Bændablaðið - 20.02.2020, Síða 6

Bændablaðið | Fimmtudagur 20. febrúar 20206
Þessa dagana stendur yfir grasrótarspjall
Bændasamtakanna í samstarfi við
búnaðarsambönd víðs vegar um landið. Að
baki eru fundir á Vesturlandi, í Eyjafirði
og í Suður-Þingeyjarsýslu þar sem bændur
hafa komið saman til skrafs og ráðagerða.
Markmiðið er fyrst og fremst að setjast
niður saman í litlum hópum og ræða hvað
eina sem tengist landbúnaði og það sem
brennur á fólki.
Þetta hafa verið vel sóttir viðburðir og
góðar samræður sem hafa skapast. Það er afar
ánægjulegt að fá tækifæri til að hitta bændur
og ræða málin. Mig langar að nota tækifærið
og þakka þeim sem hafa gefið sér tíma og um
leið að hvetja þá sem hafa áhuga á að vera með
svona grasrótarspjall að vera í sambandi við
okkur hjá BÍ. Þegar blaðið kemur út er líklega
búið að halda 10 spjallfundi í samstarfi við
þrjú búnaðarsambönd og fleiri eru í farvatn­
inu. Stefnt er að því að bjóða upp á fundi sem
víðast um landið þótt það náist ekki allt fyrir
Búnaðarþing sem verður sett 2. mars.
Félagskerfið er mönnum ofarlega í huga
eins og gefur að skilja en tillaga um verulega
breytingu á því liggur fyrir þinginu. Gera má
ráð fyrir miklum umræðum um hvaða skref
bændur vilji taka með það fyrir augum að efla
hagsmunagæsluna. Umhverfismálin eru að
sjálfsögðu rædd sem er eitt af stóru málunum
og gríðarlega mikilvægt fyrir landbúnaðinn að
taka metnaðarfullar ákvarðanir til framtíðar
litið. Landbúnaðarstefna er líka rædd en það
eru flestir sammála um mikilvægi þess að fara
í heildstæða stefnumótun greinarinnar.
Umhverfisstefna landbúnaðarins
Tillaga umhverfisnefndar um umhverfisstefnu
landbúnaðarins liggur fyrir þinginu en hún er
hugsuð sem leiðarljós fyrir bændur, búgreinar
og landbúnaðinn í heild í umhverfismálum.
Þar setur landbúnaðurinn sér metnaðarfull
markmið um sjálfbæra nýtingu lands og
annarra auðlinda. En einnig að bændur verði
leiðandi í umræðunni um umhverfismál og
hvernig landbúnaðurinn geti tekist á við
loftslagsvána á sínum vettvangi. Lengi hefur
verið rætt um mikilvægi þess að draga úr
losun gróðurhúsalofttegunda, bæta nýtingu
og auka kolefnisbindingu. Búgreinarnar eru
margar búnar að láta vinna skýrslur um stöðu
greinarinnar og reiknivélar eru í mörgum
tilfellum til. Nú erum við komin að þeim
tímamótum að vilja og þurfa að láta verkin
tala því það er ekki eftir neinu að bíða.
Stefnumótun er nauðsyn
Stefnumótun í landbúnaði er nauðsynleg til
framtíðar litið. Hana þarf að vinna í nánu
samstarfi við stjórnvöld og með aðkomu
hagaðila til að fá sem breiðasta sýn. Við
þurfum líka að ná um hana sem mestri sátt.
Endurskoðunarnefnd búvörusamninga fékk
KPMG til að vinna sviðsmyndagreiningu í
landbúnaði til að greina stöðu landbúnaðarins.
Í framhaldi af þeirri vinnu lögðu þeir til
aðgerðir í ljósi sviðsmynda en þar kemur
skýrt fram mikilvægi þess að farið verði í
stefnumörkunarvinnu. Það þarf að skilgreina
nánar hlutverk landbúnaðarins í þjóðfélaginu
og jafnframt hvaða leiðir verði farnar til
að sinna því hlutverki. Einnig er fjallað
um mikilvægi menntunar fyrir bændur
framtíðarinnar og að landbúnaðarnám verði
eflt sem og nýsköpun og vöruþróun í takti við
breytta tíma. Þessi vinna leggur góðan grunn
að stefnumótuninni.
Einföldun félagskerfis bænda
Tillaga félagskerfisnefndar til Búnaðarþings
leggur til miklar breytingar á félagskerfinu.
Þar er félagskerfisuppbygging Dana höfð til
fyrirmyndar. Nefndin hefur kynnt hugmyndir
sínar fyrir stjórnum aðildarfélaga og
félagsmönnum hjá þeim aðildarfélögum sem
þess óskuðu. Þetta er skiljanlega talsvert að
setja sig inn í og við viljum endilega hvetja þá
sem vilja frekari upplýsingar að hafa samband
við nefndina. Einnig er fjallað um málið í
hlaðvarpi sem áhugamenn um landbúnað í
Eyjafirði halda úti en þar fer Baldur Helgi
Benjamínsson yfir tillögu nefndarinnar. Við
stöndum á tímamótum þar sem við þurfum
að taka ákvarðanir um hvernig við ætlum að
byggja samtök bænda upp til frambúðar. Ekki
að það verði ákveðið í eitt skipti fyrir öll heldur
tekin skref. Það er síðan eðlilegt að við vegum
og metum hvernig til hefur tekist og breytum
svo því sem betur má fara.
Bændablaðið kemur út 24 sinnum á ári. Því er dreift ókeypis á yfir 400 stöðum
á landinu og á öll lögbýli landsins.
Lesendur geta einnig gerst áskrifendur að blaðinu og fengið það sent heim í pósti
gegn greiðslu. Árgangurinn kostar þá kr. 10.900 með vsk. (innheimt í tvennu lagi).
Ársáskrift fyrir eldri borgara og öryrkja kostar 5.450 með vsk.
Heimilisfang: Bændablaðið, Bændahöll við Hagatorg, 107 Reykjavík.
Sími: 563 0300 – Fax: 562 3058 – Kt: 631294–2279
Bændablaðið er í eigu Bændasamtaka Íslands. − Málgagn bænda og landsbyggðar −
SKOÐUN
Blekkingar, lygar og sú árátta að fara
á snið við lög, reglur og niðurstöður
dómstóla virðist vera orðin sérstök
íþróttagrein í íslenskri pólitík. Íþrótta-
grein sem allt venjulegt hugsandi fólk
hefur megnustu óbeit á.
Er einhver von til þess að þeir sem fara
með forræði við stjórn landsins hverju
sinni, stjórn stofnana ríkisins og stjórn
fyrirtækja í almannaeigu sem hafa orðið
uppvís að því brjóta settar reglur, fari að
haga sér af auðmýkt sem þjónar fólksins í
stað þess að líta á fólkið sem óvini?
Er einhver von til þess að þetta sama
fólk hætti að fara á snið við lög sem það
hefur jafnvel samið sjálft, reglur sem settar
eru þegnum landsins til að fara eftir og
niðurstöðu dómstóla í ágreiningsmálum?
Ef svarið er nei, þá hlýtur að vera kominn
tími til að þjóðin íhugi það alvarlega að
efna til allsherjar hreingerningar. Skella
öllum skítugu tuskunum í þvottavélina
ásamt sterkasta þvottaefni sem til er og
setja á suðu.
Þessi ljóta árátta að ganga eins nærri
þegnunum og mögulegt er og reyna eins
mikið á þolrif almennings og frekast er
unnt, er með öllu óþolandi. Samt horfum
við upp á þetta í hverju málinu á fætur
öðru.
Hér er skriðið fyrir erlendu reglugerðar­
valdi og innleiddar reglur eins og t.d.
varðandi innflutning á hráu kjöti, en
þegnunum neitað um upplýsingar til að
fylgjast með framkvæmdinni.
Hér eru innleiddar reglur sem hafa það
í för með sér að opinber fyrirtæki geta selt
syndaaflausnir vegna hreinnar raforku úr
landi til þess eins að græða á því að blekkja
neytendur í erlendum ríkjum.
Hér fer sú stofnun sem á að tryggja
eldri borgurum og öryrkjum lágmarks
framfærslu á svig við lög og reglur.
Stofnunin fær á sig dóm, en leyfir sér
samt í skjóli stjórnvalda að halda áfram að
brjóta á þessum verst settu skjólstæðingum
íslenska velferðarkerfisins.
Hér horfa alþingsmenn, margir hverjir,
fram hjá því að Tryggingastofnun sé með
regluverki gert að refsa öryrkjum og
öldruðum árum saman fyrir það eitt að
afla sér tekna eða eiga varasjóði sem það
hefur sannarlega unnið sér inn.
Hér gerir kerfið grímulausa atlögu að
lífeyrissjóðseignum óbreyttra borgara og
hefur stundað þar skefjalausa eignaupptöku
árum og áratugum saman í formi skerðinga
á réttindum borgaranna.
Hér eru eldri borgarar neyddir til að fara
í málsókn gegn ríkinu sem þeir hafa unnið
fyrir alla sína ævi, í tilraun til að verja þann
rétt sem þetta fólk hefur unnið sér inn af
miklu harðfylgi.
Hér voru lagðir á skattar í sér stök um
skilgreindum tilgangi til innviða upp­
byggingar sem ætlað er að verja mannslíf,
en peningarnir notaðir í eitthvað allt annað.
Hér eru lagðir á skattar sem hafa haft
þann tilgang að byggja upp samgöngukerfi
landsmanna, en peningarnir að stórum
hluta notaðir í allt annað árum og áratugum
saman.
Hér var farið út í stórkostlegar skipu­
lags breytingar á heilbrigðiskerfinu þrátt
fyrir viðvaranir um að þær myndu leiða
til fjársveltis í stórum hluta kerfisins.
Svo horfa menn á óskapnaðinn brenna
og skipa almenningi að henda endalaust
meiri peningum á bálið.
Hér höfum við allt til að tryggja
bestu lífskjör í veröldinni en hömumst
samt við (vonandi fyrir misskilning eða
hugsunarleysi) að gera þeim sem minnst
mega sín, eins erfitt fyrir í samskiptum
við kerfið og hugsast getur. – Þarf þetta
virkilega að vera svona? /HKr.
Grasrótarspjall í aðdraganda Búnaðarþings
Ritstjóri: Hörður Kristjánsson (ábm.) hk@bondi.is – Sími: 563 0339 − Rekstur og markaðsmál: Tjörvi Bjarnason tjorvi@bondi.is – Blaðamenn: Margrét Þ. Þórsdóttir mth@bondi.is – Sigurður Már Harðarson
smh@bondi.is – Vilmundur Hansen vilmundur@bondi.is – Auglýsingastjóri: Guðrún Hulda Pálsdóttir ghp@bondi.is – Sími: 563 0303 – Netfang auglýsinga: augl@bondi.is − Vefur blaðsins:
www.bbl.is − Netfang blaðsins: (fréttir og annað efni) er bbl@bondi.is
Frágangur fyrir prentun: Ágústa Kristín Bjarnadóttir – Prentun: Landsprent ehf. – Upplag: sjá forsíðu – Dreifing: Landsprent og Íslandspóstur. ISSN 1025-5621
ÍSLAND ER LAND ÞITT
Njarðvíkurskriður er sæbrött fjallshlíð milli Borgarfjarðar eystra og Njarðvíkur. Þar var löngum hættuleg leið, meðal annars vegna grjóthruns,
en þó fjölfarin. Bílvegur var fyrst ruddur um Njarðvíkurskriður árið 1950. Það orð hefur löngum legið á Njarðvíkurskriðum að þar hafi fyrr á tíð
orðið fjölmörg alvarleg slys, en ekki eru þó til margar staðfestar frásagnir um slys þar. Sagt var að óvættur sem Naddi hét byggi í skriðunum og
sæti þar um ferðamenn og gerði þeim mein. Naddi var sagður halda sig í Naddagili, djúpu gili fast norðan við skriðurnar. Átti hann einkum að
vera skeinuhættur þegar farið var um skriðurnar eftir að dimma tók. Mynd / Hörður Kristjánsson
Guðrún S. Tryggvadóttir
formaður Bændasamtaka Íslands
gst@bondi.is
Af hverju?