir
manna, svo það ætti að vera nóg um
að vera.
En þegar að er gáð er ofboðslega
fátt að sjá og gera í borginni. Must-
erin og söfnin eru óspennandi,
verslanir og markaðir ekki ferð-
arinnar virði, og lítið í gangi. Þá er
borgin mishæðótt svo það er ekki
einu sinni hægt að njóta þess að
rölta þar um og villast. Til að gera
illt verra er óþarflega flókið að
heimsækja Petronas-turnana, og
þarf helst að panta miða með fyr-
irvara.
Betri kostur: Bangkok
Bangkok er alls ekki fyrir alla, en
þar er þó hægt að lenda í ein-
hverjum ævintýrum. Musteri borg-
arinnar eru forn og merkileg og
mikill metnaður lagður í verslunar-
miðstöðvarnar. Næturlífið er jafn
kryddað og ómótstæðilegt og taí-
lenski maturinn. Ólíkt Kuala Lump-
ur eru líka nuddstofur á hverju strái
og hægt að leyfa sæluhormónunum
að flæða um líkamann í notalegu
fóta- eða herðanuddi sem kostar
sáralítinn pening. Ekki gleyma að
renna við hjá klæðskera og fá
nokkrar spariskyrtur saumaðar
eftir máli.
Vonbrigði: Beirút
París Mið-Austurlanda er hún
kölluð, og enn þann dag í dag fer
það orðspor af höfuðborg Líbanons
að vera heillandi staður þar sem býr
siðfágað fólk sem er töluvert nú-
tímalegra í fasi en nágrannar þeirra
í þessum heimshluta.
En í reynd er Beirút afskaplega
lítið spennandi borg, og lýsandi að í
niðurstöðum Google yfir áhugaverð-
ustu staðina þar til að skoða megi
finna drepleiðinlegt steinasafn í 9.
sæti. Fornminjasafnið er furðu
dauflegt, miðað við alla þá merki-
legu sögu sem Líbanon státar af, og
vistlegasti staðurinn í bænum er í
kringum Nijmeh-torgið, sem virkar
gervilegt og tómlegt eftir að hafa
farið í gegnum umfangsmiklar end-
urbætur. Þá eru leigubílstjórarnir
með endemum erfiðir við að etja, og
gera allt sem í þeirra valdi stendur
til að hafa fé af ferðamönnum.
Betri kostur: Istanbúl
Ekki svo langt til norðurs er sjálf
höfuðborg Austurrómverska keis-
aradæmisins. Að bera Beirút saman
við Istanbúl er eins og að bera
Grindavík saman við Reykjavík.
Ægisif ein og sér réttlætir ferð til
þessarar fjölmennu og fallegu borg-
ar, en þar er líka að finna blómlegt
mannlíf og framúrskarandi veit-
ingastaði. Íbúar Istanbúl eru upp til
hópa yndislegt og gestrisið fólk, og
menningarlíf borgarinnar blómstrar
árið um kring.
Vonbrigði: Kaupmannahöfn
Hvað er það sem veldur að Ís-
lendingar halda svona upp á Kaup-
mannahöfn? Kannski er það bara af
gömlum vana, eða af því að við höf-
um verið alin upp við að þykja
danska höfuðborgin merkileg – og
svo eigum við flest að kunna að
panta bjórglas og smurbrauð á máli
heimamanna. Kaupmannahöfn er
alls ekki hræðileg, en hún er heldur
engin perla sem ber höfuð og
herðar yfir aðrar borgir á þessum
slóðum: Strikið er orðið afskaplega
sjúskað, Kristjanía orðin hroðalegt
bæli, og Tívólí er meira fyrir augað
en adrenalínið.
Betri kostur: Stokkhólmur
Af hverju ekki að fara frekar til
Stokkhólms. Samanburðurinn er
sláandi, og ætti ekki að dyljast nein-
um að sænska höfuðborgin er fal-
legri og snyrtilegri en sú danska.
Gamla Stan hefur yfir sér miklu
meiri sjarma en Nyhavn, og Gröna
Lund er langtum betri skemmti-
garður en Tívolí. Svo er hreinlega
eins og einhver allt annar blær sé
yfir mannlífinu – einhvers konar
sænsk siðfágun sem erfitt er að lýsa
með orðum.
Borgir sem valda
vonbrigðum
Margar heimsfrægar borgir eru ekkert sérstaklega
skemmtilegar heim að sækja. Sem betur fer er
hægt að finna betri valkosti í sama heimshluta.
Morgunblaðið/Ómar
Lúin Kaupmannahöfn er allt í lagi, en það er merkilegt hve margir Íslend-
ingar hafa margoft heimsótt þessa borg á meðan þeir eiga Stokkhólm eftir.
Ljósmynd/Wikipedia – Wusel007 (CC)
Tómleg Í Beirút er afskaplega lítið um að vera og fátt að sjá.
París Mið-Austurlanda stendur ekki undir nafni.
Ljósmynd/Pexels – Zukiman Mohamad (CC)
Spæling Petronas-turnarnir eru merkilegt mannvirki, en fátt
annað er að sjá í Kuala Lumpur. Deyfð er yfir borginni.
Ljósmynd/Flickr – Chas B (CC)
Sjarmi Skemmtigarðurinn Gröna Lund í Stokkhólmi býður
upp á mun skemmtilegri tæki en Tívolí í Kaupmannahöfn.
Morgunblaðið/Sverrir
Gimsteinn Istanbúl býr að mergjaðri sögu, stórkostlegum byggingum og
heillandi mannlífi. Matarmenningin er hreinlega framúrskarandi.
Reuters
Gusa Taílendingar kunna að njóta lífsins og í Bangkok má finna urmul af
musterum, verslunarmiðstöðvum og nuddstofum. Vatnshátíðin Songkran.