Fréttabréf Öryrkjabandalags Íslands - 01.12.1989, Side 3
Arnþór Helgason:
Að loknum aðalfundi
Aðalfundur Öryrkjabandalags
íslands og aðdragandi hans
mörkuðu að nokkru þáttaskil í
starfsemi bandalagsins. Hinn 13.
október fjölmenntu fatlaðir, stuðn-
ingsmenn þeirra og aðstandendur á
Austurvöll og héldu útifund þar sem
bornar voru fram afdráttarlausar kröf-
ur um úrbætur í húsnæðismálum
fjölfatlaðs fólks og um kvöldið hófst
síðan sameiginlegur fundur Öryrkja-
bandalags Islands og Landssamtak-
anna Þroskahjálpar.
í ávörpum formanna beggja
samtakanna var gert upp það samstarf
sem nú hefur staðið um tveggja ára
skeið og framkvæmd hinnar “félags-
legu framkvæmdaáætlunar” sem sam-
þykkt var á landsfundum beggja sam-
takanna fyrir tveimur árum. Þá kom
fram að stjórn Öryrkjabandalags
Islands samþykkti á fundi sínum 3.
október síðastliðinn að bjóða Þroska-
hjálp aðild að bandalaginu með þeim
réttindum sem því fylgja. Forystu-
menn Þroskahjálpar gátu ekki fallist á
þetta tilboð og urðu því formenn og
varaformenn samtakanna sammála
um að leggja fyrir aðalfundi þeirra
tillögur um áframhaldandi samstarf. I
þeim er gert ráð fyrir að samtökin
skipti með sér kostnaði af sameigin-
legum verkefnum, samvinnunefnd
verði skipuð til tveggja ára, stofnaður
verði starfshópur til að leita sam-
eiginlegs lagagrundvallar fyrir hugs-
anlegum samruna samtakanna og
stofnaður verði náms- og ferðasjóður
sem samtökin fjármagni. Tillögum
þessum vísaði aðalfundur Öryrkja-
bandalags Islands til aðildarfélaga
þess.
Sameiginlegur fundur sam-
takanna beindi til aðalfunda þeirra
tillögum í húsnæðismálum sem eru
mjög stefnumótandi fyrir uppbygg-
ingu sambýla og íbúðarhúsnæðis fyrir
fatlaða á Islandi. Þar er gert ráð fyrir
ákveðnu lágmarksrými fyrir hvem
einstakling. Er það í fyrsta sinn sem
Öryrkjabandalag Islands markar slíka
heildarstefnu í húsnæðismálum
fatlaðra.
Þá voru samþykkt ný lög
fyrir Öryrkjabandalag íslands og eru
þau nýmæli helst að nú eru í lögunum
sérstök ákvæði um framkvæmdaráð
sem undirbýr mál fyrir stjómarfundi.
Þótt valdsvið ráðsins sé nokkuð þröngt
má gera ráð fyrir að það taki ríkan þátt
í að móta stefnu bandalagsins og stuðli
að betri undirbúningi málafyrir stjóm-
arfundi. Þannig ætti að skapast mark-
vissari umræða um þau mál sem stjóm
fær til umfjöllunar hverju sinni.
Þá voru þrengd skilyrði fyrir
inngöngu félaga í Öryrkjabandalag Is-
lands og þurfa viðkomandi samtök að
vera landssamtök til þess að hljóta
aðild að bandalaginu. Með þessum
nýju lögum er lokið fyrsta áfanga end-
urskoðunar laga bandalagsins. A
næsta ári verður að kanna til þrautar á
hvern hátt bandalagið getur orðið að
virkum landssamtökum með því að
auka áhrif landsbyggðarinnar á stjóm
þess. Ymsar leiðir hafa verið ræddar í
því sambandi, þar á meðal stofnun
landshlutasamtaka um málefni fatl-
aðra sem gætu átt beina eða óbeina
aðild að Öryrkjabandalaginu. Nauð-
synlegt er að skapa slík landshluta-
samtök til þess að fatlaðir einstakl-
ingar sem búa utan Reykjavfkur-
svæðisins geti átt einhvern umræðu-
vettvang fyrir málefni sín og hafi
þannig meiri áhrif á stefnumótun í
málefnum fatlaðra í hverju héraði. Þá
er brýnt fyrir Öryrkjabandalag Islands
að kanna á hvem hátt komið verði til
móts við hagsmuni ýmissa smáhópa
fatlaðra sem ekki geta myndað sérstök
samtök vegna smæðar sinnar.
Félagsmálráðherra hefur að
undanfömu farið fram á að Öryrkja-
bandalagið og Þroskahjálp skipi full-
trúa í nokkrar nefndir sem fjalla um
mál tengd fötluðum. Má nefna starfs-
hóp um rekstrarkostnað stofnana,
nefnd um atvinnumál fatlaðra og
þriðju nefndinni er ætlað að endur-
skoðað lög um málefni fatlaðra. Því
má vænta nokkurra sviptinga um mál-
efni fatlaðra á næsta ári og er brýnt að
Öryrkjabandalagið sofni ekki á verð-
inum heldur gæti hagsmuna fatlaðra í
hvívetna. Með aðild bandalagsins að
áður töldum nefndum opnast leið til
þess að fjalla á ítarlegan hátt um tillög-
ur nefndanna þegar á frumstigi þeirra.
Ætti þetta að tryggja markvissari
stefnumótun og hagsmunagæslu sam-
takanna.__________________________
Sjá næstu síðu
FRÉTTABRÉF ÖRYRKJABANDALAGSINS
3