Bændablaðið - 17.11.2016, Qupperneq 12

12 Bændablaðið | Fimmtudagur 17. nóvember 2016
Fréttir
Aðsókn að Jarðböðunum í
Mývatnssveit hefur slegið öll fyrri
met nú í ár. Sumarið var verulega
gott og þá hefur aðsókn í böðin
aukist jafnt og þétt bæði að vori
og hausti. Í burðarliðnum eru
framkvæmdir á komandi ári til
að bæta aðstöðu gestanna.
Guðmundur Þór Birgisson,
framkvæmdastjóri Jarðbaðanna í
Mývatnssveit, segir aðsókn á liðnu
sumri hafa verið einstaklega góða.
Á tímabilinu frá maí og fram til loka
september, á 5 mánaða tímabili, komu
um 158 þúsund gestir í Jarðböðin
sem er ríflega 20% aukning frá því
í fyrrasumar. „Það hafa aldrei komið
fleiri gestir í Jarðböðin en síðastliðið
sumar, það var metaðsókn hjá okkur
og við erum auðvitað himinlifandi
með það,“ segir hann. Jarðböðin hafa
verið starfrækt í Mývatnssveit frá
árinu 2004, eða í 12 ár.
Nú í desember verður heilmikið
um að vera í Jarðböðunum, dagskrá
sem tengist jólum, en þar ber hæst
hið árlega bað jólasveina sem verður
sunnudaginn 11.desember.
Sama dag verður handverks-
markaður í Jarðböðunum „þannig
að það verður mikið um að vera
þennan dag og jafnan margt um
manninn. Helgina á undan verður
laufabrauðsgerð í Jarðböðunum
þar sem gestum býðst að skera út
laufabrauð og steikja.
85% gesta útlendingar
Guðmundur segir að æ fleiri leggi
leið sína í Jarðböðin og þau séu
vel þekktur áfangastaður erlendra
ferðamanna. Um 85% gesta eru
útlendingar sem sækja sér upplifun
með því að baða sig í náttúrulegri
laug og virða fyrir sér útsýni yfir
Mývatnssveit. „Gestir kunna vel
að meta útsýnið og hafa gjarnan
orð á því hversu
einstakt það er.“
Hann segir
aðsókn vera mesta
yfir sumarið,
þegar flestir eru á
ferðinni, „en það
er ánægjulegt að
æ fleiri gestir eru
einnig á ferðinni
að vorlagi, í
apríl og maí og
eins á haustin,
september og október. Þeir
mánuðir eru orðnir virkilega góðir
og hlutfallslega hefur aðsókn
þá mánuði aukist meira en yfir
sumarið. Það má því segja að
einungis desember og janúar
séu í rólegri kantinum,“ segir
Guðmundur.
Hann segir að þótt aðsókn sé
mikil anni Jarðböðin miklum
fjölda gesta og þeir dreifast yfir
daginn og fram á kvöld, en opið er
til miðnættis yfir sumarmánuðina
og til kl. 22 á kvöldin að vetrinum.
Endurbætur fyrirhugaðar á
aðstöðu gesta
Framkvæmdir hefjast innan tíðar við
endurbætur á aðstöðu sem einkum
miða að því að gera rýmra kringum
gesti Jarðbaðanna. Nú eru um 430
búningsklefar í Jarðböðunum. „Við
ætlum að stækka
klefana, ekki
fjölga þeim mikið
en gera rýmra
um gesti okkar,“
segir Guðmundur.
F r a m k v æ m d i r
við byggingu nýs
húss við Jarðböðin
hefjast næsta vor,
„við eru að vinna
að hugmyndum
og skoða hver
þörfin hugsanlega verður til
framtíðar litið. Við höfum hug á að
hefja jarðvegsframkvæmdir hér á
svæðinu vorið 2017,“ segir hann.
Í nýju húsi verður m.a. afgreiðsla,
móttaka gesta, veitingastofa og
búningsklefar. „Spár gera ráð fyrir
að erlendum ferðamönnum muni
áfram fjölga hér á landi og við
ætlum að vera undir það búin að
taka við auknum fjölda gesta hjá
okkur.“ /MÞÞ
Metaðsókn að Jarðböðunum
í Mývatnssveit
Árið 2015 mátu tæplega 8 af
hverjum 10 íbúum á Íslandi
heilsufar sitt sem gott eða mjög
gott, eða 76%. Um 73% kvenna
mátu heilsufar sitt sem gott en um
80% karla.
Þetta er lægra en árið 2004 þegar
lífskjararannsóknin var gerð í fyrsta
sinn, en þá var hlutfallið 79% í heild,
75% hjá konum og 82% hjá körlum.
Hæst fór hlutfall fólks við góða
heilsu í 81% árið 2008, 79% meðal
kvenna og rúmlega 82% meðal
karla.
Sé hins vegar litið einvörðungu
á þann hóp sem segist búa
við alvarlegar heilsufarslegar
takmarkanir reynist hlutfallið meðal
íslenskra kvenna annað hæsta í
Evrópu og meðal karla það sjöunda
hæsta.
Samkvæmt Hagtíðindum
Hagstofu Íslands kveðst tæpur
þriðjungur íbúa á Íslandi eiga við
langvarandi veikindi að stríða árið
2015, 35% kvenna og 25% karla.
Er þetta hærra hlutfall en árið 2004
þegar rúmlega fjórðungur, 27%,
íbúa sagðist stríða við langvarandi
veikindi, tæp 31% kvenna og
tæp 23% karla. Lægst fór hlutfall
langveikra í 18% árið 2007, 21%
meðal kvenna og 15% meðal karla.
Nýjustu samanburðartölur um
heilsufar í Evrópu leiða í ljós að
árið 2014 var hlutfall fólks við góða
heilsu hátt á Íslandi. Hlutfall karla á
Íslandi sem mátu heilsu sína góða eða
mjög góða reyndist það sjötta hæsta
í Evrópu en hlutfall heilsuhraustra
kvenna það níunda hæsta. Langvinn
heilsufarsvandamál voru ekki algeng
á Íslandi í samanburði við önnur
Evrópulönd. Það sama á við um
heilsufarsvandamál sem hamla fólki
nokkuð eða alvarlega við daglegar
athafnir.
Þessar niðurstöður byggjast á
lífskjararannsókn Hagstofunnar
sem er hluti af samræmdri
lífskjararannsókn Evrópska
efnahagssvæðisins. /VH
Heilbrigðismál:
Heilsa Íslendinga góð í
evrópskum samanburði
Opið hús í nýju fjósi að Hvammi, Ölfusi
laugardaginn, 19. nóvember frá kl. 13.00 til 16.30.
Verið velkomin.
Pétur og Charlotte.
Opið hús
Reiðkennari við
Háskólann á Hólum
Laust er til umsóknar fullt starf reiðkennara við Hestafræðideild
Háskólans á Hólum. Starfið felst aðallega í reiðkennslu nemenda og
þjálfun á hestakosti skólans, Um framtíðarstarf er að ræða.
Hæfni og menntunarkröfur
Reiðkennaramenntun og reynsla af reiðkennslu, keppni og sýningum.
Góð hæfni í mannlegum samskiptum og samvinnu.
Launakjör eru samkvæmt kjarasamningi fjármálaráðherra og viðeigandi
stéttarfélags. Um starfskjör, réttindi og skyldur gilda að öðru leyti lög
um réttindi og skyldur starfsmanna ríkisins nr. 70/1996.
Umsóknarfrestur um stöðuna er til 5. desember 2016 og er æskilegt
að viðkomandi geti hafið störf sem fyrst. Við hvetjum jafnt karla og
konur til að sækja um.
Vinsamlega sendið umsóknir ásamt ferilsskrá og staðfestingu á menntun
til Háskólans á Hólum á netfangið umsoknir@holar.is. Nánari upplýsingar
um starfið veitir Sveinn Ragnarsson deildarstjóri í síma 455 6300 eða
Mette Mannseth í síma 898 8876.
Öllum umsóknum verður svarað þegar ákvörðun um ráðningu hefur
verið tekin.
Um 85% gesta eru útlendingar sem sækja sér upplifun með því að baða sig í náttúrulegri laug og virða fyrir sér
Spár gera ráð fyrir að erlendum ferða mönnum muni áfram fjölga
hér á landi. Framkvæmdir
við endurbætur og stækkun
hefjast hjá Jarðböðunum í
Mývatnssveit á næsta ári en þar
á bæ vilja menn búa sig undir
aukna aðsókn.
Húnavatnshreppur og fjárlaganefnd:
Auknu fjármagni verði veitt í viðhald vega
Samgöngu- og fjarskiptamál,
ferðaþjónusta, refa- og
minka veiðar, sauðfjár veiki-
varnar girðingar, dreifnám og
heilbrigðis mál eru á meðal
þeirra mála sem bar á góma á
fundi fulltrúa Húnavatnshrepps
og fjárlaganefndar Alþingis sem
hittust á dögunum. Þessi mál eru
ofarlega á baugi í hreppnum um
þessar mundir.
Þegar að samgöngumálum kemur
gerir sveitarstjórn Húnavatnshrepps
þá kröfu til stjórnvalda og þingmanna
í fjárlaganefnd að brugðist verði við
og auknu fjármagni veitt til viðhalds
vega innan Húnavatnshrepps og á
næstu árum verði stóraukin áhersla
lögð á að leggja bundið slitlag
á þá. Einnig telur sveitarstjórn
nauðsynlegt að setja verulegt
fjármagn í viðhald og uppbyggingu
Kjalvegar enda sé ástand hans mjög
slæmt. Jafnframt leggur sveitarstjórn
mikla áherslu á að lagt verði bundið
slitlag á Þingeyrarveg en um hann sé
mikil umferð að sumri til, enda afar
fjölsóttur sögu- og ferðamannastaður
á Þingeyrum. Þá leggur sveitarstjórn
þunga áherslu á að staðið verði við
þau fyrirheit sem gefin hafa verið um
uppbyggingu Svínvetningabrautar.
Komin að þolmörkum
Hvað heilbrigðismál varðar
þá leggur sveitarstjórn
Húnavatnshrepps mikla áherslu
á að þingmenn í fjárlaganefnd
standi vörð um heilbrigðisþjónustu
í Austur-Húnavatnssýslu og að
grunnþjónusta verði tryggð. Fram
kemur í gögnum sveitarstjórnar
að Heilbrigðisstofnunin á
Blönduósi hafi búið við mikinn
samdrátt síðastliðin ár. Starfsemi
stofnunarinnar sé komin að
þolmörkum og ef um frekari
samdrátt verði að ræða muni það
bitna verulega á þjónustu við íbúana.
Áhersla er lögð á að staðinn verði
vörður um heilbrigðisþjónustuna
í héraðinu og að sú breyting
sem gerð var með stofnun
Heilbrigðisstofnunar Norðurlands
leiði ekki til skertrar þjónustu fyrir
íbúana né frekari fækkunar starfa.
Störfum á svæðinu verði fjölgað
„Traust og fjölbreytt atvinnulíf í
þéttbýli og dreifbýli er grunnurinn
að því að stöðva megi viðvarandi
fólksfækkun á Norðurlandi vestra,“
segir í bókun sveitarstjórnar vegna
fundarins og áréttað að ungt vel
menntað fólk þurfi að eiga þess kost
að fá störf við sitt hæfi í heimahéraði.
„Gera verður þá kröfu til
ríkisvaldsins að störfum á vegum
ríkisins verði fjölgað á svæðinu,
þá er löngu orðið tímabært að í
Austur Húnavatnsýslu verði byggð
upp starfsemi sem nýtir orku
Blönduvirkjunar,“ segir í bókun
sveitarstjórnar og jafnframt að
tryggt verði að viljayfirlýsingu sem
samþykkt var á Alþingi í október
2013 og varðar atvinnuuppbyggingu
í Austur-Húnavatnssýslu verði
framfylgt. /MÞÞ