Fréttablaðið - 04.04.2020, Page 88

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg. ehf
DREIFING Póstdreifing ehf.
dreifing@postdreifing.is 550 5000
Margrétar
Kristmannsdóttur
BAKÞANKAR
©
Inter IKEA System
s B.V. 2020
Margt smátt ...
Páskablað Hjálparstarfs
kirkjunnar fylgir
Fréttablaðinu í dag!
Allir foreldrar vilja vera börnum sínum góð fyrir-mynd og stundum tekst
okkur vel upp og stundum miður.
Ég veit af eigin raun að börnin mín
tvö hafa stundum hugsað með
sér: „Ókei – sú gamla er ekki alveg
glötuð.“ En ég hef einnig upplifað
að ljósið í augum þeirra hefur
hreinlega slokknað við eitthvað
sem ég hef sagt eða gert – og á þeirri
stundu hefðu þau gjarnan viljað að
jörðin gleypti mig í heilu lagi.
Hafandi átt son og síðan dóttur
var ég komin með frábært tækifæri
til að breyta heiminum – allavega
heima fyrir. Og ég byrjaði snemma
að blása dóttur minni baráttu- og
jafnréttisanda í brjóst! Þegar hún
var lítil og ég var að keyra hana í
skólann sagði ég oft við hana þegar
hún fór út úr bílnum: „Og vertu
nú svolítið óþekk í dag,“ og átti þá
við að hún tæki sér svolítið pláss í
lífinu.
Er þeir tímar komu að þau
systkinin hættu að vilja vera í
dagvist eftir skóla og voru ein
heima um tvo tíma á dag, reyndust
sumir dagar erfiðari en aðrir. Einn
daginn hafði dóttir mín hringt
óvenju oft í mig í vinnuna, ég
eitthvað upptekin og á endanum
var farið að þykkna í mér. Erindin
voru enda ekki merkileg: mátti
hún fá kex, mátti hún horfa á
vídeó, mátti hún hringja í vinkonu
og svo framvegis. Þessu hafði ég
öllu svarað samviskusamlega
en þegar hún hringdi enn einu
sinni með álíka merkilegt erindi
svaraði ég – en byrsti mig síðan
og sagði við hana: „Og næst þegar
þig vantar eitthvað hringdu þá
í hann pabba þinn.“ Þá heyrði
ég að dóttirin dró að sér andann
með vandlætingartón og sagði
hneyksluð: „Ertu brjáluð mamma,
hann er í vinnunni!“
Þegar
uppeldið bregst
ARIZONA
500 ML
299
KR/STK
598 KR/L