Bændablaðið - 20.02.2020, Page 11

Bændablaðið | Fimmtudagur 20. febrúar 2020 11
Heildarlosun gróðurhúsa­
lofttegunda frá Akureyrarbæ árið
2018 nam tæplega 156 þúsund
tonnum. Langstærstur hluti, eða
ríflega helmingur losunar, kemur
frá samgöngum. Þetta kemur
fram í skýrslu um losunarbókhald
Akureyrarbæjar fyrir árið 2018
vegna aðildar sveitarfélagsins
að átakinu Global Covenant of
Mayors (GCoM) og greint er frá
á vef bæjarins.
Akureyrarbær er í hópi um
10 þúsund sveitarfélaga frá 139
löndum sem vilja vera í forystu
í loftslagsmálum. Með átakinu
hafa sveitarfélögin lýst yfir vilja
til að bregðast ákveðið við lofts-
lagsbreytingum, draga úr losun,
birta tölulegar upplýsingar um
frammistöðu í loftslagsmálum
og setja markmið um enn betri
árangur. Auk Akureyrarbæjar
eiga tvö íslensk sveitarfélög aðild
að GCoM, Reykjavíkurborg og
Hveragerði. Akureyri hefur skuld-
bundið sig til að gera árlega grein
fyrir kolefnisspori sveitarfélagsins
og þarf að uppfylla ýmsar kröfur,
meðal annars um aðgerðaáætlun í
loftslagmálum, segir enn fremur á
vef bæjarins.
55% losunar vegna samgangna
Stefán Gíslason, sérfræðingur hjá
Umhverfisráðgjöf Íslands, kynnti
skýrslu fyrir árið 2018 á síðasta
fundi umhverfis- og mannvirkja-
ráðs Akureyrarbæjar. Skýrslan inni-
heldur fyrsta heildstæða losunar-
bókhald sveitarfélagsins, þar sem
gerð er grein fyrir losun gróður-
húsalofttegunda vegna allra athafna
á svæðinu. Losun gróðurhúsaloft-
tegunda frá Akureyri nam 155.856
tonnum. Þar af má rekja um 55% til
orkunotkunar í samgöngum og eru
vegasamgöngur langstærsti einstaki
liðurinn í losun svæðisins.
Mikið gert til að draga úr losun
Önnur atriði sem vega þungt í los-
unarbókhaldinu eru orkunotkun
í iðnaði, urðun úrgangs og land-
notkun. Ekki er hægt að segja til um
hvort losun hafi aukist eða minnkað
milli ára því þetta er fyrsta fullmót-
aða loftslagsbókhaldið. Í skýrslunni
er fjallað um leiðir til að draga úr
losun og er talið að stærstu tæki-
færin liggi í að draga úr losun frá
samgöngum.
„Þegar hefur mikið verið gert til
að draga úr þessari losun, svo sem
með því að gera metan aðgengilegt
sem eldsneyti á farartæki, setja upp
hleðslustöðvar fyrir rafbíla, bjóða
upp á gjaldfrjálsar almenningssam-
göngur á Akureyri og svo framveg-
is. Ástæða virðist til að gera sérs-
taka áætlun um enn frekari aðgerðir
á þessu sviði,“ segir í skýrslunni.
/MÞÞ
88
%In
niheldur 88%
v
at
n
Gulrótin er mikið fyrir augað. Hún
inniheldur mikið af beta-karótíni,
sannkallað undraefni sem meðal
annars viðheldur góðri sjón.
Öflugur sjónauki
islenskt.is
Akureyri:
Heildarlosun gróðurhúsalofttegunda tæplega 156 þúsund tonn
Flóahreppur er rauðlitaða svæðið
á myndinni.
Flóahreppur
segir nei við
Árborg
Sveitarstjórn Flóahrepps hefur
hafnað beiðni Sveitarfélagsins
Árborgar um ósk um tilfærslu
á sveitarfélagamörkum sveitar­
félaganna.
Í erindi frá Gísla Halldóri
Halldórssyni, bæjarstjóra í Árborg,
er farið þess á leit við sveitar-
stjórn Flóahrepps að eignarlönd
Árborgar austan við Selfoss falli
undir Sveitarfélagið Árborg og
skipulagsvald þess. Þarna er
m.a. um að ræða land úr jörðinni
Laugardælum. Samþykkt var með
öllum fimm atkvæðum sveitarstjórn-
ar Flóahrepps að segja nei við erindi
Árborgar. /MHH
Sundlaug Stokkseyrar:
Einn á vakt
Hverfaráð Stokkseyrar undrar
sig á því að það sé aðeins einn
starfsmaður á vakt í sundlauginni
á staðnum, sem Sveitarfélagið
Árborg rekur.
Upp hafa komið atvik þar sem
starfsmaður hefur orðið að sinna
veikindum gesta og því ekki getað
sinnt öðrum verkefnum á meðan.
Annað atvik varð þegar starfsmaður
laugarinnar rann til og slasaði sig, lá
ósjálfbjarga og þá var enginn til að
taka við starfinu.
„Já, þetta er í lagi og gert í
samráði við Heilbrigðiseftirlit
Suðurlands sem er okkar eftirlits-
aðili. Svona litlar sundlaugar mega
vera með einn á vakt þegar gestir eru
ekki fleiri. Þegar stærri hópar koma
þá er kallaður út starfsmaður og yfir
sumartímann eru alltaf tveir á vakt,“
segir Bragi Bjarnason, deildarstjóri
frístunda- og menningardeildar
Árborgar, aðspurður um málið.
/MHH