Feykir - 23.05.2018, Síða 12

X18 SPURNINGAR TIL ODDVITA : Bjarni Jónsson sveitarstjórnarfulltrúi og fiskifræðingur
V-listi Vinstri græn og óháð Sveitarfélaginu Skagafirði
Á lista VG og óháðra er þverskurður
samfélagsins. Reynsluboltar í
stjórnmálum, bændur, sjómenn,
frumkvöðlar, kennarar,
fjölskyldufólk, einstætt foreldri, ungt
fólk, eldri borgarar, fólk sem á búsetu
vítt og breitt um fjörðinn. Þetta fólk á
það sameiginlegt að brenna fyrir
hagsmunum íbúa héraðsins alls og
vilja setja ákveðin mál í forgang hjá
sveitarfélaginu okkar.
Hvaða mál eru sett á oddinn
hjá þínu framboði?
-Þessi mál eru meðal annars:
• Opin stjórnsýsla, gagnsæi og vönduð
vinnubrögð, aukin aðkoma íbúa að
ákvarðanatöku og staðbundið íbúa-
lýðræði.
• Jafnrétti óháð búsetu, félagslegt
réttlæti og svæðisbundin átaks-
verkefni til að styrkja byggð og
atvinnulíf í Skagafirði.
• Stytting vinnuvikunnar án launa-
skerðingar og sveigjanlegt vinnuum-
hverfi.
• Standa vörð um einstæða náttúru
Skagafjarðar og nýta möguleika
hennar á vistvænan hátt.
• Styðja fagstarf og áframhaldandi
uppbyggingu Byggðasafns Skagfirð-
inga, setra og sýninga.
• Bætt þjónusta við eldra fólk, endur-
hæfing í heimahús og gera fólki kleift
að eldast í sinni heimabyggð.
• Lækka leikskólagjöld, tryggja dag-
vistunarúrræði barna og auka starfs-
öryggi dagmæðra.
• Vinna að framtíðarsýn og deili-
skipulagsgerð þar sem á vantar í
Skagafirði.
• Hólastaður verði efldur sem byggða-
kjarni með aukinni þjónustu og
samstarfi við ríkið og Hólaskóla um
umbætur og uppbyggingu á staðnum.
• Standa með bændum í hagsmuna-
málum þeirra.
• Varmahlíð og Hofsós verði styrktir
sem þjónustukjarnar í Skagafirði
þannig að fleiri verkefnum sveitar-
félagsins verði sinnt frá þeim stöðum.
• Sveitarfélagið standi fyrir átaki í
aðgengismálum bygginga sveitar-
félagsins og hvetji fyrirtæki og
stofnanir til þess sama.
• Sveitarstjórn beiti sér af meira afli
fyrir samgöngubótum í héraðinu.
• Sveitarfélagið gangist ekki í verulegar
fjárskuldbindingar vegna uppbygg-
ingar einkafyrirtækja og allur stuðn-
ingur sé í opnu ferli, án allrar leyndar,
þar sem fyllsta jafnræðis væri gætt,
svo sem með því að fleiri aðilum á
sama sviði stæði til boða að leggja
fram hugmyndir sínar.
• Strax verði komið á virkri sorpflokk-
un um allt héraðið, bæta sorphirðu,
laga og loka betur af gámasvæði og
bæta umgengni við þau með meiri og
betri þjónustu.
• Alexendarsflugvöllur verði varaflug-
völlur fyrir millilandaflug.
• Efla samstarf við hestamenn og nýta
frábæra uppbyggingu landsmóts-
svæðis Hólastaðar.
• Flýta hitaveituvæðingu með réttri
forgangsröðun útgjalda og hraða
uppsetningu háhraðatenginga í hér-
aði.
Hver er helsta áskorunin sem þitt
sveitarfélag stendur frammi fyrir?
-Ein helsta áskorun sem sveitarfélagið
okkar stendur frammi fyrir er að auka
fjölbreytni og fjölga störfum í héraði.
Þannig að allir hafi tækifæri og geti
skapað eða fundið starf við sitt hæfi í
Skagafirði. Með aukinni tækni verða
sífellt fleiri störf sem hægt er að sinna
óháð staðsetningu. Það þarf að búa
þessum störfum grundvöll með fjölgun
íbúða, ekki bara á Sauðárkróki heldur í
öllum þéttbýliskjörnum. Bæta þarf
grunnþjónustuna enn frekar til að
Skagafjörður verði enn eftirsóknar-
verðari kostur fyrir fólk og fyrirtæki
sem vill búa sér og sínum hér framtíð.
Gæta þarf jafnræðis í hvívetna. Ráðast
þarf í endurbætur á og frekari
uppbyggingu á leikskóla- og grunn-
skólahúsnæði í Skagafirðinum öllum
og þróa áfram öflugt og framsækið
skólastarf í öllum skólum sveitar-
félagsins.
Af hverju ætti fólk
að kjósa þinn flokk?
-Ef þið deilið þessari sýn með okkur.
Ef þið viljið setja grundvallar mann-
réttindi eins og aðgengi fyrir fatlaða og
aðgengi að heitu vatni í fyrirrúm. Ef
þið viljið sjá jafnrétti óháð búsetu. Ef
þið viljið sjá bætta grunnþjónustu
íbúa í fjölskylduvænu samfélagi. Ef þið
viljið að rödd ykkar heyrist í upp-
byggingu samfélagsins okkar, setjið þá
x við V.
X18 SPURNINGAR TIL ODDVITA : Þorleifur Karl Eggertsson símsmiður
B-listi Framsóknar og annarra framfarasinna Húnaþing vestra
B-listi Framsóknar og annarra
framfarasinna í Húnaþingi vestra
samanstendur af kraftmiklum og
samheldnum hóp sem er tilbúinn
til að gera gott samfélag enn betra.
Listinn er skipaður átta konum og sex
körlum á aldrinum 25 til 62 ára og eru
frambjóðendur búsettir um allt
sveitarfélagið.
Hvaða mál eru sett á oddinn
hjá þínu framboði?
-Það eru ýmiss mál sem við leggjum
áherslu á en þar má kannski fyrst telja
að byggja við grunnskólann þar sem
húsnæði hans er þegar orðið of lítið.
Við viljum jafnframt að tónlistarskólinn
flytji starfsemi sína yfir í grunnskólann
en haldi sér þó sem sjálfstæð eining.
Við viljum að farið verði í greiningu
á framtíðarnotkun Félagsheimilisins
Hvammstanga með tilliti til þess að það
verði rekið sem fjölbreytt menningarhús
fyrir héraðið.
Í sveitarfélaginu er húsnæðisskortur
og þá aðallega skortur á leiguíbúðum
og viljum við samstarf við ríkisvaldið
um byggingu leiguíbúða. Jafnframt
langar okkur til að greina hver þörfin er
á íbúðum fyrir aldraða og hefja þá
vinnu sem þarf fyrir undirbúning og
framkvæmdir.
Húnaþing vestra er mikið land-
búnaðarhérað og mikilvægt er að skapa
landbúnaðinum gott umhverfi til að
hann haldi áfram að blómstra.
Hver er helsta áskorunin sem þitt
sveitarfélag stendur frammi fyrir?
Í Húnaþingi vestra er gott að búa og við
vitum til þess að oft á tíðum vill unga
fólkið flytja aftur heim að loknu námi.
Það sem helst stoppar það í því að flytja
aftur heim er húsnæðiskortur og því
má kannski segja að húsnæðis- og
atvinnumál séu með stærri áskorunum
sem við stöndum frammi fyrir.
Af hverju ætti fólk
að kjósa þinn flokk?
Framsókn og aðrir framfarasinnar vilja
gera það góða samfélag sem Húnaþing
vestra er enn betra með því að skapa þá
umgjörð sem þarf til að sveitarfélagið
verði enn vænlegri kostur að búa í,
bæði hvað varðar atvinnu og húsnæði.
Við teljum okkur hafa þann metnað og
kraft sem þarf til að fylgja eftir þeim
áherslum sem koma fram í stefnuskrá
okkar og setjum því X við B á kjördag.
12 20/2018