Fréttabréf Öryrkjabandalags Íslands - 01.12.1989, Síða 20

Nú bíður mín eilífðarströndin,
því þar eru heimkynni mín.
Því sit ég í sól og sumri
og stafla þar Ijóðin mín.
Með Helga Gunnarssy ni er horfinn
enn einn kynlegur kvistur, sem auðgað
hefur íslenskt mannlíf og menningu.
Helgi naut þess seinni hluta ævi sinnar
að vera á meðal fólks sem lét hann
njóta sín.
Arið 1983 stóðu yfir miklar
framkvæmdir að Hamrahlíð 17. Helgi
var eitt sinn á leið fram í eldhús sitt og
studdist við veggina eins og vani hans
var, enda var sjón hans nær horfin og
kraftarnir teknir mjög að þverra. Með-
al annars drap hann hendi á hurð að
nýrri skrifstofu Blindrafélagsins.
Hurðin lét undan, Helgi féll inn á
skrifstofuna og mjaðmarbrotnaði.
Hann var þegar fluttur á sjúkrahús og
dvaldist þar síðan.
Grein þessari er ætlað að bregða
ljósi á þennan sérstæða einstakling,
sem fórekki að öllu alfaraleiðir. Dæmi
Helga Gunnarssonar er okkur holl
áminning, um að lofa einstaklingnum
að njóta sérstöðu sinnar í stað þess að
verða flatneskju fjölrnennis að bráð.
Það var í fullu samræmi við létt-
lyndi Helga, að hans var minnst í
veglegri erfidrykkju sem systkini hans
buðu til, með því að syngja upp-
áhaldslag hans „Öxar við ána“ og eitt
söngljóða hans:
Efég vœri átján ára sveinn,
hœ, hœ og hó
þá skyldi ég yrkja um þig
skvísuljóð,
hœ, hœ og hó.
Hjartað í mér er
eins og Hekluhraun.
Þú varst mesta flón
að vilja ekki mieg.
Efég vœri átján ára sveinn,
hœ, hœ og hó! A.H.
Anna Ingvarsdóttir framkvæmdastjóri:
Vinnustofa Öryrkja-
bandalagsins
Það var árið 1976 sem Öryrkja-
bandalagið hóf rekstur vinnustofu á 9.
hæð í Hátúni 1 Oa. Kom það til af því, að
rafeindafyrirtæki hér íbæ, hafði íeitt ár
verið með gjaldmælaframleiðslu í því
húsnæði og ráðið öryrkja í vinnu. Fyr-
irtækið varð svo gjaldþrota og
Öryrkjabandalagið yfirtók reksturinn.
Var í fyrstu einungis unnið að fram-
leiðslu alls konar rafeindatækja og
margir tæknimenntaðir menn í vinnu.
Smám saman breyttist reksturinn,
tæknimönnum fækkaði og öryrkjum
fjölgaði með breyttum verkefnum.
Verkefnin hjá Örtækni eru aðal-
lega hreinsun og viðgerðir á símtækj-
um og önnur tilfallandi verkefni fyrir-
Landssíma Islands og framleiðsla á
tölvuköplum fyrir ýmis fyrirtæki. For-
stöðumaður Örtækni er Einar Aðal-
steinsson tæknifræðingur.
A árinu 1981 var Öryrkjabanda-
laginu gefin saumastofa. Forstöðu-
maður saumastofu, Guðrún Ólafs-
dóttir er í eins árs barnsburðarleyfi og
í hennar stað var ráðin Hafdís
Valdimarsdóttir. Verkefni saumastofu
eru aðallega framleiðsla á alls konar
Anna Ingvarsdóttir.
sloppum, svuntum og öðrum vinnu-
fatnaði fyrir ýmis fyrirtæki og stofn-
anir, fermingarkyrtlum o.fl.
Á árinu 1988 unnu að einhverju
leyti 42 öryrkjar á vinnustofum
Öryrkjabandalagsins. Fólkið er ráðið
fyrir milligöngu Ráðningarstofu
öryrkja hjá Reykjavíkurborg.
Reynslutími er 7 mánuðir og
byrjunarlaun 80% af lægsta Iðjutaxta,
sem er 230.95 á tímann. Fastráðnir
starfsmenn fáfull laun, en margirhafa
unnið á vinnustofunum árum saman.
Nú eru 34 öryrkjar á vinnustofunum,
22 hjá Örtækni og 12 á saumastofunni.
Eru þeir flestir í hálfu starfi.
Fjármál vinnustofanna eru og hafa
alltaf verið erfið. Lög kveða svo á að
tap af rekstri skuli greitt. Á fjárlögum
hvers árs er ætlað rekstrarfé sem er
alltaf miklu minna en farið er fram á.
Mismunurinn hefur þó verið greiddur
eftir á. Þetta veldur svo auknum
rekstrarhalla vegna meiri fjármagns-
kostnaðar. Tap á rekstri árið 1988 var
kr. 4.749.300. Greiðsla frá ríkissjóði
var kr. 3.360.000 og mismunurinn því
kr. 1.389.300, sem hefur ekki fengist
greiddur, hvað svo sem verður.
Rétt er að taka fram að frá því þetta
var flutt á aðalfundi Ö.B.Í. hafa komið
fram fjáraukalög á Alþingi. Þar er gert
ráð fyrir verulegu framlagi upp í það
tap, sem hér er greint frá.
Er vonandi að fjáraukalögin öðlist
gildi fyrir áramót, svo þessi vandi
verði að miklu úr sögunni.
Anna Ingvarsdótir.
20
FRÉTTABRÉF ÖRYRKJABANDALAGSINS