Morgunblaðið - Sunnudagur - 01.12.2019, Blaðsíða 16

16 MORGUNBLAÐIÐ SUNNUDAGUR 1.12. 2019
Þ
að á allt sinn tíma.
Ríkjum getur þannig þótt virðu-
legt verkefni og jafnvel eftirsókn-
arvert að gegna gestgjafahlutverki á
leiðtogafundi Nató. En Boris for-
sætisráðherra Breta þykir það
örugglega ekki auðvelda sinn yfirstandandi leik að
vera í forsæti þess fundar þegar aðeins átta dagar
verða í kosningar.
Trump og hinir tylla niður fæti
Leiðtogarnir mæta ekki einir. Og þeir valda slíku um-
ferðaröngþveiti að breskur almenningur heldur helst
að Dagur B. hafi verið fenginn til að leysa einhvern af
í barneignarleyfi eða kulnun í ráðhúsinu þeirra.
Sumir leiðtoganna mæta jafnvel með margar flutn-
ingavélar í eftirdragi með eigin þriggja tonna drossí-
ur innanborðs. Þeir þurfa helst að biðja Elton John
að setja niður nokkrar birkihríslur fyrir sig til að kol-
efnisjafna leikinn, svo að sú sænska mæti ekki í skút-
unni, eins og Elton gerði fyrir Harry og Meghan svo
þau gætu notað fjórar einkaþotur eina vikuna.
Corbyn er nú með storminn í fangið og þykir því
ekki ónýtt að fá ástæðu og afsökun fyrir því að stilla
þeim Boris og Donald upp sem síamstvíburum. Í póli-
tískum vandræðum er allt hey í harðindum.
Corbyn veit ekki í hvern fót hann á að stíga í brexit-
deilunni og reynir því að beina athyglinni annað.
Hann hélt sérstakan blaðamannafund og veifaði þar
500 síðna leyniskýrslu sem hann sagði sanna að Boris
væri tilbúinn til að selja Trump breska Landspít-
alann! „Yfirgengilegt rugl,“ sagði Boris Johnson. En
þegar ekki eru nema 12 dagar í kosningar og Trump
er væntanlegur eftir fjóra daga þá er auðveldara að
matreiða 500 síðna „skýrslu“ með hann í aðal-
hlutverki sem enginn maður hefur lesið eða er líkleg-
ur til að lesa.
Kristinn Hrafnsson lagði einmitt ofuráherslu á
matreiðsluþátt frétta í útspili sínu með „RÚV“, en
hann og Stundin eru samherjar þess í málinu. Þessi
áhersla Kristins á matreiðslu en ekki fréttagildi
minnir dálítið á orð Markosar heitins forseta á Fil-
ippseyjum sem sagði að kvöldi kjördags: „Nú kemur
að mikilvægasta þætti kosninganna; talningunni
sjálfri.“ Markos var misgóður í framboðsbrölti en bil-
aði sjaldan á talningunni, ekki frekar en íslenska
varaformannsefnið forðum.
Leyniskýrsla Corbyns reyndist vera uppkast að
vinnuplaggi embættismanna í Bandaríkjunum um
allt það sem þyrfti að ræða fyrir gerð væntanlegs við-
skiptasamnings Breta og Bandaríkjanna. Á meðal
þúsunda annarra atriða voru heilbrigðis- og lyfsölu-
mál nefnd. Og þar með var Boris Johnson bersýni-
lega reiðubúinn til að selja Trump Landspítalann og
sá vís til þess að vilja hafa spítalann með sér vestur
strax eftir natófundinn.
Hrjá pestir pótintáta?
En nú verður reyndar ekki betur séð en að heilbrigð-
ismál verði ekki langt undan á natófundinum. Því í
aðdraganda hans hefur Macron forseti Frakklands
búið til storm í tebollum bandalagsins með því að slá
því fram að það gætti merkja „um heilabilun“ í hinu
mikla varnarbandalagi.
Virtist forsetinn hafa ætlað sér að lýsa einhvers
konar tilvistarkreppu hjá Nató, sem vissi ekki lengur
sjálft fyrir hvað bandalagið stæði og hvort þess væri
yfirleitt lengur þörf. Margir leiðtogar hafa lýst undr-
un sinni á þessum viðvaningslegu vangaveltum
Frakkans, og sumir gerst æði stóryrtir. Angela
Merkel kanslari Þýskalands var hins vegar hófsöm í
sínum ummælum, en þó afgerandi, sem kanslarinn er
ekki alltaf.
Hún tók af öll tvímæli um að varnarhlutverk Nató
væri það sama og fyrr og gekk svo lengra og bætti
því við að mikilvægi þess væri jafnvel enn meira en
fyrr og án þess og lykilhlutverks Bandaríkjanna í
vörnum Evrópu gætu ríki álfunnar alls ekki verið.
Þessi taumur hafði reyndar verið dreginn víðar, t.d.
í bréfi hér nýverið.
Erdogan forseti Tyrklands var á áþekku róli og
kanslarinn en hann hafði gleymt silkihönskunum
heima, enda ár og dagar síðan hann setti þá upp síð-
ast. Forsetinn sagði af þessu tilefni að fyrrnefnda
heilabilun væri hvergi að finna nema þá helst í höfð-
inu á forseta Frakklands.
Því hefur verið „lekið“, sem í þessu tilviki þýðir,
eins og svo oft, „spunnið upp“, að Boris óttist mest af
öllu að Trump segist ekki bara styðja hann í kosning-
unum heldur sé hann ástfanginn upp fyrir haus af
forsætisráðherranum.
En þótt það hljómi vissulega sætt og krúttlegt, þá
var það einmitt sama orðalagið og forsetinn notaði
fyrir fáeinum mánuðum um tilfinningar sínar í garð
Kim Yong-un!
Tíu dögum fyrir kosningar, þar sem allt er undir, er
tími taugaveiklunar. Og þegar margir góðir gestir
mæta, sem eiga það ekki síst sameiginlegt að vera
vísir til alls og fái jafnvel meiri athygli en bítlarnir á
blómaskeiðinu, er ekki að undra þó að spennan fari út
fyrir hættumörk.
Athyglisverð einkunnagjöf
Þegar þetta er skrifað er ekki gert ráð fyrir því að
hryðjuverkatilræðið í Lundúnum í gær hafi áhrif á
kosningabaráttuna, en dæmi eru vissulega til um það,
að slíkir atburðir setji marga í uppnám.
Tímamót urðu í Evrópusambandinu í gær þegar
Jean Claude Juncker forseti framkvæmdastjórn-
arinnar hvarf úr sínum valdastóli. Lýsing hans á
kveðjustundinni og mat á því hverjar væru horfur
bandalagsins virtust ekki vænleg, þótt hann tíndi
vissulega til sitt hvað sem hann taldi hafa miðað í
rétta átt á valdaskeiði sínu. Juncker var lengi for-
sætisráðherra Lúxemborgar sem hefur um áratuga-
skeið haft mikið upp úr krafsi verunnar í ESB, enda
hefur drjúgur hluti af starfsemi sambandsins verið
þar og meðfylgjandi þúsundir háttlaunaðra starfs-
manna. Skattlausir að mestu tryggja þeir mikla inn-
spýtingu í efnahaginn án þess að landið hlaði upp
skuldbindingum þeirra vegna.
Lúxemborg hefur að auki komist upp með að reka
bankastarfsemi sem býr í reynd við minni upplýs-
ingakröfu gagnvart yfirvöldum en gengur og gerist í
Evrópulöndum. Þaðan hafa iðulega reynst fá skref og
stutt yfir í enn meiri „skattaskjól“ en frá öðrum sam-
bærilegum ríkjum.
Raunsær á endaspretti
Juncker spáði því á kveðjustundinni að innan 10 til 15
ára yrðu engin Evrópuríki tæk inn í G7-hópinn, þar
Boris bítur á jaxl
og Trump bítur
afganginn
’
Þá hefur Bloomberg tilkynnt að
fjölmiðlaveldið mikla, sem við
hann er kennt, hafi fengið fyrirmæli
um það að rannsaka engar ábendingar
sem kynnu að koma fram um hann
sjálfan eða einhverja aðra frambjóðendur
demókrata til þingsins eða ríkisstjóra
þetta ár sem kosningabaráttan stendur.
Reykjavíkurbréf29.11.19