Fréttablaðið - 28.12.2002, Blaðsíða 8

8 28. desember 2002 LAUGARDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúar: Reynir Traustason
og Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Þverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja ehf.
Fréttablaðinu er dreift ókeypis á heimili á höfuð-
borgarsvæðinu og Akureyri. Einnig er hægt að fá
blaðið í völdum verslunum á landsbyggðinni.
Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
BRÉF TIL BLAÐSINS
LÖGREGLUFRÉTTIR
Kostulegt
hanaat
Herdís Helgadóttir skrifar:
Þessa dagana halda margirkarlmenn vart vatni yfir
þeirri ósvinnu að kona, Ingibjörg
Sólrún Gísladóttir, skuli ætla í
framboð í fimmta sæti á lista
Samfylkingar í kosningum til Al-
þingis í vor. Hún er borgarstjóri
Reykjavíkur og ætlar að vera það
áfram en í umfjöllun margra
þeirra er hún sökuð um svik og
pretti og einsýnt að sumir líta svo
á að hún hafi ekki rétt til að vera
sjálfstæð persóna. Það hlakkar
beinlínis í þeim mörgum þótt
þeir lýsi því yfir að hún lími
Reykjavíkurlistann saman. Hún
skal rekin ef hún ekki hlýðir og
hættir við.
Það merkilegasta við þetta
hanaat í fjölmiðlum er að konum
(helmingi kjósenda) er að því er
virðist vísvitandi ekki hleypt að í
þessari umræðu. Þáttastjórnend-
ur kalla eingöngu til borgarfull-
trúa, fréttamenn, kunningja og
vini af karlkyni og líta á það sem
sjálfsagðan rétt sinn að einoka
hana og eina konan sem má sjást
og tjá sig (svara til saka) er Ingi-
björg Sólrún.
Í Silfri Egils á sunnudaginn
var skeggræddi hann og fjórir
ungir karlmenn fram og aftur
þessa stórfrétt og Egill bar því
við að konur væru uppteknar í
jólaönnum og vildu ekki vera
með þegar einn gaf í skyn að þær
vantaði í þáttinn.
Ekki verður annað séð en að
þessir karlmenn gangi út frá því
að við kyngjum þessu eins og
reyndu stjórnmálakonurnar í
Sjálfstæðisflokknum sem mokað
var niður í vonlaus sæti í próf-
kjöri þeirra um daginn til að
koma að ungum karlmönnum.
Ég tel að þetta háttalag muni
koma sumum stjórnmálaflokkum
í koll í kosningum í vor þegar at-
kvæði kvenna verða talin upp úr
kjörkössunum. ■
AFTONBLADET
Í Svíþjóð er framtíð konungsríkis-
ins til umræðu þessa dagana.
Leiðarahöfundur dagblaðsins
Aftonbladet segir reyndar að fátt
ógni nú stöðu konungsfjölskyld-
unnar þar í landi. Ýmsar hefðir og
tákn í kringum konungsfjölskyld-
una höfði vissulega enn til sænsku
þjóðarinnar. Hins vegar telur leið-
arahöfundur ástæðu til að minna á
að í lýðræðisríki sé þrátt fyrir allt
rétt að geta valið eða hafnað þjóð-
höfðingja í kosningum. „Á tuttug-
ustu öld var tekið upp lýðræði í
Svíþjóð, en konungsdæmið fékk
að halda velli í táknrænum skiln-
ingi,“ segir í leiðaranum. „Tími er
kominn til að leyfa táknum lýð-
ræðisins að gegnsýra tuttugustu
og fyrstu öldina. Leggjum niður
konungsdæmið.“
INDEPENDENT
Í Bretlandi hafa ráðamenn undan-
farna mánuði tvístigið í kringum
frumvarp um refaveiðibann, sem
ríkisstjórnin vill koma í gegnum
þingið. Leiðarahöfundur dagblaðs-
ins Independent segir að Tony Bla-
ir forsætisráðherra hvorki þori að
standa fast á algeru banni gegn
refaveiðum af ótta við stuðnings-
menn veiðanna, né heldur þori
hann að hætta við af ótta við dýra-
verndunarsinna í eigin flokki. Þess
í stað sé komin fram málamiðlun,
sem eigi eftir að tefja þingið enn
frekar frá mikilvægari málum, þar
á meðal almennum reglum Evr-
ópusambandsins um meðferð
dýra. „Herra Blair á ekki auðvelt
með að forgangsraða málum,“ seg-
ir í leiðaranum.
SÜDDEUTSCHE ZEITUNG
Í Þýskalandi verður næsta ár helg-
að Biblíunni. Í tilefni þess minnir
leiðarahöfundur dagblaðsins Südd-
eutsche Zeitung á að fátt sýni bet-
ur en einmitt Biblían á hve veikum
grunni kristin trú stendur. „Þeir
sem þekktu Jesús skrifuðu ekkert
um hann. Þeir sem skrifuðu um
hann þekktu hann ekki,“ segir í
leiðaranum. Þar að auki sé Biblían
full af ofbeldi og mótsögnum, og
hún hafi orðið til á löngum tíma í
menningarheimi sem hljóti að
vera nútímafólki framandi. „Guð-
fræðinemum hefur verið kennt
þetta áratugum saman, en samt er
þetta enn aðeins þekking fyrir
lengra komna, og gegnir sáralitlu
hlutverki í starfi kirkjunnar.“ ■
Uppgjör við gamlar hefðir
ELDUR Í JÓLASKREYTINGU Eldur
kom upp í jólaskreytingu í heima-
húsi á Patreksfirði um jólahátíð-
ina. Öldruð kona býr í íbúðinni.
Það var reykskynjari sem lét hana
vita af eldinum. Eldtungur náðu
hátt í loft en konan náði að slökk-
va og koma í veg fyrir stórtjón.
PANNA MEÐ SYKRI GLEYMDIST
Rólegt var hjá Slökkviliðið Akur-
eyrar um jólin. Eitt útkall var í
íbúð í Hjallalundi þar sem panna
hafði gleymst á eldavél en verið
var að bræða sykur. Reykræsta
þurfti íbúðina. Annað tjón varð
ekki.
DÆMDUR FYRIR BELTALEYSI
Rúmlega fertugur maður, sem
sýknaður var í Héraðsdómi
Reykjaness af ákæru um að hafa
átt um fimm grömm af amfeta-
míni, var við sama tækifæri
dæmdur í fimm þúsund króna sekt
fyrir að hafa öryggisbelti ekki
spennt þegar lögregla stöðvaði bíl
sem maðurinn var farþegi í.
Með tilkynningu um þingfram-boð Ingibjargar Sólrúnar
Gísladóttur og yfirlýsingum
hennar í kjölfarið hafa valkostir
Samfylkingarinnar til að koma að
landsstjórninni verið þrengdir.
Orð hennar um að hún „muni ekki
stuðla að framhaldslífi Davíðs
Oddssonar sem forsætisráð-
herra“ er ekki hægt að skilja á
annan veg en svo að fái hún ein-
hverju um það ráðið muni Sam-
fylkingin ekki fara í ríkisstjórn
með Sjálfstæðisflokknum.
Það er reyndar umhugsunar-
efni að einstaklingur sem ekki
gegnir embættum fyrir Samfylk-
inguna, en hefur fallist á að taka
sæti á framboðslista sem gefur
möguleika að varaþingmanns-
sæti, skuli gefa slíka yfirlýsingu.
Ég er þess fullviss að hún er gef-
in í óþökk þingmanna Samfylk-
ingarinnar, því nokkrir þeirra
hafa áhuga á að mynda ríkis-
stjórn með Sjálfstæðisflokknum
eftir næstu kosningar, enda hafa
sjónarmið flokkanna í ýmsum
málum nálgast á síðustu mánuð-
um. Má þar m.a. nefna stefnu í
heilbrigðismálum, en þar hafa
nokkrir þingmenn flokksins lýst
áhuga á auknu samstarfi ríkis og
einkaaðila við rekstur einstakra
þátta í heilbrigðisþjónustu. Hið
sama á við um stefnu í virkjana-
málum.
Vinsældir stjórnmálamanna
meðal kjósenda eru ekki alltaf
besti mælikvarðinn á styrkleika
þeirra. Mörg dæmi eru um þetta,
bæði hérlendis og erlendis. Styrk-
ur stjórnmálamanns felst ekki
síður í trausti væntanlegra sam-
starfsmanna í öðrum flokkum á
viðkomandi. Af ummælum for-
ystumanna samstarfsflokka Ingi-
bjargar Sólrúnar í R-listanum
hafa atburðir síðustu daga stór-
skaðað trúverðugleika hennar og
um leið minnkað líkur á samstarfi
þessara flokka eftir kosningar
næsta vor. Útspil borgarstjórans í
Reykjavík og formanns Samfylk-
ingarinnar í síðustu viku, sem átti
að styrkja flokkinn í alþingis-
kosningunum í vor, hefur því
þvert á móti fært flokkinn fjær
því að fara í ríkisstjórn að loknum
alþingiskosningum.
Liðsmenn Samfylkingarinnar
hafa haldið því fram að Fram-
sóknarflokkurinn og VG séu að
hrekja borgarstjórann úr starfi,
með kröfu um að hún velji að vera
annað hvort borgarstjóri fyrir R-
listann næstu árin eða liðsmaður
Samfylkingarinnar á þingi. Krafa
flokkanna er eðlileg, enda byggir
hún á samkomulagi milli R-lista
flokkanna, hvort sem það var gert
munnlega eða skriflega.
Borgarstjórinn kvartar yfir
því að á hana hafi verið sett átt-
hagabönd umfram aðra stjórn-
málamenn. Sannleikurinn er hins
vegar sá að engin þau bönd hafa
verið bundin sem borgarstjórinn
batt ekki sjálfur. Hún gaf loforð
bæði fyrir og eftir borgarstjórn-
arkosningar um að hún ætlaði
ekki í framboð til Alþingis næsta
vor. Reyndar kom mér á óvart hve
afdráttarlaus borgarstjórinn var í
yfirlýsingum sínum, því ljóst var
þá þegar að áhugi var fyrir hendi,
bæði hjá henni sjálfri og ýmsum í
Samfylkingunni, að hún færi yfir
í landsmálin.
Borgarstjórinn í Reykjavík og
formaður Samfylkingarinnar
hrundu í síðustu viku af stað at-
burðarás, sem þau sáu ekki fyrir.
Það hefur hins vegar komið mér á
óvart hve einstaklega klaufalega
hefur verið haldið á spöðunum.
Það eitt og sér vekur efasemdir
um hæfni þeirra til að takast á við
landsstjórnina. ■
alþingismaður
skrifar um fram-
boð borgarstjóra.
ÁSTA
MÖLLER
Um daginn
og veginn
Valkostum fækkað
HEILBRIGÐISMÁL Heilabilunardeild á
Landakoti sem fyrirhugað var að
tæki til starfa að nýju þann 6. jan-
úar verður ekki opnuð að sinni.
Þess í stað mun húðdeildin sem
fram að þessu hefur verið starf-
rækt á Vífilsstöðum flytja inn á
Landakot í það pláss sem heilabil-
unardeildin var í.
Í síðari hluta ágúst í sumar var
heilabilunardeilinni lokað vegna
fjárskorts. Þá sagði Ída Atladóttir,
deildarstjóri þar, að alls væru 18
einstaklingar, sem litla björg sér
gætu veitt, vistaðir á deildinni.
Flestir þeirra yrðu fluttir á aðrar
deildir innan öldrunarsviðs spítal-
ans en a.m.k. þrír myndu þurfa að
fara heim til sín.
Á deildinni voru sjúklingar með
alzheimer og sjúkdóma vegna
blóðflæðistruflana í heila.
Eftir umfjöllun fjölmiðla sögðu
forsvarsmenn Landspítala – há-
skólasjúkrahúss að um tíma-
bundna lokun væri að ræða og
deildin myndi opna að nýju eftir
áramót. Nú er ljóst að það verður
ekki af því.
Jóhannes Gunnarsson, for-
stöðumaður lækningasviðs á Land-
spítala – háskólasjúkrahúsi, segir
tímabundinn húsnæðisvanda koma
í veg fyrir að hægt verði að opna
deildina. „Við höfum verið í mikl-
um vanda með að staðsetja húð-
deildina sem var orðin ein eftir á
Vífilsstöðum. Við höfðum ekki
annað úrræði en koma henni fyrir
á Landakoti. Á Vífilsstöðum eru að
hefjast miklar framkvæmdir við
breytingar á húsnæðinu svo hægt
verði að starfrækja þar öldrunar-
deildir. Meðal þeirra sjúklinga sem
þar fá inni ættu að vera heilabilað-
ir, en eins og kunnugt er, eru lang-
ir biðlistar eftir öldrunarrými.“
Síðari hluta janúar mun nýi
barnaspítalinn taka til starfa og
segir Jóhannes að þá opnist mögu-
leikar á að nýta það húsnæði sem
barnadeildirnar voru í, bæði á
Landspítala Hringbraut og í Foss-
vogi.
Magnús Pétursson forstjóri
segir að hafist verði handa af mikl-
um krafti við að endurnýja og
breyta á Vífilsstöðum nú strax eft-
ir áramót. Fyrirhugað er að þeim
breytingum verði lokið í mars. Um
það bil fimmtíu rúm verða fyrir
aldraða langlegusjúklinga og í því
húsi sem stendur aðeins fjær spít-
alanum sjálfum hefur verið talað
um að koma á fót deild fyrir hvíld-
arinnlögn. Ekkert hefur þó verið
ákveðið í þeim efnum.
bergljot@frettabladid.is
Deild fyrir heila-
bilaða lokað
Á Landakoti var heilabilunardeild lokað í sum-
ar með því fororði að hún yrði opnuð að nýju
þann 6. janúar. Ljóst er að ekki verður af því
en húðdeildin sem verið hefur á Vífilsstöðum
tekur þar til starfa í staðinn.
VÍFILSSTAÐIR
Nú strax eftir áramót verður hafist handa
við breytingar og í mars er ráðgert að
opna á Vífilsstöðum öldrunardeildir. Þar
munu heilabilaðir væntanlega fá skjól, að
sögn forsvarsmanna Landspítala.
Gamlar og grónar hefðir koma gjarnan
til umræðu þegar áramót nálgast, eins
og sjá má á leiðurum dagblaða í Evrópu
þessa dagana.
Úr leiðurum
Handmáluð, munnblásin glös
www.konunglegt.is
s:561 3478 og 891 7657