Fréttablaðið - 28.03.2020, Qupperneq 64

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg. ehf
DREIFING Póstdreifing ehf.
dreifing@postdreifing.is 550 5000
Óttars
Guðmundssonar
BAKÞANKAR
buzzador®
LAUGARÁSVEGI 1
Pantaðu á skubb.is
fyrir kl. 21 og
við keyrum ísinn
til þín sama kvöld
Á pestartímum kemur í hug drepsótt frá árinu 1000 sem fjallað er um í Eyrbyggja-
sögu. Fólkið á Fróðá hrundi niður,
annaðhvort úr torkennilegri
pest eða drukknaði á sjó. Allir
gengu aftur og sátu við langelda á
kvöldin. Varð af þessu ófögnuður
mikill enda lítil gleði af sjó- og
sóttdauðum draugum. Þetta voru
kölluð Fróðárundrin.
Snorri goði Þorgrímsson á Helga-
felli var Þórólfur sóttvarnalæknir
þessara tíma. Hann lét brenna
rúmföt gamallar konu sem talin
var hafa borið með sér pestina.
Snorri réttaði yfir draugunum og
losnaði við þá. Hann einangraði
bæinn og lét syngja messu og
stökkva vígðu vatni um híbýlin.
Bæði pestin og draugarnir hurfu
frá Fróðá. Gömlu heiðnu guðirnir
voru taldir standa á bak við þessi
vandræði en Snorri trúði á hinn
nýja sið.
Vinnubrögð heilbrigðisyfirvalda
líkjast aðferðafræði Snorra goða.
Hann barðist við drauga en sótt-
varnaþríeykið þarf að berjast við
nettröll og alls konar sérfræðinga
í sóttvörnum og farsóttum sem
blómstra eins og sóleyjar í hlað-
varpa. Báðar sjónvarpsstöðvarnar
flytja stöðugar fréttir af veirunni
með nýjustu tölum eins og á kosn-
inganótt. Rifist er um hvort loka
skuli skólum og vinnustöðum eða
jafnvel landinu öllu. Dómsdags-
spámenn vaða uppi með spálíkön
sín sem minna á „líkindaútreikn-
ing kjarnorkustríðshönnuðanna
eins og Megas segir.
Snorri goði var einn vitrasti
stjórnmálamaður þjóðveldistíma-
bilsins. Hann hefði litið aðgerðir
sóttvarnayfirvalda með velþókn-
un. Í stað vígða vatnsins er komið
handspritt en a.ö.l. eru viðbrögðin
ósköp keimlík. Hann hefði líkt og
Þórólfur kveðið niður falsspámenn
og netdrauga með staðreyndum og
æðruleysi. Snorri hefði bætt guðs-
orði við aðgerðir sóttvarnayfir-
valda til að tryggja fullnaðarsigur
en það má ekki á þessum tímum
trúfrelsis og umburðarlyndis.
Fróðárundrin