Skessuhorn - 20.02.2019, Blaðsíða 2

MIÐVIKUDAGUR 20. FEBRÚAR 20192
Á sunnudaginn er konudagurinn og þá er
vert að minna karlmenn á að gleðja kon-
urnar sínar sérstaklega þann daginn. Það
er alltaf klassískt að gefa blómvönd en
svo er hægt að vera frumlegur og gera
eitthvað allt annað. Strákar! Þetta er gott
tækifæri til að sýna konunum í lífi ykkar
hversu vel þið kunnið að meta þær.
Á morgun er spáð sunnanátt 13-20 m/s
og hvassast verður á vestanverðu landinu.
Þurrt að kalla verður á Norður- og Austur-
landi en víða rigning í öðrum landshlut-
um, einkum framan af degi. Hiti verður á
bilinu 4 til 9 stig. Á föstudaginn er spáð
hægviðri og víða þurru en gengur í norð-
læga eða breytilega átt 8-13 m/s á suð-
austan- og austanverðu landinu með
samfelldri rigningu um tíma. Hiti 1-6 stig.
Á laugardag er spáð suðlægri átt með
rigningu, talverð úrkoma verður á sunn-
anverðu landi og hiti 4-10 stig. Vestlæg-
ari um kvöldið með skúrum og éljum og
kólnar. Á sunnudag og mánudag er gert
ráð fyrir sunnanátt og rigningu með köfl-
um, en þurrt að mestu um landið norð-
austanvert og hiti 2-8 stig.
Í síðustu viku var spurt á vef Skessuhorns
hvort lesendur hafi freistast til að nota
snjalltæki við akstur. 46% sögðust aldrei
hafa gert það, 39% hafa einstaka sinnum
freistast til þess en 10% freistast oft til að
nota snjalltæki við akstur. 6% svarenda
aka ekki.
Í næstu viku er spurt:
Hvaða lag heldur þú að vinni
Söngvakeppni Sjónvarpsins 2. mars?
Soffía G Þórðardóttir starfaði sem ljós-
móðir á Akranesi í fjörutíu ár og hefur tek-
ið á móti á milli fjögur og fimm hundr-
uð börnum í þennan heim. Soffía er Vest-
lendingur vikunnar, en rætt er við hana í
blaði vikunnar.
Spurning
vikunnar
Til minnis
Veðurhorfur
Vestlendingur
vikunnar
Ökuleyfissviptir
ökumenn
VESTURLAND: Lögreglan á
Vesturlandi segir töluvert um að
ökumenn sem sviptir hafa ver-
ið ökuleyfi séu stöðvaðir við al-
mennt umferðareftirlit. Vill lög-
regla koma því á framfæri að litið
er á það sem alvarlegt brot þegar
menn sem sviptir hafa verið öku-
réttindum halda áfram að keyra.
Lögregla lítur svo á að ökuleyf-
issvipting sé varúðarráðstöfun,
menn hafi verið sviptir leyfi og
er ekki treystandi í umferðinni.
Þess vegna er til dæmis talið al-
varlegra að aka eftir sviptingu en
ef menn aka sem hafa aldrei haft
ökuleyfi. Enn fremur vill lög-
regla minna á háar sektir liggja
við akstri eftir sviptingu ökuleyfa
og ítrekuð brot enda með varð-
haldi. -kgk
Flutningabíll valt
í Gufufirði
REYKHÓLAHR: Flutninga-
bíll valt á föstudag í Gufufirði,
innst á Hofsstaðahlíð. Óhappið
varð þegar flutningabíllinn var
að mæta minni bíl. Vegurinn er
mjór þar sem óhappið varð, en
smávegis snjórastir í köntunum
gerðu það að verkum að hann
virtist breiðari en hann raun-
verulega er. Á Reykhólavefn-
um er greint frá því að á þessum
kafla sé vegurinn innan við sex
metra breiður. Flutningabíll-
inn var með fullfermi af lamba-
hornum, sem fara áttu í vinnslu
á Tálknafirði í gæludýrafóður.
Upphaflega stóð til að reyna
að ná bílnum upp á veginn með
farminum, en það reyndist ekki
hægt. „Því verður að tæma vagn-
inn á staðnum, en gæta þarf ítr-
ustu varúðar vegna smithættu.
Hornin flokkast sem sláturaf-
urðir og eru hvaðanæva af land-
inu, en hér er hreint svæði og
laust við búfársjúkdóma, eins og
riðu,“ segir á Reykhólavefnum.
Þar segir enn fremur að þetta sé
annar flutningabíllinn sem velt-
ur á þessum vegarkafla frá ára-
mótum, milli slitlagsenda sunn-
an við Skálanes og að Gufudal.
„Á síðasta ári fóru ellefu bílar
út af á þessum kafla, sem bet-
ur fer slasaðist enginn alvarlega
í þessum óhöppum en eigna-
tjón var mikið.“ Björgunarsveit-
in Heimamenn kom á mánu-
daginn að því að taka hornin
og voru þau handtínd úr bíln-
um yfir í stórsekki til flutnings.
Ljósm. Reykhólavefurinn.
-kgk
Símasambands-
laust í Hörðudal
DALIR: Á fundi sveitarstjórnar
Dalabyggðar í liðinni viku var
lagt fram erindi vegna símasam-
bands í innanverðum Hörðudal.
Þegar ljósleiðarinn var tengd-
ur í dalnum var kopartenging-
in jafnframt aflögð. „Ekkert
GSM samband er á svæðinu og
því verður símasmbandslaust ef
rafmagn fer af. Það getur skap-
að hættu ef t.d. þarf að ná sam-
bandi við lækni eða sjúkrabíl,“
segir í fundargerð sveitarstjórn-
ar. -mm
Bæjarstjórn Akraness skorar á ís-
lenska ríkið að tryggja fé til að
hækka og styrkja Faxabraut. Eins
og áður hefur verið greint frá í
Skessuhorni hefur, með samþykkt
samgönguáætlunar 2019-2023, ver-
ið ákveðið að verja 200 milljónum í
uppbyggingu götunnar, á þessu ári
og því næsta. Bæjarstjórn segir það
góð tíðindi og mikilvæg skref í átt
að fullri fjármögnun ríkisins á fram-
kvæmdinni en bendir jafnframt á að
kostnaðarmat verksins hljóði upp á
550 milljónir króna. Því sé aðeins
um upphaf verkefnisins að ræða í
samgönguáætlun.
„Bæjarstjórn Akraness telur
það mikið sanngirnismál að ríkið
greiði þann kostnað sem þarf í upp-
byggingu Faxabrautar. Faxabraut
er þjóðvegur í þéttbýli sem þarf
að hækka og styrkja, bæði vegna
ástands hans og þeirrar byggðar
sem fyrirhugað er að reisa á Sem-
entsreitnum,“ segir í ályktun bæj-
arstjórnar. „Bæjarstjórn Akraness
hvetur samgönguyfirvöld og ríkis-
stjórn til að tryggja nægt fjármagn
til Faxabrautar, eigi síðar en á ár-
unum 2021 og 2022.“
kgk
Skora á ríkið að tryggja fé til Faxabrautar
Faxabraut á Akranesi.
Fasteignaverð á Akranesi hækk-
aði um 19,2% milli áranna 2017
og 2018. Hvergi annars staðar á
landinu varð jafn mikil hækkun
fasteignaverðs, samkvæmt Hagsjá
Landsbankans sem birt var 13.
febrúar. Þar kemur einnig fram að
fasteignaverð hækkaði meira í fjór-
um stærstu bæjarfélögunum utan
höfuðborgarsvæðisins en á höfuð-
Fasteignaverð hækkaði mest á Akranesi
borgarsvæðinu sjálfu frá 2017 til
2018. Bæjarfélögin fjögur eru Akra-
neskaupstaður, Akureyrarbær, Ár-
borg og Reykjanesbær.
Í þessum fjórum bæjarfélögum
hækkaði fasteignaverð umtalsvert
milli áranna 2017 og 2018 og alls
staðar meira en 10%, samanborið
við 3,7% hækkun á höfuðborgar-
svæðinu. Sem fyrr segir hækkaði
verðið mest á Akranesi, um 19,2%,
en næstmest í Árborg eða um
15,1%. Verðið hækkaði um 13,9% á
Akureyri og 10,6% í Reykjanesbæ.
Í Hagsjánni eru notaðar tölur
úr verðsjá Þjóðskrár Íslands um
þróun fasteignaverðs. Miðað er
við vegið meðaltal viðskipta með
fjölbýli og sérbýli. „Sé litið á þró-
unina til lengri tíma má sjá að tals-
vert hægði á verðhækkunum á höf-
uðborgarsvæðinu frá árinu 2017 á
meðan minna hægði á hækkunum
í bæjunum fjórum. Sums staðar
hafa hækkanirnar verið verulegar á
ýmsum tímum, t.d. í Reykjanesbæ
á árinu 2017, Í Árborg 2016 og
2017 og á Akranesi 2017 og 2018,“
segir í Hagsjánni.
En þrátt fyrir miklar hækkanir
fasteignaverðs í bæjunum fjórum
utan höfuðborgarsvæðisins er fer-
metraverð þar enn mun lægra en
í borginni. Á fjórða ársfjórðungi
2018 var meðalfermetraverð í fjöl-
býli á höfuðborgarsvæðinu 462 þús.
kr. en 411 þúsund í sérbýli. Á sama
tíma var meðalfermetraverð á Akra-
nesi 317 þús. kr. í fjölbýli á Akranesi
en 275 þús. í sérbýli.
kgk/ Ljósm. úr safni.
Kristján Þór Júlíusson sjávar-
útvegsráðherra hefur undirrit-
að reglugerð sem heimilar áfram-
haldandi veiðar á langreyði og
hrefnu árin 2019–2023. „Ákvörð-
un þessi byggist á ráðgjöf Haf-
rannsóknastofnunar, en jafnframt
hafði ráðherra hliðsjón af nýlegri
skýrslu Hagfræðistofnunar Há-
skóla Íslands um þjóðhagsleg áhrif
hvalveiða,“ segir í tilkynningu frá
ráðuneytinu. Við ákvörðun sína
studdist ráðherra einnig við minn-
isblað frá Hafrannsóknastofn-
un, sem hann óskaði eftir í kjölfar
skýrslu Hagfræðistofnunar.
Hafrannsóknastofnun ráðlegg-
ur að árlegar veiðar á tímabilinu
2018–2025 verði að hámarki 161
langreyður á veiðisvæðinu Aust-
ur-Grænland/Vestur-Ísland og að
hámarki 48 dýr á svæðinu Austur-
Ísland/Færeyjar og 217 hrefnur á
íslenska landgrunnssvæðinu. Ráð-
gjöf sína byggir stofnunin á veiði-
stjórnunarlíkani vísindanefndar
Alþjóðahafrannsóknaráðsins sem
er eitt það varfærnasta sem þróað
hefur verið fyrir nýtingu á nokkr-
um dýrastofni í heiminum.
Síðan hvalatalningar hófust
1987 hefur langreyði fjölgað jafnt
og þétt við Ísland. Við síðustu
talningu 2015 var fjöldinn á skil-
greindu stofnsvæði (Mið-Norður-
Atlantshaf) metinn um 37 þúsund
dýr sem jafngildir um þreföldun
frá 1987. Hrefnu hefur fækkað
mikið á grunnsævi við Ísland frá
síðustu aldamótum. Ekki er þó tal-
ið að stofninn hafi minnkað held-
ur fremur að útbreiðslan hafi færst
norður vegna minna fæðufram-
boðs hér á sumrin (síli og loðna).
Ráðgjöf Hafrannsóknastofnunar
tekur tillit til þessarar þróunar í
útbreiðslu hrefnustofnsins.
mm
Hvalveiðar heimilaðar næstu fimm árin
Hvalskurður í gangi. Mynd frá síðasta sumri.