Hugur og hönd - 01.06.2000, Blaðsíða 17

Hönnun: Dögg Guðmundsdóttir, formbeygðir stólar úr ahornviði.
eins um að ræða lítið brot af stærri
heildarmynd, sá hluti sem snýr að
viðgangi handverkshefða og heim-
ilisiðnaði er einkum má nýtast
ferðamannaiðnaðinum. Þeir sem
fylgst hafa með framvindu þessa
verkefnis hljóta að vera sammála
um að mikil og jákvæð þróun hef-
ur átt sér stað í handverksgreinum
á síðustu árum sem fyrst og fremst
verður rakin til verkefnisins
„Handverk og hönnun".
Með vissum hætti má segja að
hér sé um framhald að ræða á því
starfi sem Heimilisiðnaðarfélag Is-
lands stóð fyrir árum saman,
einmitt á þeim tíma sem hönnun
almennt var ekki svo mikill gaum-
ur gefinn. Það er engum vafa und-
irorpið að starfsemi Heimilis-
iðnaðarfélagsins, meðan vegur
þess var sem mestur, forðaði því
að handverkshefðir og gömul
tækni við gerð handunninna muna
glötuðust.
Þó erfitt sé að stilla saman, virða
fyrir sér hlið við hlið, verkmenn-
ingu baðstofunnar og tölvustýrðri
framleiðslu nútímans, verður ekki
fram hjá því litið að framfarir í dag
byggjast á uppsafnaðri reynslu og
þekkingu manna í árþúsundir.
Það er erfitt, ef ekki vonlaust, að
reyna framtíðarspár. Við lifum í
heimi hraðfluga breytinga. Ljóst er
að margar greinar hönnunarsviðs-
ins eru lykill að framförum og við-
gangi fyrirtækja, stórra og smárra í
framtíðinni. Á sama tíma má
spyrja: er réttlætanlegt að prjóna
vettlinga eða skera út í spýtu á líð-
andi stund?
Merkilegt, en markaðurinn,
neytandinn, segir já. Þar komum
við aftur að hinu huglæga. Þrátt
fyrir öll okkar rafmagnsljós, sjón-
varps- og tölvuskjái, förum við út
í búð og kaupum kerti ef við vilj-
um hafa mikið við.
Það er mikilvægt að ná saman
þeirri heildarmynd, sem hin ótrú-
lega flóra hugar og handa leggur
umhverfi okkar til. Leggja gildi
hönnunar í stóru sem smáu undir
þjóðhagslegt mæliker. Meta stöðu
hennar í nútímanum og hvað á-
unnist geti við markvissari stefnu
til eflingar henni.
Stefán Snæbjörnsson
Hönnun: Aðalsteinn Stefánsson, lampi sem býður upp á litablöndun ljóssins.
Hugur og hönd 2000 17