Feykir - 23.05.2018, Page 10

Sjávarlíftæknisetrið BioPol
Taka vikulega sýni
til að meta magn örplasts
Sjávarlíftæknisetrið BioPol ehf. á
Skagaströnd hefur allt frá árinu 2015
fylgst með eðlis- og líffræðilegum
þáttum sjávar fyrir utan Skagaströnd
yfir vor- og sumarmánuðina. Tekin
hafa verið sýni vikulega í því skyni að
mæla hitastig og seltu sjávar á
mismunandi dýpi og fylgst hefur
verið með tegundasamsetningu og
fjölda svifþörunga. Þá hafa einnig
verið tekin sérstök sýni til að fylgjast
með stærð og magni kræklingalirfa.
Sérstakur starfsmaður var þjálfaður í
upphafi til þess að fara í gegnum
lirfusýnin og hefur sami aðili því sinnt
þeim talningum frá upphafi.
„Fljótlega fór þessi samviskusami
starfsmaður að veita athygli torkenni-
legum þráðum í mörgum litum sem
sáust undir víðsjánni við lirfutalning-
arnar,“ segir Halldór G. Ólafsson,
framkvæmdastjóri BioPol. „Við nánari
athugun kom í ljós að um var að ræða
plastþræði sem ákveðið var að telja
ásamt kræklingalirfunum.“
Undanfarið hefur verið mikil um-
ræða um plastmengun í hafinu og í
ljósi hennar var tekin ákvörðun um að
taka þessa talningu alvarlegri tökum að
sögn Halldórs. „Í dag eru tekin vikulega
sérstök sýni til þess að meta magn
örplasts í Húnaflóa. Sýnatakan fer
þannig fram að netháfi, sem hefur
möskva sem eru 100 míkron (0,1mm)
að stærð, er sökkt niður á 20 metra
dýpi og síðan dreginn rólega upp á
yfirborðið aftur. Við þá aðgerð er
áætlað að í gegnum háfinn pressist
1413 lítrar af sjó og allar agnir sem eru
stærri en 100 míkron sitji eftir í háfn-
um,“ segir Halldór.
Innihaldi háfsins er síðan safnað í
ílát og það meðhöndlað á rann-
sóknastofu BioPol. Þar eru notuð efni
sem leysa upp öll lífræn efni og það
sem eftir situr er í framhaldinu síað í
gegnum síupappír. Á honum koma svo
hugsanlegar plastagnir í ljós.
Meðfylgjandi mynd er tekin í
gegnum víðsjá og á henni má sjá það
sem finna mátti í einu sýni sem tekið
var í síðustu viku. Karin Zech,
lífefnafræðingur sem sinnt hefur
þessum rannsóknum frá því í apríl og
tók við af Lindu Kristjánsdóttur, sam-
viskusama starfsmanninum sem áður
er getið, segir í samtali við Fiskifréttir
að magnið sé mjög mismunandi, allt
frá örfáum þráðum upp í sextíu talsins.
Sýnin eru tekin skammt frá landi í
nágrenni Skagastrandar og því líklega
að þangað berist auðveldlega úrgangur
frá bænum en þar eru engar skólp-
hreinsistöðvar frekar en á flestum
öðrum stöðum á landinu.
„Dæmi hver fyrir sig,“ segir Halldór,
„en okkur finnast þessar myndir frekar
óhugnarlegar og varpa ljósi á að plast-
mengun í hafinu er ekki endilega bara
vandamál sem snertir aðrar þjóðir og
fjarlæg hafsvæði.“ /FE
Karin Zech, starfsmaður BioPol, vinnur að talningu örplastþráða. MYND: JAMES KENNEDY
Sjálfstæðisflokkurinn
í Skagafirði
Við ætlum að:
• Auka íbúalýðræði með opnari stjórnsýslu.
• Stuðla að áframhaldandi aðhaldi og
aðgætni í rekstri sveitarfélagsins.
• Fjölga dagvistunarplássum í Skagafirði með
því að:
o byggja leikskóla við grunnskólann á Hofsósi
og fara í endurbætur á grunnskólanum.
o leysa úr leik- og grunnskólamálum í
Varmahlíð í samráði við starfsmenn
og íbúa.
o byggja við yngra stig Ársala á Sauðárkróki.
• Hækka hvatapeninga og endurskoða reglur
varðandi úthlutun.
• Byggja Menningarhús og klára
uppbyggingu Sundlaugar Sauðárkróks.
• Störf án staðsetningar – til að efla
atvinnutækifæri í dreifbýli og þéttbýli.
• Tryggja nægt framboð á lóðum í Skagafirði.
Gerum lífið betra!
xD Myndin sýnir plastþræði úr einu sýni sem tekið var nýlega í hafinu í nágrenni Skagastrandar. MYND: BIOPOL
10 20/2018