Bæjarbót - 01.06.1987, Blaðsíða 11
Bæjarbót, óháð fréttablað 11
Næsta vor verða liðin 20 ár
síðan ég fékk mitt fyrsta skips-
stjórnarpláss hjá Þorbirni hf.“
Þegar Hrafn GK 12 kom var
Norðursjávarúthaldinu að Ijúka
og loðnuævintýrið að hefjast
hér á heimaslóðum. Hvað finnst
þér svona almennt um þær
veiðar?
,,Ástæðan fyrir því að Hrafn-
inn var keyptur var sú að okkur
vantaði stærra skip, vegna
Norðursjávarveiðanna og loðn-
unnar. Skip sem tæki fleiri
kassa, og burðarmeira skip á
loðnuna. Þegar síldin datt alveg
upp fyrir, fóru menn að snúa sér
að loðnunni. Ég held að sumar-
veiðar á henni hefi hafist 1976.
Þá kom í ljós að næturnar voru
allt of litlar fyrir sumar og
haustveiðarnar. Þetta haust
voru bara þrír bátar við þetta,
aðrir voru að klára kvótana sína
í Norðursjónum. Nú, þetta gekk
þokkalega, að vísu var báturinn
óyfirbyggður og veiðarfærin allt
of lítil. Burðargetan var um 400
tonn. Upp frá þessu fór þetta
æfintýri í fullan gang. Næturnar
voru stækkaðar, skipin stækk-
uð með lengingum og yfirbygg-
ingum og sífellt meira magn var
borið að landi. Það versta við
loðnuveiðarnar eru verðsveifl-
urnar. Við höfum fengið mjög
góð ár, en svo hefur þetta líka
dottið niður úr öllu valdi. Þessar
sveiflur hafa eiginlega verið
jafnaðar út með því að bera
meira og meira að landi.“
En er þá stjórnunin rétt, erum
við ef til vill að ganga of nærrí
stofninum?
,,Ég hallast nú heldur að því
að stjórnunin sé rétt eins og hún
er. Eitt árið var gengið of nærri
stofninum og veiðarnar voru
bannaðar í heilt ár á eftir. Síðan
hafa menn viljað fara meira og
minna eftir fiskifræðingunum.
Treysta þeim til að passa að
þetta komi ekki fyrir aftur.
Hjálmar Vilhjálmsson er okkar
fremsti sérfræðingur í þessu og
að mínu mati nokkuð glúrinn í
þessu! Stundum finnst manni
þó, t.d. á síðustu tveimur vertíð-
um, að það hefði mátt veiða
meira. Okkur fannst svo mikil
loðna ganga hérna með. Klakið
fer bara svo mikið eftir ástand-
inu í sjónum að menn verða að
vera varkárir. Mér finnst t.d. að
klakið heppnist betur þegar hún
hrygnir hér við Suður- og Suð-
austurströndina, heldur en á
Breiðafirðinum, en þetta er allt
ósköp sveiflukennt.“
Sveinn, nú er mikilvægi sjáv-
arútvegsins fyrir þjóðarbúið
óumdeilanlegt. Hefurðu á til-
finningunni að það muni breyt-
ast í náinni framtíð? Finnst þér
e.t.v. að þjóðin sé að verða
afhuga sjávarútveginum?
„Stundum finnst manni það,
en samt heldur þetta alltaf sínu
hlutfalli af þjóðarframleiðsl-
unni og gefur ekkert eftir þar!
Ég veit svo ekki hvort nokkuð
getur komið í staðinn. Ef til vill
getur einhver útflutningur skap-
ast við laxeldið, en sjávarútveg-
urinn virðist verða að vera aðal-
uppistaðan áfram, maður sér
ekkert nýtt sem getur leyst hann
af. Þegar niðursveiflur verða,
eins og á vertíðinni núna, verða
menn óttalega svartsýnir og
finnst allt ómögulegt og langar
til að hlaupa í land! En einhvern
veginn réttist þetta alltaf við
aftur, fiskurinn kemur aftur og
áhuginn lifnar. Eins og ég sagði
áðan, töldu fullorðnir menn
árið 1962 að fiskurinn væri
búinn úr sjónum! Síðan hefur
hvert metárið á eftir öðru
komið, síðast í fyrra. Ég er
sannfærður um að sjávarútveg-
urinn verður okkar aðalatvinnu-
vegur um alla ókomna
framtíð.“
Hvernig sérðu þína framtíð,
eftir nærri 20 ára skipsstjóraferil
hjá sama fyrirtækinu?
„Samstarfið við Þorbjörn hf.
hefur gengið mjög vel og mér
líkað það ágætlega. Þar hefur
bókstaflega aldrei hlaupið
snurða á þráðinn. Ég hef alltaf
fengið allt hjá þeim sem ég hef
beðið um - til að fiska sem mest.
Nótin er mitt uppáhaldsveiðar-
færi og mann langar stundum á
stærri nótaveiðiskip. Loðnu-
veiðarnar eru að fara út í það að
minni skipunum fækkar og það
hefur hvarflað að manni að
gaman væri að komast á stærra
skip, svona áður en maður hætt-
ir til sjós. Helst nýtt auðvitað, en
framtíðin er óráðin hvað það
varðar, eins og svo margt
fleira,“ sagði aflaskipsstjórinn
Sveinn Þór ísaksson að lokum.
,,En einhvern veginn réttist
þetta alltaf við aftur, fiskurinn
kemur og áhuginn lifnar“
Grindvíkingar!
Tilmæli til þeirra sem þurfa að
losa sig við sorp á sorphaugana
Allt sorp skal losa innan girðingar, á
einum stað, en ekki dreifa því um
svæðið.
Allt sorp sem á haugana fer, skal vera
ólífrænt efni en ekki æti fyrir máva og
rottur.
Vegna nálægðar sorphauganna við
olíutankana er hættulegt að tendra bál
á svæðinu.
Með von um góða samvinnu
Bæjartæknifræðingur
STEINDÓR
SIGURÐSSON
Sími 15444
FERÐAÁÆTLUN
FRÁ KEFALVÍK
Virka daga
8:50
Mánud., miðv.d.
og föstud.
13:15
17:15
FRÁ GRINDAVÍK
Virka daga
9:20
Mánud., miðv.d.
og föstud.
13:45
17:40
Minnum á ný símanúmer
Hótel Kristína 14444
Hópferðir 15444