Bændablaðið - 14.02.2019, Qupperneq 34

Bændablaðið | Fimmtudagur 14. febrúar 201934
UTAN ÚR HEIMIFURÐUVÉLAR&FARARTÆKI
Liebherr LR 13000 er sagður
vera stærsti og öflugasti
beltakrani í heimi. Hann
mun upphaflega hafa verið
hannaður til að vinna við smíði
á kjarnorkuveri, en þykir líka
vel brúklegur á höfnum þegar
mikið liggur við.
Eigin þyngd kranans er 750
tonn og getur hann lyft 3.000 tonna
þunga allt að 12 metra út frá miðju
kranans, samkvæmt upplýsingum
á heimasíðu Liebherr. Mesti
mögulegi lyftiradíus er hins vegar
200 metrar. Aðalbóma kranans
nær upp í 144 metra og aðalmótor
er 1.000 kílówött.
Hægt er að nota kranann til
ýmissa verka og til „léttvægari“
verkefna og þá án svonefndrar
Derrick ballestar.
Vafasamt er að svona ferlíki
sjáist nokkurn tíma á Íslandi,
enda þyrfti þá að undirbyggja
hafnir eða möguleg vinnusvæði
sérstaklega til að þola þennan
mikla þunga. Þótti mönnum
t.d. nóg um að flytja Caterpillar
D10T jarðýtur að malarnámum
við Ingólfsfjall og í Vatnsskarði
á sínum tíma, en þær vógu um
100 tonn fyrir utan ýtutönnina.
Voru menn alls ekki vissir um
að vegakerfið þyldi þann þunga.
Þetta voru þá stærstu jarðýtur sem
framleiddar voru af Caterpillar og
með 600 hestafla mótor (Flywheel
Power). Nú er reyndar til stærri
jarðýta frá þessum framleiðanda
sem heitir Caterpillar D11T og er
með 850 hestafla mótor. /HKr.
Liebherr LR 13000 að störfum. Þessi krani er kallaður Mammúturinn.
Risinn í beltakranabransanum – Liebherr LR 13000:
Með þrjú þúsund
tonna lyftigetu
Liebherr LR 13000 fer létt með að lyfta þrem minni Liebherr beltakrönum
í einu.
Vetrarhiti í Japan:
Meðalhiti í janúar hefur
lækkað á síðustu 33 árum
– Svipaður meðalhiti sagður nú og fyrir 100 árum
Meðalhiti janúar-
mánaðar í Japan
hefur verið að lækka
undanfarin 33 ár
samkvæmt tölum
veðurstofu Japans
(Japan Meteor-
ological Agency
-JMA). Þetta hefur
gerst þrátt fyrir að
koltví sýrings magn
(CO2) í andrúms-
loftinu sé sagt vera
að aukast.
Samkvæmt tölum
JMA hefur janúar-
loftslag í Kyoto í
Japan verið að kólna
frá árinu 1985 til 2019 þrátt fyrir
að koltvísýringur í andrúmsloftinu
hafi aukist úr 350 pörtum úr milljón
(ppm) í 410 ppm á sama tímabili
eða um 0,006%. Breytingarnar á
hitastiginu eru þó óverulegar.
Hitastigið í janúar hefur verið æði
sveiflukennt á þessu tímabili og er
nú það sama og var fyrir 100 árum.
Janúarhitinn var t.d. talsvert hærri í
janúar 2019 en hann var 2018, en á
þessu 33 ára tímabili var meðalhitinn
lægstur veturinn 1986 og 2011, eða
2,8°C. Veturinn 2016 fór hann upp
í 5,17°C, en niður í 3,9°C í janúar
2018 og var nú 5,1°C.
Þegar litið er á meðaltal
vetrarmánaðanna frá desember til
febrúar frá 1985 til 2018 er svipaða
sögu að segja. Meðaltalshitinn hefur
nánast alveg staðið í stað en þó
örlítið lækkað ef eitthvað er.
Ársmeðaltal sýnir svipaða þróun
á ólíkum veðurstöðvum eins og
Suttsu-veðurstöðinni á Hokkaido í
norðri og á Naze-stöðinni í Suður-
Japan.
Þetta skýtur vissulega skökku við
loftslagsumræðuna á heimsvísu um
stöðuga hlýnun. Ekki kemur þó fram
hvort það sé eðlilegt að lofthitaáhrif
á eyjar eins og í Japan séu að skila
annarri niðurstöðu en meðaltalið
á heimsvísu virðist vera að gera,
samkvæmt fréttum í áhrifamestu
fjölmiðlum heims. /HKr.