Bændablaðið - 17.11.2016, Side 34

34 Bændablaðið | Fimmtudagur 17. nóvember 2016
Gamli traktorinn að
þessu sinni er ekki eins
gamall og oft áður. Um
er að ræða indverska
dráttarvél sem sett var á
markað á áttunda áratug
síðustu aldar. Í dag eru
Mahindra-dráttarvélar
mest seldu traktorar í
heimi.
Á r i ð 1 9 6 3
stofnaði bandaríski
v é l a f r a m l e i ð a n d i n n
International Harvester
dótturfélag á Indlandi í
samvinnu við indverska
dráttarvélaframleiðandann
Mahindra og Mahindra.
Fyrirtækið fékk heitið
International Tractor Compant
og hafði að markmiði að
framleiða dráttarvélar IH
fyrir Indlandsmarkað. Fyrstu
traktorarnir sem framleiddir voru
af ITC komu á markað 1965 og
voru 35 hestöfl og af týpum sem
kölluðust 225 Range og B275
Regular.
Árið 1977 fluttist
rekstur ITC nánast
alfarið yfir á Mahindra
og Mahindra. Fimm
árum seinna komu fyrstu
Mahindra-traktorarnir
á markað, týpa B-275.
Vinsældir þeirrar
dráttarvélar voru miklar og
fjórum árum seinna kom
sú hundraðþúsundasta af
færibandinu.
H ö f u ð s t ö ð v a r
Mahindra í dag eru Mumbai og
framleiðir fyrirtækið ríflega 150
þúsund dráttarvélar á ári sem eru
seldar um víða veröld.
Fyrirtækið hefur verið
leiðandi á dráttarvélamarkaði
heimsins frá 1988 og þróunin
hjá fyrirtækinu hröð. Það ár setti
það á markað fyrstu sparneytnu
dísildráttarvélina.
Frá 1990 hefur fyrirtækið
sent frá sér fjöldann allan af
mismunandi týpum, stórum
og smáum, frá 25 og upp í 150
hestöfl.
Mest seldu dráttarvélarnar
í Kína
Mahindra og Mahindra er með
starfsstöðvar í tíu löndum
og í öllum heimsálfum að
Suðurheimsskautinu undanskildu.
Stærsti markaðurinn
fyrir Mahindra-traktorana
er í Kína og Indlandi
þar sem uppbygging í
landbúnaði er mikil og
í Norður-Ameríku þar
sem traktorarnir þykja á
góðu verði. Auk þess sem
markaðurinn í Ástralíu er
ört vaxandi.
Til að styrkja stöðu sína
í Norður-Ameríku rekur M&M
verk smiðjur í fjórum ríkjum, Kali-
forníu, Tennessee, Pennsylvaníu
og Kansas. Höfuðstöðvar M&M
Ameríkudeildarinnar eru í Texas
og þaðan er markaðsstarfi fyrir
Suður-Ameríku stjórnað.
Markaðssetning í Ástralíu er
með svipuðum hætti því M&M
hefur rekið dráttarvélaverksmiðju
í álfunni frá 2005. Dótturfyrirtækið
í Ástralíu hefur umsjón með
markaðssetningu á Nýja-
Sjálandi og í Eyjaálfunni.
M&M selur einnig
traktora frá suður-
kóreska dráttarvéla-
framleiðandanum Tong
Yang Moolsan.
Smátraktorinn Yuvraj
Árið 2011 hóf M&M
framleiðslu á 15 hestafla
smátraktor undir heitinu
Yuvraj. Sala á þeim hefur frá
upphafi verið langt umfram
væntingar og í dag eru um 40
þúsund framleiddir á ári.
Mahindra-traktorar hafa verið
rauðir að lit frá upphafi, unnið til
fjölda alþjóðlegra viðurkenninga
fyrir gæði og frá 2010 hafa þær
verið söluhæstu dráttarvélar í
heimi. /VH
Mahindra – metsölu-
traktor frá Indlandi
Utan úr heimi
Frá 1960 hefur landbúnaðar-
framleiðsla í Afríku fjórfaldast.
Samt er þessi heimsálfa langt
frá því að ná þeim árangri í
landbúnaðarmálum sem náðst
hefur í Suður-Ameríku og í Asíu
að því er fram kemur í úttekt
The Economist frá 15. október
síðastliðinn.
Stærsti hluti aukinnar
framleiðslu á landbúnaðarvörum
í Afríku skýrist af því að meira
land hefur verið tekið undir þessa
grein fremur en að aukin framleiðni
hafi náðst á því landi sem áður var
notað. Um leið hafa fátækir bændur
hægt og rólega verið að ganga á
næringargildi jarðvegs. Nær allt
ræktarland í Afríku er notað án
nægilegrar áveitu. Vaxandi öfgar
í veðurfari hefur neytt íbúa til að
glíma við mikla þurrka, flóð og
hitabylgjur. Það er ekki að hjálpa
til í heimsálfu þar sem gert er ráð
fyrir tvöföldun á fólksfjölda fram
til 2050.
Afríka einungis með 4% af
gróðurhúsalofttegundum
Hitastigið í álfunni er þegar um
1°C heitara að meðaltali en það
var fyrir iðnbyltinguna. Með enn
auknum hita mun ástandið bara
versna. Ef meðalhitinn hækkar um
2°C fram til 2050 eins og sumir
spá, gæti uppskera dregist saman
um helming. Athygli vekur að þessi
stóra heimsálfa er einungis talin
bera ábyrgð á 4% af árlegri losun
gróðurhúsalofttegunda á heimsvísu.
Hækkun hitastigs leiðir til
aukins kostnaðar
Kostnaðurinn vegna hækkandi
hitastigs er þegar talinn
nema um 1,5% af vergri
landsframleiðslu þjóða í Afríku
að mati framkvæmdastjórnar
Evrópusambandsins. Þar á bæ er
talið að aðlögun að enn hækkandi
hita muni kosta þjóðir Afríku um
3% af vergri landsframleiðslu á ári.
Áburðarnotkun í Afríku einungis
12,1% af meðaltali á heimsvísu
Væntanlega bar þetta á góma
á fundi Sameinuðu þjóðanna
um loftslagsmál sem haldinn
var í Afríkuríkinu Marokkó í
síðustu viku. Þetta ríki er stærsti
framleiðandi í heimi á fosfór sem
notaður er í áburð. Samkvæmt tölum
Matvæla- og landbúnaðarstofnunar
Sameinuðu þjóðanna (FAO) eru
notuð 124 kg af tilbúnum áburði
að meðaltali á hvern hektara
ræktarlands í heiminum á hverju ári.
Í Afríku, öflugustu framleiðsluálfu
fosfórs í heiminum, eru einungis
notuð 15 kg að meðaltali á hektara,
eða 12,1%.
Slæmar samgöngur stórhækka
áburðarverð
Bent er á að tilbúinn áburður
sé notaður í braski spilltra
embættismanna víða um álfuna og
því geti reynst erfitt fyrir bændur
að komast yfir slík gæði. Þá valdi
slæmt vegakerfi því að það sé 50%
dýrara fyrir bændur í Tansaníu að
kaupa tilbúinn áburð en bændur í
þróaðri löndum. Kostnaðurinn er
svo um 80% hærri í Malí samkvæmt
upplýsingum frá Alþjóðlegu
áburðar þróunarmiðstöðinni
(International Fertiliser Develop-
ment Centre – IFDC). Þessi stofnun,
sem sett var á laggirnar í Alabama
í Bandaríkjunum árið 1976, er nú
með starfsstöðvar í yfir 20 löndum.
Áburðargjöf gæti minnkað
skógareyðingu
Aukin áburðargjöf á ræktarland
í Afríku er ekki eingöngu talin
geta gefið aukna uppskeru fyrir
íbúana, heldur geti líka stuðlað
að bindingu kolefnis. Skýringin
er fólgin í því að minna þurfi að
ryðja af skóglendi til ræktunar ef
hægt er að gera landið sem fyrir
er gjöfulla. Með því að draga
úr skógareyðingu í Afríku um
einungis 10% á ári samsvarar það
gróðurhúsalosun Brasilíumanna
í heilt ár, að sögn Mostafa
Teeab, forstjóra OCP Group
sem er risastór fosfórverksmiðja
í Marokkó. Bendir hann á að
vegna lítillar áburðarnotkunar
bindi ofnýttur jarðvegur í Afríku
einungis 175 gígatonn af kolefni
á ári (175.000.000.000 tonn) í
stað 1.500 gígatonna að meðaltali
á heimsvísu (1.500.000.000.000
tonn). /HKr.
Stórlega gengið á landgæði í Afríku
– Lítil áburðarnotkun og léleg uppskera leiðir til aukinnar skógareyðingar
Ef meðalhitinn hækkar Í Afríku um 2°C fram til 2050, eins og sumir spá, gæti
uppskera dregist saman um helming.
einungis notuð 15 kg að meðaltali á hektara ræktarlands innan álfunnar, eða
12,1% af meðaltalsnotkuninni í heiminum.