Morgunblaðið - 20.12.2019, Blaðsíða 36

HANDBOLTI
Kristján Jónsson
kris@mbl.is
Reglulega berast nú tilkynningar um
að kunnir handboltaþjálfarar ætli að
breyta til. Á þriðjudag var það Gunn-
ar Magnússon og í gær Patrekur Jó-
hannesson, þjálfari Skjern. Hann
ætlar að flytja heim í sumar og láta
gott heita í Danmörku í bili.
„Ég gerði þriggja ára samning við
Skjern en það lá fyrir að ég yrði einn
í Danmörku fyrsta veturinn. Eftir
það stóð til að fjölskyldan myndi
flytja út til mín en síðan breyttust
aðstæður. Við hjónin teljum að betra
sé fyrir börnin að vera áfram í sínu á
Íslandi heldur en að draga þau hing-
að út. Þótt skemmtilegt sé fyrir mig
að vera í handboltanum hjá Skjern
þá teljum við betra fyrir fjölskylduna
að vera heima,“ sagði Patrekur þeg-
ar Morgunblaðið sló á þráðinn til
hans í gær.
Hann segist hafa verið í góðum
samskiptum við forráðamenn Skjern
og leikmenn liðsins fengu að vita af
ákvörðun Patreks í gærmorgun. „Ég
tók ekki þessa ákvörðun í gær heldur
gerði þetta upp við mig um síðustu
mánaðamót. Þá hafði liðið unnið þrjá
leiki í röð og þessi ákvörðun var ekki
tekin í einhverju fýlukasti. Ég til-
kynnti leikmönnum hins vegar þessa
ákvörðun í morgun og í framhaldinu
var þetta tilkynnt á heimasíðu fé-
lagsins. Skjern er til fyrirmyndar og
þessi ákvörðun hefur ekkert með
handboltann að gera. Mér finnst já-
kvætt að aðstoðarþjálfarinn [Claus
Hansen] taki við liðinu. Við höfum
unnið vel saman og hann er mjög fær
þjálfari. Ég er ánægður í starfi og
forráðamenn félagsins eru ánægðir
með mín störf en fjölskyldan er núm-
er eitt.“
Mikil samkeppni í deildinni
Fyrir Patrek er góð áskorun að
þjálfa Skjern. Í liðinu eru geysilega
reyndir leikmenn eins og Bjarte
Myrhol, Anders Eggert, Kasper
Søndergaard og Thomas Mogensen.
Enginn skyldi því afskrifa Skjern
þegar komið verður í úrslitakeppn-
ina en sem stendur er liðið í 4. sæti.
„Skjern gekk ekki vel í fyrra en
árið þar á undan varð liðið meistari.
Við erum ekki sáttir við stigasöfn-
unina hingað til og vitum að við erum
með lið sem getur farið alla leið.
Deildin er hins vegar mjög jöfn þótt
Álaborg hafi verið sterkasta liðið
hingað til og sýnt mestan stöð-
ugleika. Þar á eftir koma lið frá tvö
til tíu sem eru hrikalega jöfn.
Við þyrftum helst að vera á meðal
fjögurra efstu þegar úrslitakeppnin
byrjar en ég gerði mér alveg grein
fyrir því að það tæki smá tíma að
slípa liðið saman. Yfirleitt hefur
gengið vel hjá mér á endanum.
Mér þykir mjög skemmtilegt að
þjálfa þessa stráka. Nokkrir þeirra
eru á síðustu metrunum í boltanum
ef svo má segja. Kasper tilkynnti til
dæmis að þetta yrði hans síðasta
tímabil en hann er sá sigursælasti í
Danmörku. Hann, Bjarte, Thomas
og fleiri eru miklir atvinnumenn og
gaman að vinna með þeim.“
Spurður um hvort Patrekur komi
til með að leita sér að þjálfarastarfi á
Íslandi frá næsta sumri segist hann
ekki hafa gert það upp við sig. En í
ljósi þess hvað hann hefur fengist við
á vinnumarkaði í gegnum árin þá sé
líklegt að hann muni starfa í kring-
um handboltann.
„Ég skal vera alveg hreinskilinn.
Ég hef ekkert ákveðið né talað við
nokkurt félag varðandi það. Þú
þekkir mig og veist að ég segi bara
hlutina eins og þeir eru. Kannski tek
ég mér bara frí en ég loka að sjálf-
sögðu ekki á neitt. Ég hef verið í
þessum handbolta frá því ég var
krakki. Hef verið atvinnumaður,
landsliðsmaður, þjálfari, landsliðs-
þjálfari og hef menntað mig í þessu.
Þar af leiðandi er líklegt að ég starfi
við handbolta en hvort það verði
meistaraflokksþjálfun er ekkert
öruggt. Ég mun þurfa að fá mér
vinnu en hef ekki hugmynd um hvað
það verður. Ég vildi ljúka málinu hjá
Skjern og koma hreint fram.“
Markvarslan mjög góð
Björgvin Páll Gústavsson og Elvar
Örn Jónsson leika undir stjórn Pat-
reks hjá Skjern. Hvernig hafa þeir
staðið sig?
„Þeir hafa staðið sig mjög vel á
heildina litið. Ef ég byrja á Elvari þá
mun taka hann tíma að komast inn í
hlutina á fyrsta ári. Það þekkir mað-
ur sjálfur sem fyrrverandi atvinnu-
maður. Hann hefur átt góða leiki en
dottið niður inn á milli. Hér er spil-
aður öðruvísi handbolti en heima.
Hraðinn er mikill og leikmenn með
mikla tækni. Leikirnir í þýsku bun-
desligunni eru til dæmis hægari en
þar er meiri kraftabolti. Hér er mik-
ill fjöldi leikmanna í háum gæða-
flokki og Elvar hefur þurft að hafa
fyrir hlutunum. Sjálfur gerði ég mér
ekki grein fyrir því hversu sterk
danska deildin er þegar ég samdi við
Skjern. Þetta er eðlilegt og ég veit
hvað í Elvari býr. Hann þarf bara að-
eins meiri tíma til að verða stöðugri.
Hann getur meira.
Þegar ég kom hingað þá var
Bjöggi í þeirri stöðu að hann hafði
lítið spilað. Við áttum góð samtöl fyr-
ir tímabilið og hann hefur staðið sig
ótrúlega vel. Hefur verið stöðugur
og sá norski [Robin Paulsen Haug]
líka. Fyrir fram höfðu menn mestar
áhyggjur af markvörslunni en hún
hefur verið okkar sterkasta vopn. Ég
er því mjög ánægður með báða
markverðina,“ sagði Patrekur Jó-
hannesson enn fremur.
Ákvörðunin
ekki tekin í
fýlukasti
 Patrekur Jóhannesson flytur heim
næsta sumar af fjölskylduástæðum
Morgunblaðið/Ómar
Heimleið Patrekur Jóhannesson snýr aftur til Íslands næsta sumar og tek-
ur þá væntanlega við íslensku félagsliði á nýjan leik.
36 ÍÞRÓTTIR
MORGUNBLAÐIÐ FÖSTUDAGUR 20. DESEMBER 2019
Grikkland
Panionios – PAOK................................... 0:2
 Sverrir Ingi Ingason lék allan leikinn
með PAOK og skoraði fyrra markið.
 Efstu lið: Olympiacos 37, PAOK 37, AEK
Aþena 27, OFI Krít 23, Aris 21, Panathinai-
kos 21, Xanthi 20, Atromitos 19, Larissa 19.
KNATTSPYRNA
KÖRFUKNATTLEIKUR
1. deild karla:
Álftanes: Álftanes – Sindri .................. 19.15
Stykkishólmur: Snæfell – Hamar ....... 19.15
Ísafjörður: Vestri – Skallagrímur....... 19.15
Í KVÖLD!
HANDBOLTI
Þýskaland
RN Löwen – Nordhorn ....................... 32:28
 Alexander Petersson lék ekki með Lö-
wen. Kristján Andrésson þjálfar liðið.
 Geir Sveinsson þjálfar Nordhorn.
Kiel – Balingen .................................... 36:26
 Gísli Þorgeir Kristjánsson lék ekki með
Kiel vegna meiðsla.
 Oddur Gretarsson skoraði átta mörk fyr-
ir Balingen.
Hannover-Burgdorf – Erlangen ....... 29:25
 Aðalsteinn Eyjólfsson þjálfar Erlangen.
Füchse Berlín – Wetzlar..................... 32:27
 Viggó Kristjánsson skoraði ekki fyrir
Wetzlar.
Ludwigshafen – Flensburg ................. 25:23
Staðan:
Kiel 28, Hannover-Burgdorf 26, Flensburg
26, RN Löwen 26, Füchse Berlín 24
Magdeburg 24, Melsungen 21, Leipzig 18,
Wetzlar 16, Bergischer 15, Göppingen 15,
Erlangen 14, Balingen 13, Lemgo 12, Stutt-
gart 12, Minden 10, Ludwigshafen 8, Nord-
horn 2.
Frakkland
París SG – Dunkerque ........................ 36:25
 Guðjón Valur Sigurðsson skoraði tvö
mörk fyrir PSG.
 Efstu lið: París SG 26, Nantes 20, Nimes
18, Montpellier 18, Toulouse 18, Aix 14, St.
Raphaël 13, Dunkerque 11.
B-deild:
Saran – Cesson-Rennes ...................... 26:29
 Geir Guðmundsson skoraði ekki fyrir
Cesson-Rennes sem er í 4. sæti af fjórtán
liðum með 17 stig úr 13 leikjum.
Dominos-deild karla
Keflavík – ÍR......................................... 93:70
Stjarnan – Fjölnir................................. 95:88
Þór Ak. – KR...................................... frestað
Tindastóll – Grindavík ....................... 106:88
Njarðvík – Þór Þ................................. 101:77
Staðan:
Stjarnan 11 9 2 1038:930 18
Keflavík 11 8 3 980:913 16
Tindastóll 11 8 3 977:911 16
Njarðvík 11 7 4 926:823 14
KR 10 6 4 826:816 12
Haukar 11 6 5 984:957 12
ÍR 11 6 5 915:947 12
Þór Þ. 11 5 6 887:909 10
Grindavik 11 5 6 956:977 10
Valur 11 3 8 882:957 6
Fjölnir 11 1 10 945:1028 2
Þór Ak. 10 1 9 801:949 2
1. deild karla
Breiðablik – Höttur.............................. 75:78
Staðan:
Höttur 12 11 1 1040:928 22
Breiðablik 12 10 2 1207:991 20
Hamar 11 9 2 1068:989 18
Vestri 10 6 4 871:775 12
Selfoss 11 4 7 845:879 8
Álftanes 11 4 7 882:942 8
Snæfell 11 2 9 865:1037 4
Skallagrimur 11 2 9 921:1066 4
Sindri 9 1 8 726:818 2
NBA-deildin
Washington – Chicago ............. (frl.)109:110
Cleveland – Charlotte ........................ 100:98
Philadelphia – Miami ....................... 104:108
Detroit – Toronto ............................... 99:112
Minnesota – New Orleans ................. 99:107
Oklahoma City – Memphis .............. 126:122
Denver – Orlando ............................. 113:104
Dallas – Boston................................. 103:109
Portland – Golden State .................. 122:112
Staðan í Austurdeild:
Milwaukee 24/4, Boston 18/7, Miami 20/8,
Toronto 19/8, Philadelphia 20/9, Indiana
19/9, Brooklyn 15/12, Orlando 12/16, Char-
lotte 13/18, Detroit 11/17, Chicago 11/19,
Washington 8/18, Cleveland 7/21, New
York 7/21, Atlanta 6/21.
Staðan í Vesturdeild:
LA Lakers 24/4, LA Clippers 21/8, Denver
18/8, Dallas 18/9, Houston 18/9, Utah 16/11,
Oklahoma City 13/14, Sacramento 12/15,
Portland 12/16, Phoenix 11/16, Minnesota
10/16, San Antonio 10/16, Memphis 10/18,
New Orleans 7/22, Golden State 5/24.
KÖRFUBOLTI
Tryggvi Snær Hlinason, landsliðs-
maður í körfuknattleik, átti einn
sinn besta leik til þessa í fyrrakvöld
þegar Zaragoza lagði Besiktas frá
Tyrklandi að velli, 80:73, í Meist-
aradeild FIBA. Tryggvi var með
flesta framlagspunkta allra leik-
manna í báðum liðum en hann skor-
aði 11 stig, tók 8 fráköst, varði 4
skot og átti tvær stoðsendingar.
Með þessu hefur Zaragoza unnið
fimm af níu leikjum sínum í D-riðli
deildarinnar og er í þriðja sæti af
átta liðum, á eftir Bonn frá Þýska-
landi og Dijon frá Frakklandi.
Tryggvi góður
gegn Besiktas
Morgunblaðið/Kristinn Magnússon
Öflugur Tryggvi Snær Hlinason er í
stöðugri framför með Zaragoza.
Óvissa ríkir um hvort Virgil van
Dijk geti leikið með Liverpool gegn
Flamengo frá Brasilíu í úrslitaleik
heimsbikars félagsliða í Doha á
morgun. Hann missti af undan-
úrslitaleiknum gegn Monterrey frá
Mexíkó í fyrrakvöld, sem Liverpool
vann naumlega, 2:1. Varnarmað-
urinn öflugi er veikur, gat ekki æft
með liðinu fyrir leikinn. Fyrirliðinn
Jordan Henderson fór í hans stöðu í
vörninni í leiknum gegn Monterrey
en miðverðirnir Dejan Lovren og
Joel Matip eru báðir frá keppni
vegna meiðsla.
Veikindi hjá van
Dijk í Katar
AFP
Veikindi Virgil van Dijk gæti misst
af úrslitaleiknum á morgun.
Júlían Jóhann Karl Jóhannsson,
kraftlyftingamaður úr Ármanni, og
Margrét Lára Viðarsdóttir, knatt-
spyrnukona úr Val, voru valin
íþróttafólk Reykjavíkur. Tilkynnt
var um niðurstöðuna í ráðhúsinu í
gær. Stjórn ÍBR velur íþróttafólkið
og hefur gert síðan 1979.
Júlían setti heimsmet í rétt-
stöðulyftu á árinu. Gerði það á HM
og varð því heimsmeistari í grein-
inni auk þess að vinna til brons-
verðlauna í samanlögðu. Margrét
Lára var fyrirliði Íslandsmeistara
Vals og skoraði 15 mörk í 17 leikj-
um á Íslandsmótinu auk þess að
leika með íslenska landsliðinu.
Íþróttalið Reykjavíkur í kvenna-
flokki er lið Vals í körfuknattleik
sem varð Íslands-, deildar- og bik-
armeistari á árinu. Í karlaflokki er
það KR í körfuknattleik karla sem
varð Íslandsmeistari á árinu og
sjötta árið í röð.
Morgunblaðið/Árni Sæberg
Best Júlían J.K. Jóhannsson og Margrét Lára Viðarsdóttir voru valin best.
Júlían og Margrét
Lára valin best