Fréttablaðið - 28.03.2020, Page 18

Það er enginn undanskil­inn því að finna fyrir breytingum á samfélag­inu þessa dagana og okkur lék forvitni á að vita hvernig samkomu­
bannið legðist í þriggja barna föður­
inn Góa.
Hvað á að gera aðra helgi sam­
komu banns?
Það er góð spurning. Taka góðan
göngutúr með fjölskyldunni. Bíl­
túr. Fara í heita pottinn heima hjá
okkur, elda góðan mat og prófa
nýjar uppskriftir. Baka. Reyna að
finna eitthvað til að brjóta upp
vikuna.
Hvernig eru aðstæður á heimil­
inu?
Við erum fimm í heimili. Þann­
ig að það er nóg að gera sem er frá­
bært. Við Inga konan mín erum
bæði í fæðingarorlofi þannig að
við erum að nýta það einstaklega
vel. Við eigum þrjú börn, Óskar 11
ára, Kristínu 8 ára og svo Ara Stein
sem er 5 mánaða. Við fengum leyfi
hjá skólanum til að fara til Tene í
afslöppun og stuð eftir að ég frum­
sýndi Útsendingu sem ég leikstýrði
í Þjóðleikhúsinu 22. febrúar. Þannig
að við fórum tveimur dögum eftir
sandstorm og komum heim þremur
dögum áður en allir voru sendir í
sóttkví. Við fórum þess vegna bara
í sjálfskipaða sóttkví uppi í bústað
í nokkra daga og erum búin að vera
saman í einni hrúgu síðan.
Hvernig gengur að viðhalda rút­
ínu?
Við vöknum, lærum og klárum
það. Svo eru eldri börnin í píanó­
námi og æfa sig vel, og svo eru
píanótímar í gegnum Facetime. Svo
er auðvitað listinn góði sem hefur
beðið of lengi: Bera á borðplötuna
í eldhúsinu: tékk, smyrja bílinn:
tékk, þrífa gluggana: tékk og svo
framvegis.
Hvers saknarðu helst?
Ég verð að viðurkenna að ég hef
nú alltaf reynt að hvíla í núinu og
njóta augnabliksins. Ég á geggjað
skemmtilega fjölskyldu og okkur
finnst alltaf langskemmtilegast að
bralla eitthvað saman þannig að við
erum að njóta okkar. En auðvitað
sakna ég vina og fjölskyldu sem
við getum ekki hitt. En ég vil ekki
dvelja á þeim stað. Ég reyni frekar
að hugsa jákvætt og njóta þess svo
sérstaklega þegar við getum öll hist
og notið þess að vera saman.
Við erum of sjálfhverf, það er of
mikið kvart og kvein yfir því að
þurfa að vera heima. Eins og það
sé það versta. Ég held að það sé
jafnmikið kvartað yfir því að vera
heima og yfir því að hafa of mikið
að gera og geta ekki verið heima. Nú
er tækifærið. Það er fólk þarna úti
sem er veikt eða á ættingja sem eru
veikir. Ég er heppinn að eiga fjöl­
skyldu og geta notið samverunnar
með henni. Ég hugsa mjög oft til
þeirra sem eru einir eða eiga um sárt
að binda. Eru með undirliggjandi
sjúkdóma og þess vegna hræddir.
Ræktum fjölskyldur okkar. Hringj­
um í vinina. Hlökkum til að hitta
vini okkar aftur því mikið verður
það gaman. Þetta kennir okkur
margt hugsa ég. Til dæmis að bera
virðingu fyrir þeim sem standa
vaktina alltaf.
Hvað hefurðu lært um sjálfan þig/
fjölskyldu þína á þessum tímum?
Hversu mikið ég dýrka þau og
hversu skemmtileg þau eru.
VIÐ ERUM OF SJÁLFHVERF,
ÞAÐ ER OF MIKIÐ KVART
OG KVEIN YFIR ÞVÍ AÐ
ÞURFA AÐ VERA HEIMA.
EINS OG ÞAÐ SÉ ÞAÐ
VERSTA.
Saman í hrúgu frá febrúar
Guðjón Davíð Karlsson eða Gói nýtur þess að vera með fjölskyldunni og bendir á að jafn
mikið sé kvartað yfir því að vera heima og geta ekki verið heima því of mikið sé að gera.
Gói og eiginkona hans Inga njóta sín í fæðingarorlofi þessa dagana. FRÉTTABLAÐIÐ/ANTON BRINK
Björk
Eiðsdóttir
bjork@frettabladid.is
Tobba Marinós segist reyna að koma snemma heim þessa dagana til að eiga vaktaskipti
við eiginmanninn en annars hafi
fjölskyldan það notalegt um þessar
mundir.
Önnur helgi í samkomubanni
fram undan, hvað á að gera?
Elda ítalskt, hlusta á ítalska tón­
list og hugsa fallega til Ítalíu. Við
hjónin giftum okkur þar í sumar
og kynntumst mörgu fólki sem
nú berst fyrir lífi sínu og búskap.
Göngutúr, kubbakeppni og „make
over“ á barnaherberginu er líka á
dagskrá.
Hvernig er aðstæður á heimil­
inu? Þetta gengur furðu vel enn þá.
Maðurinn minn vinnur heima en
ég er með eigin rekstur, Náttúru­
lega gott þar sem við framleiðum
meðal annars granóla. Við höfum
tvískipt vaktinni þar og ég reyni
að vera komin heim snemma svo
Kalli, maðurinn minn, geti unnið
þá daga sem dæturnar eru heima.
Þetta er töluvert púsl en allir eru
að gera sitt besta. Ronja, sú yngri er
enn hjá dagmömmu og Regína, sú
eldri, annan hvorn dag í skólanum.
Ofan á þetta bætist hefðbundin
eyrnabólga og flensa.
Hvernig gengur að halda
rútínu? Ágætlega. Allt tómstunda­
starf er náttúrlega farið og ræktin.
Kórónakílóin hrannast upp ef
veðrið fer ekki að verða skemmti­
legra. Það breytir öllu að komast út
með börnin.
Hvers saknarðu helst? Samvista
við mitt nánasta fólk og að faðma
fólk. Það er ömurlegt að sjá að fólki
líður illa og að geta ekki faðmað
það.
Hvað hefurðu lært um sjálfa
þig/fjölskyldu þína á þessum
tímum? Að við erum merkilega
skemmtileg. Við reynum að láta
eins og við séum í sumarbústað og
þar sem notalegheit ráða ríkjum.
Spil, bakstur og valfundartímar að
hætti Hjallastefnunnar.
Einhver skotheld ráð til að
halda í gleðina á tímum sam­
komubanns? Rauðvín og skype­
fundir, hollur og góður matur,
göngutúrar, leyfa sér að panta mat,
Ghandi og The Coocoo’s Nest hafa
virkilega tekið einveruna upp á
næsta stig. Við reynum að hafa
plan fyrir hvern dag svo öllum líði
betur. Börnin verða óróleg þegar
mikil óvissa einkennir dagana og
þau þekkja ekki sinn stað.
Látum eins og
í sumarbústað
Tobba segir fjölskylduna reyna að
vera með plan fyrir hvern dag, hér
nýkomin úr bangsagöngutúr og
niðurrignd. MYND/AÐSEND
Eva María Hallgrímsdóttir hjá Sætum syndum segist baka mikið með Hilmi syni sínum
sem nú er 10 ára. „Við Hilmir erum
mjög dugleg að baka saman og hefur
hann eytt ófáum stundum með mér
við að skreyta kökur og svo er auð­
vitað skemmtilegast að smakka.“
Flest börn hafa gaman af því
að baka og segist Eva halda að
það sé einfaldleikinn og auðvitað
afraksturinn sem þar ráði för. Nú
þegar margir séu heima við sé til­
valið að leyfa börnunum að baka
og því hafi hún fengið hugmyndina
að kökuskreytingapakka með öllu
tilheyrandi. Eva hlær þegar hún
er spurð hvort það fari þá ekki allt
á hvolf. „Ég held því miður að það
sé bara einn fylgikvilli við bakstur
að eldhúsið fer alltaf smá á hliðina.
Þetta er smá fórnarkostnaður fyrir
gómsæta köku.“
Leyfum börnunum að baka
Skreytingapakkinn er tilvalinn til að eiga góða stund með börnunum eða
einfaldlega fá smá vinnufrið segir Eva María. FRÉTTABLAÐIÐ/SIGTRYGGUR ARI
Eva María býður nú upp á skreyt­
ingapakka fyrir barnafjölskyldur.
2 8 . M A R S 2 0 2 0 L A U G A R D A G U R18 H E L G I N ∙ F R É T T A B L A Ð I Ð
HELGIN