Slökkviliðsmaðurinn - 01.08.1974, Blaðsíða 16

Slökkvilið
Miðneshrepps,
Sandgerði
Jón Norðfjörð,
slökkviliðsstjóri
Miðneshrepps.
«
í Sandgerði hefur verið skráð slökkvilið frá því
í apríl árið 1954 og á því slökkviliðið þar 20 ára
afmæli á þessu ári. Okkur þótti því tilhlýðilegt,
að senda blaðamann á fund núverandi slökkvi-
liðsstjóra í Sandgerði, Jóns Norðfjörð, sem hefur
gegnt því starfi síðan 15. sept. 1970.
— Við byrjum á því að spyrja Jón um gang
slökkviliðsmála i Sandgerði frá þvi að slökkvi-
liðið var fyrst stofnað og fram að því að hann
tekur við sem slökkviliðsstjóri:
— Ég vil byrja á því að taka það fram, að þær
upplýsingar sem ég styðst við eru aðallega af
gömlum skjölum slökkviliðsins.
Aðalhvatamaður að stofnun slökkviliðs í Sand-
gerði var Erlendur Halldórsson þáverandi eld-
varnareftirlitsmaður ríkisins og sá hann um, að
keypt yrðu nauðsynleg tæki til slökkvistarfa.
Tækjabúnaður sá sem slökkviliðið þá eignaðist,
hefur sjálfsagt á þeirra tíma mælikvarða þótt all-
fullkominn, en aðaluppistaðan var 2.500 m/L. C.
Climax benzínknúin dæla á vagni, 300 m. af 2“
slöngum ásamt stútum, greinistykkjum og fl.
nauðsynlegu s. s. ýmiss konar handverkfærum,
reykgrímum (súrgrímum) hlífðarfötum o. fl. Nú,
þessi tækjabúnaður var látinn duga slökkviliðinu
fram til ársins 1970, að undanskilinni nokkurri
endurnýjun á slöngum o. fl. árið 1963. Á árunum
1954—1965 var mikill áhugi hér fyrir slökkviliðinu
og var hugsað vel um þann tækjabúnað sem til
var og mikið æft. Á þessu tímabili voru slökkvi-
stjórar þeir Þorgils Georgsson 1954—1958, Björg-
vin Þorkelsson 1958—1962 og Heiðmundur Ottósson
1962—1965, en Heiðmundur lést árið 1965 og var
mikil eftirsjá af þeim dugnaðarmanni. Á árunum
1965—1970 virðist sem nokkuð los hafi verið á
starfsemi slökkviliðsins og var ástandið ekki nógu
gott þegar ég tók við sem slökkviliðsstjóri og áhugi
manna fyrir því fremur lítill.
— Var mikið um eldsvoða á þessu tímabili, þ. e.
frá 1954—1970:
— Nei, ekki er hægt að segja að það hafi verið
mikið um eldsvoða, en þó eru nokkrir eldsvoðar
sem fólki eru eftirminnilegir, s. s. eldur í sam-
komuhúsinu 30. júli 1954, eldur í stöplahúsi Garðs
hf. 25. jan. 1956, eldur í íbúðarhúsi að Vallargötu 5
12. sept. 1960 og eldur í olíu við benzínsölustöð
B.P. 17. jan. 1969 o. fl. Eftir þeim upplýsingum sem
ég hef, þá kom það alltaf í góðar þarfir að hafa
hér slökkvilið þó svo að góð samvinna við slökkvi-
liðin i Keflavík og á Keflavíkurflugvelli hafi oft
komið sér vel.
— Jón, þú tekur svo við slökkviliðsstjórastarfinu
14 SLÖKKVILIÐSMAÐURINN