Bændablaðið - 23.08.2018, Side 4

Bændablaðið | Fimmtudagur 23. ágúst 20184
FRÉTTIR
Verð á svínakjöti hefur hækkað en bændur fá minna í sinn hlut:
Milliliðir greinilega
að taka meira til sín
– segir Ingvi Stefánsson, formaður Félags svínabænda
Verð á svínakjöti til neytenda
hefur hækkað umtalsvert
undanfarin fimm ár. Á sama tíma
hefur verð sem bændur fá fyrir
afurðir sínar lækkað um 11%.
„Milliliðirnir hafa greinilega
verið að taka meira til sín,“ segir
Ingvi Stefánsson, svínabóndi
á Teigi í Eyjafjarðarsveit og
formaður Félags svínabænda.
„Þessi þróun hefur átt sér stað
á sama tíma og innflutningur á
svínakjöti hefur margfaldast að
magni.“
Samhliða auknum innflutningi
segir Ingvi svínabændur skynja
sterkt hvað neytendur eru ósáttir
við hvað upprunamerkingum kjöts
sem það kaupir í verslunum er
ábótavant.
„Í mínum huga liggja okkar
stærstu sóknarfæri í því að koma á
regluverki sem tryggir að neytendur
viti alltaf um uppruna þess kjöts
sem það kaupir. Neytendur eru oft
í góðri trú að grípa með sér bakka
af kjöti sem lítur út fyrir að eiga
uppruna sinn hér á landi en á daginn
kemur að langur vegur er því frá,“
segir hann.
Lakari kröfur um aðbúnað ytra
Ingvi segir að samkeppni íslenskra
svínabænda við innflutt kjöt sé
enn að aukast með gildistöku nýs
tollasamnings við Evrópusambandið
og einnig hafi hertar kröfur verið
teknar upp hér á landi um aðbúnað
svína. Þær kröfur kalli á betri
aðbúnað svína hér á landi, heilnæmi
afurða og notkun sýklalyfja sé mun
strangari hér en í þeim löndum þar
sem kjötið er flutt inn frá.
„Við erum sátt við auknar kröfur
og finnst jákvætt að þær séu gerðar,
það eru einnig okkar hagsmunir að
aðbúnaður sé eins og best verður á
kosið og lyfjanotkun haldið í algjöru
lágmarki. Óneitanlega þykir okkur
samt ósanngjarnt að innflutningur sé
aukinn á sama tíma frá löndum þar
sem mun lakari kröfur eru gerðar um
aðbúnað svína,“ segir hann.
Tvískinnungur hjá stjórnvöldum
Ingvi segir tvískinnung í gangi
hjá stjórnvöldum þegar að þessum
málum komi, auknar kröfur séu
gerðar til innlendra svínabænda á
sama tíma og erlent kjöt flæði yfir
markaðinn frá löndum sem ekki
uppfylli þær kröfur sem gerðar séu
til innlendu bændanna.
„Samkeppnin verður svo skökk
okkur í óhag,“ segir hann.
Aðbúnaðarreglugerðin sem
tók gildi 2015 hefur í för með sér
að svínabændur þurfi að leggja
út í kostnaðarsamar breytingar á
búum sínum. Ingvi metur stöðuna
á þann veg að innan fárra ára
muni svínabændum enn hafa
fækkað og verði harla fáir eftir
um hituna. Nú þegar séu innan
við 10 framleiðendur innan Félags
svínabænda og nokkrir að auki utan
félags með lítinn rekstur.
Ingvi segir svínabændur hafa
áhyggjur af MRSA bakteríu sem
finna megi í öllum hinum vestræna
heimi og hafi nýverið stungið
sér niður í Noregi sem hafi verið
laus undan henni til þessa. Þar var
brugðið á það ráð að skera niður
stofninn á þeim búum sem hún kom
upp á.
„Við höfum spurst fyrir um
hvernig bregðast eigi við hér á landi
komi bakterían upp. Svör höfum
við ekki fengið þar um, það er allt
í lausu lofti.“ /MÞÞ
Einn af fyrstu haustboðunum
er að sjá nemendur ganga til
náms í morgunsárið með tösku
á baki. Landbúnaðarháskóli
Íslands (LbhÍ) er þar engin
undantekning en skólasetningar
fara fram þessa dagana. Þann 20.
ágúst var haldinn nýnemadagur
á Hvanneyri og verður skólinn að
Reykjum settur þann 27. ágúst.
Í vetur verða 456 nemendur
í námi við skólann. Þar af eru
65% konur og 35% karlar. Um
60 nemendur eru í búfræði og
komast færri að en vilja eins
og Bændablaðið fjallaði um
í síðasta blaði. Þá eru um 75
nemendur á garðyrkjubrautum á
Reykjum og um 190 nemendur
á háskólabrautum. Um 120
nemendur eru á starfs- og
endurmenntunarbrautum skólans.
Þar að auki sækja nokkrir hópar
námskeiðsröðina Reiðmanninn
víða um land.
Nýnemadagurinn var vel
lukkaður. Þar voru mættir nemendur
í búfræðideild og nemendur sem eru
að hefja BS og MS nám. Farið var
yfir ýmis praktísk mál og ávarpaði
rektor nýnemahópinn. Þá voru
kennarar og starfsfólk kynnt til leiks
áður en hópnum var skipt upp og
Hvanneyri skoðuð í krók og kima.
Skólastarfið hefst svo af fullum
krafti á næstu dögum. /BR
Skólastarf að hefjast að nýju:
249 nemendur að
hefja nám við LbhÍ
Verðskrá Sláturfélags Suðurlands
(SS) fyrir nautgripakjöt tók
nýverið breytingum. Helstu
breytingar eru að þyngdar við-
miðið á ungnautum – fyrir þann
greiðsluflokk sem mest er greitt
fyrir – hefur verið lækkað úr 280
kílóum niður í 260 kíló. Þannig er
borgað hæsta verð fyrir alla þá
gripi sem vega meira en 260 kíló.
Samkvæmt heimildum af vef
Landssambandi kúabænda (LK)
lækkar verð að sama skapi fyrir
gripi undir 200 kílóum. Þá hækkar
verð fyrir kýr um tvö prósent, en
fyrir ungar kýr lækkar það um tvö
prósent.
Brugðist við nýju kjötmati
Benedikt Benediktsson, fram-
leiðslustjóri hjá SS, segir að gerðar
hafi verið nokkrar breytingar frá
því að EUROP-matið tók gildi
snemma árs. Þær snúist bæði um
það sem reynslan sýni um flokkun
svo og samkeppni á markaði.
Á vef LK (http://naut.is/
gu-upplys ingar /verdskra-
nautgripakjots/) má bera saman
verð fyrir nautgripi eftir flokkum
hjá sláturleyfishöfum, en
verðskrár eru þar jafnan uppfærðar
jafnóðum og breytingar verða.
/smh
SS breytir verðskrá fyrir nautgripi:
Lækka þyngdarviðmið
fyrir hæstu greiðslurnar
249 nýnemar hefja nám við LbhÍ í haust. Námsárin eru dýrmætur tími sem
skapar oft vinabönd um ókomna tíð.
Mynd / MÞÞ
Eins og sjá má á línuriti frá Hagstofunni hefur verð sem svínabændur fá fyrir
svínabænda. Mynd / HKr.
fyrir alla þá gripi sem vega meira en 260 kíló.