Fréttablaðið - 31.12.2019, Page 5

FISKELDI Á árinu sem er að líða
stefnir í að útf lutningsverðmæti
fiskeldis verði um 24 milljarðar
króna. Áætla má að útf lutnings-
verðmæti laxeldis verði um 18 millj-
arðar og bleikju og regnbogasilungs
allt að 5 milljarðar. Að auki eru flutt
út laxaseiði og fleiri tegundir.
Einar K. Guðfinnsson sem starfar
að málefnum fiskeldis hjá Samtök-
um fyrirtækja í sjávarútvegi, SFS,
segir vöxt greinarinnar mikinn.
„Útf lutningsverðmætið er að tvö-
faldast á milli ára og gera má ráð
fyrir verulegum vexti á næsta ári,
þó að hann verði ekki hlutfallslega
jafn mikill.“ Hann segir að fiskeldið
hafi burði til að vaxa verulega að
magni og verðmætum á skömmum
tíma. „Sjávarútvegurinn okkar
sækir í takmarkaða auðlind sem
byggist á sjálf bærri nýtingu. Þar
hafa menn hins vegar náð miklum
og góðum árangri með vöruþróun,
betri nýtingu hráefnisins og nýrri
tækni sem hefur skapað ný tækifæri
og aukin verðmæti,“ segir Einar.
Samkvæmt bráðabirgðatölum
Hagstofunnar var verðmæti fiskeld-
isútflutningsins um 22,7 milljarðar
króna á fyrstu 11 mánuðum ársins.
Einar tekur líklegt að útflutnings-
verðmætið í ár muni nema um 24
milljörðum króna. „Á næsta ári
erum við að gera ráð fyrir áfram-
haldandi vexti og gætum farið yfir
30 milljarða. Verð á laxaafurðum
sveif laðist nokkuð á þessu ári, en
nú er það sögulega mjög hátt.“
Einar segir að fiskeldið sé að
verða ein af útf lutningsstoðum
Íslands. „Það er farið að muna um
fiskeldið í þjóðhagslegu samhengi
og áhrifanna gætir í aukinni og fjöl-
breyttari atvinnusköpun og hefur
bein áhrif með jákvæðum hætti á
rekstur ríkisins og sveitarfélaganna
eins og alþjóðleg matsfyrirtæki hafa
bent á.“
Í fyrra nam útflutningsverðmæti
uppsjávarfisks á Íslandsmiðum um
50 milljörðum króna. Fiskeldið er
því þegar með um helming útflutn-
ingsverðmæta þessara mikilvægu
fisktegunda, svipað samanlögðu
verðmæti makríls og kolmunna.
Mestallt fiskeldi hér á landi er
á Vestfjörðum og Austfjörðum og
er þess farið að gæta með afger-
andi hætti á báðum svæðunum.
Einar segir að nær þrjú hundruð
manns starfi við fiskeldi á Íslandi, í
beinum störfum og síðan sé annað
eins í afleiddum störfum. Reynsla
manna frá Noregi bendir til þess
að hvert starf í eldinu skapi þrjú
til fjögur störf í nærumhverfinu.
Samfara miklum vexti greinar-
innar hefur fjárfesting í fiskeldi
aukist. Fjárfestingin nam tæplega
5,4 milljörðum króna á árinu 2018.
Fiskeldið er fjármagnsfrek atvinnu-
grein. „Mörg ár líða frá því að leyfi
fást frá opinberum eftirlitsstofn-
unum, þar til fyrstu tekjur fara að
fást. En á sama tíma þarf að byggja
upp seiðaeldisstöðvar, kvíabúnað,
fjárfesta í þjónustubátum, aðstöðu
í vinnslu og þess háttar,“ segir Einar.
Tugum milljarða hefur verið varið
í fjárfestingar í íslensku fiskeldi
og segir Einar að frekari fjárfest-
ingar séu fram undan. „Fiskeldið er
umtalsverð innspýting inn í íslenskt
atvinnulíf, sem skiptir miklu máli
þegar við horfum upp á samdrátt
á mörgum sviðum útf lutnings og
fækkun starfa.“ david@frettabladid.is
Fáðu fréttablað dagsins í
tölvupósti kl. 3.00 á morgnana.
Skráðu þig á póstlista blaðsins á
www.frettabladid.is#nyskraning
Það kostar ekkert.
Vertu fyrst/ur
að lesa blaðið
Á næsta ári erum
við að gera ráð fyrir
áframhaldandi vexti og
gætum farið yfir 30 millj-
arða.
Einar K.
Guðfinnsson,
hjá Samtökum
fyrirtækja í
sjávarútvegi
Allar nýjustu fréttir og blað
dagsins eru fáanleg á
www.frettabladid.is
Útflutningsverðmæti fiskeldis
24 milljarðar króna á árinu
Fiskeldi við Suðureyri á Vestfjörðum. Mestallt fiskeldið er á Vestfjörðum og Austfjörðum. NORDICPHOTOS/GETTY
Útflutningsverðmæti
eldisfisks á árinu
svarar til helmings af
útflutningsverðmæti
uppsjávar fisks í fyrra.
Nær 300 manns starfa
við fiskeldið og álíka
fjöldi við afleidd störf.
SAMFÉLAG Um sextíu foreldrar á
Seltjarnarnesi hafa mótmælt harð-
lega þeirri ákvörðun bæjarstjórnar
að leggja niður heimgreiðslur
til foreldra barna á biðlista eftir
daggæslu eða leikskólaplássi. Þá
mótmælir hópurinn einnig þeirri
ákvörðun að lækka sömuleiðis
greiðslur til foreldra vegna dag-
gæslu barna í heimahúsi.
Hópurinn sendi undirritað bréf
á bæjarstjóra og bæjarfulltrúa Sel-
tjarnarnesbæjar fyrir jól þar sem
mótmælunum var komið á fram-
færi og þess krafist að ákvarðan-
irnar yrðu tafarlaust dregnar til
baka.
Segjast foreldrarnir hafa fullan
skilning á að fjárhagur bæjarins sé
í járnum en að forgangsröðun bæj-
arins veki furðu. Barnafjölskyldur
geti seint talist til þeirra sem hafi
breiðustu bökin í samfélaginu.
Vekur hópurinn athygli á því
að staða foreldra sé í raun sér-
lega viðkvæm því margir búi við
skerta innkomu uns börnin kom-
ast á leikskóla eða til dagforeldra.
Heimgreiðslur hafi verið settar á
á sínum tíma til að jafna aðstöðu-
mun þeirra sem fengið hafa dag-
vistun fyrir börn sín og hinna sem
ekki hafi fengið slíkt pláss.
Þá telur hópurinn að það sé ekki
vönduð stjórnsýsla að tilkynna um
slíka niðurfellingu með rúmlega
hálfs mánaðar fyrirvara en breyt-
ingarnar taka gildi frá áramótum.
Samkvæmt heimildum Frétta-
blaðsins hefur Ásgerður Halldórs-
dóttir, bæjarstjóri Seltjarnarnes-
bæjar, svarað erindi hópsins og
sagt að málið verði skoðað betur.
Gert er ráð fyrir því að það verði
rætt á næsta fundi bæjarstjórnar
eftir áramót. – bþ
Foreldrar mótmæla skerðingu á Nesinu
Leikskólabörn á góðum degi. FRÉTTABLAÐIÐ/SIGTRYGGUR ARI
1 Lög mæti hand tökunnar sé á gráu svæði: „Þessi fram­
ganga er í raun frá leit“ Lögmenn
lýsa yfir efasemdum um lögmæti
verklags lögreglunnar þegar hún
handtók Kristján Gunnar Valdi-
marsson að nýju.
2 Hafna kröfu lög reglu um á fram haldandi gæslu varð­
hald yfir Kristjáni Kröfu lögregl-
unnar á höfuðborgarsvæðinu um
áframhaldandi gæsluvarðhald
Kristjáns var hafnað í Héraðs-
dómi Reykjavíkur.
3 Íbúi á Aragötu óttast Krist­ján: „Þú veist ekkert hvað
hann gerir næst“ Kristján Gunnar
Valdimarsson, lektor við laga-
deild HÍ, situr nú í gæsluvarðhaldi
grunaður um kynferðisbrot og
frelsissviptingu
ÍRAK Adel Abdul Mahdi, forsætisráð-
herra Íraks, fordæmdi í gær loftárás-
ir Bandaríkjamanna á búðir írakskra
vígasveita sem njóta stuðnings frá
Íran. Bandaríkjaher gerði árásirnar á
sunnudag í hefndarskyni fyrir morð
á bandarískum verktaka.
Reuters-fréttastofan hefur eftir
írökskum heimildum að minnst 25
vígamenn hafi fallið í árásunum og
55 særst. Abdul Mahdi lýsti árás-
unum sem grimmum og óásættan-
legum. Þær myndu hafa alvarlegar
afleiðingar í för með sér.
Í yfirlýsingu frá Þjóðaröryggis-
ráði Íraks segir að árásir Banda-
r íkjamanna leiði til þess að
endurskoða þurfi samstarfið við
hersveitir Bandaríkjamanna og
bandamanna þeirra. Árásirnar
væru brot á fullveldi Íraks. Það
væri eingöngu í verkahring írakskra
öryggissveita að vernda landið og
herbúðir þar.
Sítaklerkurinn Moqtada al-Sadr
lýsti því yfir í gær að hann væri
reiðubúinn að vinna með vígasveit-
um sem njóta stuðnings frá Íran,
sem hafa verið pólitískir andstæð-
ingar hans, að því að koma banda-
rískum hersveitum úr landinu.
Takist það ekki með pólitísk-
um eða lagalegum leiðum sagðist
al-Sadr ætla að grípa til annarra
aðgerða í samvinnu við pólitíska
andstæðinga sína. – sar
Stjórnvöld í Írak gætu endurskoðað samstarf við Bandaríkin
Írakskar hersveitir berjast við sveitir Íslamska ríkisins. NORDICPHOTOS/GETTY
3 1 . D E S E M B E R 2 0 1 9 Þ R I Ð J U D A G U R4 F R É T T I R ∙ F R É T T A B L A Ð I Ð