Morgunblaðið - Sunnudagur - 10.11.2019, Page 22

Morgunblaðið/Ásdís
Yfirkokkurinn Haukur er
himinlifandi með nýja stað-
inn Yuzu á Hverfisgötu.
Það myndu kannski sumirsegja að það væri að bera íbakkafullan lækinn að opna
enn einn hamborgarastaðinn í
höfðuborginni. En félagarnir
Haukur Már Hauksson, Jón Davíð
Davíðsson og Sindri Snær Jensen
eru hvergi bangnir og hafa sagt að
þeir ætli að bjóða upp á besta
hamborgara Íslands. Jón og
Sindri eiga og reka einnig veit-
ingastaðinn Flatey og tískuversl-
unina Húrra. Nú hafa þeir opnað
hamborgarastaðinn Yuzu; stað
sem er engum öðrum líkur.
Gufusoðin brauð
„Við opnuðum fyrir hálfum mán-
uði og það hefur verið brjáluð
keyrsla síðan,“ segir yfirkokkur-
inn Haukur sem hitti blaðamann í
vikunni.
„Matseðillinn er ekki stór en ég
á fleiri rétti í handraðanum og get
skipt út seinna. Yuzu er hamborg-
arastaður en með austurlensku
yfirbragði. Hamborgarabrauðin
okkar eru ekki hefðbundin og eru
í raun gufusoðin. Þau verða loft-
kennd og góð. Á hamborgurunum
er líka þetta klassíka; Heinz-
tómatsósa og gult amerískt sinn-
ep, sterk sósa og svo majónes með
yuzu-safa í, en yuzu er sítrus-
ávöxtur. Ég kaupi yuzu-safa í
stórum flöskum.“
Aldrei farið til Japans
Haukur hefur verið mat-
reiðslumaður lengi en hann
byrjaði að læra sextán ára á
Fiskmarkaðnum hjá Hrefnu
Sætran.
„Þar kynntist ég japanskri mat-
argerð. Þegar ég útskrifaðist það-
an flutti ég út til London og vann
á Zuma, sem er nútímalegur jap-
anskur staður. Þar lærði ég heil-
mikið um japanska matargerð en
ég hef lengi verið hrifinn af
brögðunum. Ég hef samt aldrei
farið til Japans en það er á listan-
um,“ segir Haukur.
„Í japönskum mat eru mjög
flókin brögð og oft eru mörg hrá-
efni í einni sósu,“ segir hann.
Gestir hafa strax valið sér
uppáhaldsrétti en Haukur segir
kjúklingaborgarann og Yuzu-
borgarann slá í gegn.
„Það kom mér líka á óvart
hversu margir skipta út kjötinu
fyrir vegan-kjöt. Það er 100% úr
plöntum en vegna þess að í því er
rauðrófusafi þá blæðir það. Ég
hef verið skammaður af vegan-
fólki fyrir að bjóða því upp á al-
vöru kjöt,“ segir hann og hlær.
„Míso-maríneraður kjúklingur
er líka vinsæll og gef ég lesendum
einfaldaða uppskrift að honum og
eins að rækjunum sem eru afar
góðar,“ segir Haukur að lokum.
Japönsk
brögð í tafli
Yuzu er nýr hamborgarastaður á Hverf-
isgötu en þar fást engir venjulegir ham-
borgarar. Þessir eru með austurlensku
bragði og afar ljúffengir. Smáréttirnir eru
líka öðruvísi og frábærir að deila.
Ásdís Ásgeirsdóttir asdis@mbl.is
Yuzu-borgarinn
svíkur ekki.
Starfsfólkið slær
á létta strengi.
22 MORGUNBLAÐIÐ SUNNUDAGUR 10.11. 2019
LÍFSSTÍLL
VANTAR ÞIG STARFSFÓLK?
Traust og fagleg
starfsmannaveita
sem þjónað hefur íslenskum
fyrirtækjum í áraraðir
Við útvegum hæfa
starfskrafta í flestar
greinar atvinnulífsins
Suðurlandsbraut 6, Rvk | S. 419 9000 info@handafl.is | handafl.is