Fréttablaðið - 27.12.2019, Qupperneq 14

Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á auglysingar@frettabladid.is
eða hringja í síma 550 5055.
Viltu birta minningargrein á frettabladid.is?
Minningargreinar skal senda á timamot@frettabladid.is.
Birting er endurgjaldslaus og opin öllum á frettabladid.is/timamot
Elskuleg eiginkona mín, móðir,
tengdamóðir, amma og langamma,
Guðbjörg Ósk Harðardóttir
Frostafold 6,
Reykjavík,
andaðist á Landspítalanum í Fossvogi
þann 13. desember síðastliðinn. Útförin fer
fram frá Grafarvogskirkju þann 30. desember kl. 13.00.
Jón Eyþór Jónsson
Hörður Gunnarsson Jóna Dísa Sævarsdóttir
Valgeir Gunnarsson
Elín Björk Gunnarsdóttir
Guðný Ósk Hauksdóttir Árni Björn Erlingsson
barnabörn og barnabarnabörn.
Þessi höfðinglega gjöf hefur heil-mikið gildi fyrir okkur og var vel þegin,“ segir Erla Rún Sigur-jónsdóttir, ljósmóðir á Ísafirði, um þá hálfu milljón króna
sem Zontaklúbburinn Fjörgyn færði
Heilbrigðisstofnun Vestfjarða fyrir
skemmstu og eyrnamerkti fæðingar-
deildinni. „Þegar kemur að tækjum og
búnaði er fæðingardeildin fjármögnuð
að stórum hluta með gjafafé, eins og er
hjá heilbrigðisstofnunum almennt á
landinu,“ heldur hún áfram.
Erla Rún segir fjárhæðina frá Fjör-
gyn munu renna í nýtt fæðingarrúm.
„Það sem fyrir er er orðið gamalt og við
erum komin með augastað á rúmi sem
við erum að safna fyrir. Það kostar yfir
þrjár milljónir svo við þurfum að leita
eftir meiri stuðningi, en það munaði
sannarlega vel um þetta. Í raun og veru
finnst mér að ríkið eigi að kaupa rúm á
spítalana sína en ég veit að það er naumt
skammtað til allra heilbrigðisstofnana
og því þiggjum við með þökkum þær
gjafir sem berast.“ Hún segir margar
stofnanir verða að reiða sig á félaga-
samtök. „Landspítalinn hefur kven-
félagið Hringinn og ýmis önnur félög
til að styðja við starfið og kvenfélagið
Hvöt í Hnífsdal hefur hingað til verið
okkar stærsti bakhjarl varðandi búnað
á fæðingardeildina. Kvenfélagið Sunna
í Djúpinu gaf okkur líka stóra gjöf, fyrir
sónartæki þó ekki séu margar konur bak
við það félag.“
Fæðingardeildin á Ísafirði tekur
við konum af norðurhluta Vestfjarða.
„Þangað til Dýrafjarðargöng verða
opnuð getum við ekki sinnt syðri hlut-
anum en það styttist í það, því þau á að
opna á næsta ári og svo er vegurinn yfir
Dynjandisheiðina á samgönguáætlun,“
segir Erla Rún og bætir við að allmargar
konur hafi farið suður til að fæða á þessu
ári. „Þó við getum tekið við meirihluta
kvenna hér, erum við ekki með neinar
áhættufæðingar, þannig að fyrirburar,
tvíburar, meðgöngueitranir og önnur
tilfelli fara suður. Hér hafa verið 32 fæð-
ingar á þessu ári og stefna í að verða 33.
Það mætti vera meira. Þegar ég byrjaði
hér fyrir níu árum voru 60 fæðingar
það ár, þannig að nú viljum við gjarnan
hvetja til aukinnar frjósemi!
Bolvíkingar eru þekktir fyrir að halda
frjósemishátíð og Erla Rún hlær þegar
ég spyr um árangur hennar. „Við vorum
einmitt að skoða áætlaðar fæðingar fyrir
næsta ár, svo langt sem við sjáum og Bol-
ungarvík er næstum með helming allra
fæðinga, þannig að það sem þeir eru að
gera er að virka!“ gun@frettabladid.is
Höfðingleg gjöf sem
hefur heilmikið gildi
Zontaklúbburinn Fjörgyn færði nýlega fæðingardeild Heilbrigðisstofnunar
Vestfjarða veglega fjárupphæð sem kemur að góðum notum því nýtt fæðingar-
rúm er í sigti. Bolvíkingar virðast ætla að verða duglegir að fjölga sér á nýju ári.
Zontakonurnar sem komu færandi hendi í Heilbrigðisstofnun Vestfjarða með Gylfa Ólafssyni forstjóra og Erlu Rún ljósmóður
sem tóku við gjöfinni, ásamt Herði, framkvæmdastjóra hjúkrunar, sem stökk í hlutverk myndasmiðs! MYND/HÖRÐUR HÖGNASON
Franski efnafræðingurinn og pró-
fessorinn Louis Pasteur fæddist
þennan dag árið 1822 í smábænum
Dole, í austurhluta Frakklands. Hann
varð prófessor í efnafræði við há-
skólann í Lille í Norður-Frakklandi
og tók að beina sjónum sínum að
viðfangsefnum gerjun og hafði mikil
áhrif á framvindu þekkingar í mat-
vælafræði. Pasteur lagði grunninn
að því sem við þekkjum sem geril-
sneyðingu, en á flestum erlendum
tungumálum útleggst það „pas-
teurisation“ og dregur nafn sitt af
nafni vísindamannsins. Afrekalisti
hans varð langur því hann átti einnig
mikilvægt rannsóknarframlag á sviði
örverufræða, ekki síst í tengslum við
sjúkdóma sem örverur geta valdið.
Þá hafði hann umdeildar skoðanir
á sjálfkviknun lífs, sem var mikið
hitamál á þeim tíma. Jafnframt
tókst honum að þróa bóluefni gegn
hundaæði, sem var sennilega hans
mesta afrek á sviði vísinda.
Afrek hans eru þar með ekki upp-
talin því uppgötvaði að örverur geta
borist um loft og sú uppgötvun átti
eftir að hafa afgerandi áhrif á rann-
sóknir samtímamanna hans og síðari
tíma rannsóknir. Louis Pasteur lést
28. september 1895, tæplega 73 ára
að aldri.
Þ E T TA G E R Ð I S T 27. D E S E M B E R 18 22 :
Faðir gerilsneyðingarinnar fæðist
Merkisatburðir
1904 Leikritið um Pétur Pan er frumsýnt í Duke of York
leikhúsinu í London.
1939 Á milli 20.000 til 40.000 manns látast í gríðaröflug-
um jarðskjálfta í Tyrklandi. Skjálftinn mældist 8 að stærð.
1941 Dmítrí Sjostakovitsj lýkur við 7. sinfóníuna. Er hann
þá í Síberíu.
1959 Leikarinn Henry Fonda gengur að eiga Susan
Ban chard í New York. Nokkur aldursmunur var á þeim
hjónum því Henry var 45 ára og Susan 22. Hjónaband
þeirra varði í sex ár.
1945 Alþjóðagjaldeyrissjóðurinn settur á fót af 29
aðildarríkjum.
1949 Júlíana Hollandsdrottning veitir Indónesíu sjálf-
stæði.
1967 Leonhard Cohen sendir frá sér sína fyrstu plötu,
„Songs of Leonhard Cohen“. Platan naut hylli austan hafs
og vestan og var nær eitt og hálft ár á breska vinsælda-
listanum.
1968 Appollo-geim-
farið snýr til jarðar á ný.
1978 Spánn verður
lýðveldi að nýju eftir
40 ára einræði.
1979 Tveimur dögum
eftir innrás Sovétmanna
í Afganistan, ræna þeir
völdum í landinu og
fella forseta landsins,
Hafizulah Amin.
2007 Fyrrverandi for-
sætisráðherra Pak-
istan, Benazir Bhutto,
er ráðin af dögum í
Rawalpindi. Tilræðis-
maðurinn sprengdi sig
um leið.
2 7 . D E S E M B E R 2 0 1 9 F Ö S T U D A G U R14 T Í M A M Ó T ∙ F R É T T A B L A Ð I Ð
TÍMAMÓT