Fréttablaðið - 28.12.2002, Page 28

28 28. desember 2002 LAUGARDAGUR
NAFNIÐ
eftir Frode Øverli
Lúðvík Georgsson hjá KR-flugeldum:
Skotkökurnar sívinsælar
FLUGELDAR „Stóru skotkökurnar
eru alltaf vinsælli og vinsælli.
Vinsældir þeirra aukast með
hverju ári,“ segir Lúðvík Georgs-
son, framkvæmdastjóri KR-flug-
elda, aðspurður um tískustrauma
í flugeldum. Að sögn Lúðvíks
koma alltaf nýjar tegundir af
skotkökum á hverju ári. Þó eru
alltaf einhverjar kökur sem seld-
ar eru ár eftir ár, þær sem heyr-
ist hátt í og eru með miklu ljósi.
„Það virðist vera sem hávaðinn
skipti miklu máli hjá Íslending-
um,“ segir Lúðvík en segist ekki
vera með neina sérstaka skýr-
ingu á reiðum höndum. „Ætli við
Íslendingar þurfum ekki að fá
einhverja útrás um áramótin og
gerum það með þessu. Að ein-
hverju leyti er það líka athyglin
sem fylgir þeim. Það skiptir máli
að nágranninn taki eftir því hvað
fólk er með góðar kökur.“
Sala á svokölluðum tívolíbomb-
um var bönnuð fyrir um fimmtán
árum. Þó eru alltaf einhverjir sem
fara á svig við lögin. Lúðvík segir
tívolíbombum fara fækkandi með
ári hverju og í stað þeirra kaupi
fólk rakettur.
„Góðar rakettur eru frekar
dýrar ef við miðum við þær og
skotkökurnar. Það er samt alveg
ljóst að þessir skotglöðu verða að
hafa rakettu á miðnætti til að slá
áramótin út,“ segir Lúðvík.
Dýrasta rakettan hjá KR-flugeld-
um kostar um 3.500 krónur og
endist í um 20 sekúndur. „Rakett-
urnar geta verið með ótrúlegustu
mynstrum inni í og stórar rakett-
ur eru sambærilegar tívolíbomb-
um. Þær eru í raun tívolíbombur
með priki.“ ■
11 ára stúlka kvartaði við Pútín:
Hafði alvörujólatré upp úr krafsinu
JÓLATRÉ Íbúar í smábænum
Birobidzhan í Rússlandi urðu
harla glaðir þegar þyrla kom
með 56 feta alvöru jólatré á
torgið í miðbænum, en þar hafði
verið gervijólatré fyrir. 11 ára
stúlka úr bænum, Natalía Buga-
jeva, hafði hringt inn í sjón-
varpsþátt þar sem Pútín forseti
sat fyrir svörum og kvartað við
hann yfir gervijólatrénu. Pútín
var hjartanlega sammála
stúlkunni og sagði ófært að hafa
gervijólatré á torginu, nú þegar
Rússar halda mestu hátíð ársins,
sem eru áramót og jólahátíð rét-
trúnaðarmanna, sem hefst 7.
janúar næstkomandi. Yfirvöld í
bænum afsökuðu sig með blank-
heitum og sögðust ekki hafa
fjárhagslegt bolmagn til að
borga 15.000 dollara fyrir afnot
af þyrlu í þrjár klukkustundir.
Flugfélag í nágrenninu ákvað þá
að skaffa þyrluna og kom með
jólatréð endurgjaldslaust þetta
árið. ■
Stóri bróðir
stal nafninu
Steingrímur Ólafsson, fyrrumfréttamaður og nú PR-maður
hjá auglýsingastofunni Góðu
fólki, var skírður millinafni í höf-
uðið á frænda sínum, Sævari, og
var framan af ævi bara afskap-
lega sáttur við það. Árið 1974,
þegar Steingrímur Sævar var 9
ára gamall, flutti fjölskylda hans
hins vegar í Kópavoginn. „Svo
virðist sem flestir í Digranesskóla
hafi haft millinöfn, í það minnsta
varð bróðir minn Jón, þá 11 ára,
eitthvað ósáttur við að heita frek-
ar litlausu nafni og hafa ekki
millinafn. Fyrir valinu hjá honum
varð nákvæmlega sama millinafn
og ég hafði, eða Sævar. Í heilt ár
gekk Jón því undir nafninu Jón
Sævar Ólafsson. Ég varð ósáttur
og fannst sem nafni mínu hefði
verið stolið. Ég ákvað að breyta
því og bætti einu r-i aftan við.
Steingrímur Sævarr var mættur
til leiks. Síðan hef ég skrifað nafn-
ið mitt svoleiðis. Lengi vel sam-
þykkti hið opinbera nafnið. Allir
mínir skólapappírar frá 10 ára
aldri sýna að ég heiti Steingrímur
Sævarr, prófskírteini, vottorð, út-
skriftarskírteini og svo mætti
lengi telja. Ökuskírteini mín í
gegnum tíðina sýna að ég heiti
Steingrímur Sævarr, vegabréf,
fæðingarvottorð og fleiri slíkir
pappírar sýndu það sama... allt
þar til mannanafnanefnd tók sig
til og ákvað að nafnið væri ekki
nógu gott.“
Steingrímur skrifaði þeim og
spurði hvers vegna hann mætti
ekki lengur heita Steingrímur
Sævarr og fékk þau svör að nafn-
ið tæki ekki eignarfalli. Hann
svaraði nefndinni umsvifalaust og
síðan hafa mörg bréf farið á milli
hans og nefndarinnar. Nú er svo
komið að mannanafnanefnd hefur
gefist upp á að rökræða við Stein-
grím Sævarr og segir að vilji hann
halda þessu til streitu sé dóm-
stólaleiðin næsta skref.
„Bankabókin leyfir nú ekki
beint að maður hringi í Jón Stein-
ar til að fara með málið fyrir
dómsstóla. Hvar eru nú allir þess-
ir „pro-bono“ lögfræðingar sem
maður sér í amerísku lögfræði-
þáttunum?“ ■
STEINGRÍMUR SÆVARR ÓLAFSSON
Segir frá því hvernig stóri bróðir hans, Jón
Ólafsson, stundum kallaður „góði“, stal
nafni hans og hvernig hann í framhaldi af
því hefur lent í stríði við mannanafna-
nefnd.
AÐALHÁTÍÐ RÚSSA FER NÚ HÖND
Rússneski jólasveinninn, sem er kallaður
Frosti afi, og ungfrú Snjóstúlka eru hér á
mynd með borgarstjóranum í Moskvu, Yuri
Luzhkov. Jólahátíð réttrúnaðarmanna hefst
7. janúar næstkomandi, að lokinni nýárs-
hátíðinni, sem er mesta hátíð í Rússlandi.
LÚÐVÍK GEORGSSON
Segir verð í flugeldum fara eftir tvennu, gæðum og púðurmagni.
Yfirvöld í Peking:
Harðbanna
mannætu-
fiska
MANNÆTUFISKAR Píranafiskurinn
hefur verið harðbannaður í Peking
eftir að grunur vaknaði um að
nokkrum slíkum hefði verið sleppt í
Gulu-ána nýverið. Sædýrasafnið í
Peking, sem átti 300 stykki af rán-
fiskunum, drap þá alla á jóladag eft-
ir að bannið var kunngjört. Pírana-
fiskunum, sem árlega drepa fjölda
manns í Suður-Ameríku, var gefið
eiturlyf sem gerði þá meðvitundar-
lausa á 30 mínútum. Það kostaði
þúsundir jena að drepa fiskana,“
sagði forstjóri safnsins. ■
NEEEIIIII!JÁ! ÁFRAM!
SKJÓTA NEI
HÁLF-
VITI!
VÍTI
JAAAÁÁÁ
Þú veist að kallinn
er fótboltasjúkur
þegar hann þarf að
teygja sig eftir
leikinn í imbanum!
Pondus
FR
ÉT
TA
B
LA
Ð
IÐ
/R
Ó
B
ER
T
VEIKUR PELIKANI Í GEISLAMEÐFERÐ
Þessi 20 ára gamli pelíkani, sem er kallað-
ur „nr. 5“, liggur hér bundinn við rúmið sitt
rétt áður en hann gengst undir geislameð-
ferð í 15. skipti. Pelíkaninn var með
krabbamein í auga, sem læknar hafa nú
þegar fjarlægt, en fuglinn tekur meðferð-
inni vel og er á batavegi.