Bændablaðið - 20.02.2020, Qupperneq 38

Bændablaðið | Fimmtudagur 20. febrúar 202038
Með þéttingu byggðar og aukningu
ferðamanna hefur stærstu rútum
verið bannað að keyra á vissum
stöðum í Reykjavík og verða
rútufyrirtæki að þjónusta hótelin
í miðbæ Reykjavíkur með smærri
rútum sem hefur fjölgað mikið.
Til að anna sérþörfum þeirra
sem nota rútur sem taka færri en
20 farþega hefur RAG Import -
Export ( www.rag.is ) sérhæft sig
í að flytja inn rútur breyttar eftir
óskum viðskiptavina sinna.
Frá verksmiðju Benz til Póllands
og þaðan til Íslands
Ég heimsótti RAG og fékk
söguna um innflutning á
Benz Sprinter rútunum og
tók smá mont-rúnt á einni
nýinnfluttri rútu. Í bílnum
sem ég prófaði voru sæti
fyrir 21 með bílstjóra, hann
kemur með fjórhjóladrifi,
hátt og lágt drif, sjálfskiptur
með 190 hestafla vél og á
dekkjum sem eru 35 tommu
há.
Prufuaksturinn var ekki
langur, en nógu langur til að
finna helstu aksturseiginleika
bílsins á malbiki og á veg-
slóða sem var holóttur með
snjó, sem var lítil fyrirstaða
fyrir háan og breyttan bílinn.
Rafn Arnar frá RAG var
með mér í bílnum og sagði mér á
leiðinni hvernig ferlið á þessum bíl
og öðrum fjórhjóladrifnum Sprinter
bílum er, áður en þeir koma til lands-
ins.
Bílarnir eru keyptir með fjór-
hjóladrifi án innréttingar af Benz
og þaðan fara þeir til Póllands í það
sem kallast 35 tommu breyting, hjá
fyrirtæki sem heitir Arctic Edition
sem sér um innréttingu og breytingu.
Þægilegur í akstri og
minnir á stóran jeppa
Að keyra bílinn er ótrúlega þægi-
legt, hann líður áfram, ekki ósvipað
og jeppi á stórum dekkjum. Það
eina neikvæða sem ég fann að
bílnum var hvinurinn frá grófum
hjólbörðunum, en samkvæmt hefð-
bundinni hávaðamælingu í prufu-
akstrinum mældist hávaðinn inni í
bílnum nálægt 75db. Hins vegar tel
ég að hægt sé að lækka þá tölu með
því að míkróskera gróf kubbadekkin
sem undir bílnum eru.
Þegar ég kom á vegslóðann
sem var með eitthvað af ójöfnum
fannst mér bíllinn vagga minna en
margur bíll við svipaðar aðstæður.
Í samanburði við minn gamla 2003
Sprinter hefði hann vaggað meira í
þessum ójöfnum sem farið var í. Í
þeim litla snjó sem á vegslóðanum
var reyndi lítið á fjórhjóladrifið, en
ég fann aðeins einu sinni bílinn taka
spól og færði hann þá strax aflið yfir
á dekk sem hafði betra grip.
Þrátt fyrir að bíllinn sé mikið
upphækkaður er töluvert mikið
pláss til að vinna við bílinn ef maður
þarf að setja á hann keðjur.
Vel hugsað um þægindi
handa farþegum
Farþegasætin minna einna helst á
rallístóla úr rallíbílum, klædd með
Ecco-leðri. Gott er að sitja í þeim
og þriggja punkta öryggisbelti í
öllum sætum. Einnig USB-tengi
til að hlaða síma eða önnur raf-
magnstæki.
Þar sem tvö sæti eru hlið við hlið
er hægt að færa ytra sætið aðeins
út í miðjuna til að búa til meira
pláss fyrir þá sem sitja hlið við
hlið. Í bílnum eru tvö sjónvörp og
hátalarakerfið fyrir leiðsögumenn
er tvöfalt, annars vegar í gegnum
hljóðnema sem er fyrir framan
hægra sætið fyrir leiðsögumann,
hinsvegar fyrir bílstjórann þannig
að hann geti sjálfur séð um fræðslu
og sögustundir í gegnum hljóðnema
sem tengdur er í gluggapóst vinstra
megin fyrir framan bílstjórann.
Oft lítið pláss fyrir farangur
í svona smárútum
Með sæti fyrir 21 er ekki mikið
pláss fyrir farangur aftast í bílnum,
en með því að taka í burtu þrjú sæti
fyrir framan öftustu fjögurra manna
sætaröðina er hægt að renna þeirri
sætaröð á þann stað sem næstöft ustu
sætin voru og þá myndast ágætis
pláss fyrir farangur.
Ofan á þaki bílsins er útbúnaður
til að hita eða kæla loft inni
í farþegarýminu (Webasto -
Loftkæling upprunaleg Mercedes).
Fyrir handfarangur er sérstakur
stokkur upp undir þaki bílsins beggja
vegna fyrir ofan farþegasætin sem
er djúpur og ótrúlega rúmgóður og
hentar vel fyrir smærri handfarangur
eða bakpoka.
Verð, burðargeta og
helstu upplýsingar
Verðið á bílnum er 14.200.000 fyrir
utan vsk. Hann kemur með auka
ljósabúnaði sem festur er á grindur
og dráttarkúlu sem má draga 3.500
kg kerru með bremsubúnaði.
Eldsneytistankurinn er 100 lítra,
hámarkshleðsla er 5.500 kg. Undir
bílnum eru sér styrkt Cooper-dekk
sem mega bera hvert 1.480 kg.
Til að mega keyra þennan bíl
þarf ökumaðurinn að vera með
stærra rútuprófið vegna fjölda
farþega. Allar nánari upplýsingar
um þennan og sambærilega bíla
sem RAG er að selja má nálgast á
heimasíðunni www.rag.is.
VÉLABÁSINN
Hjörtur L. Jónsson
liklegur@internet.is
til fólksflutninga
Vel útbúinn Benz Sprinter til fólksflutninga. Myndir / HLJ
Aukaljósin taka sig vel út á krómaðri ljósagrindinni.
Sætin góðu og handfarangursstokkurinn.
Ytra sætið í fremri bekknum er búið að setja út á þessari mynd.
100 lítra eldsneytistankurinn er festur með þrem járngjörðum í stað tveggja
í eldri bílum.
Annað af tveim sjónvörpum sem í
bílnum er.
Það er alltaf svolítið veghljóð sem
kemur inn í bíl af svona grófum
dekkjum.
Farangursrýmið má stækka með því
að taka 3 sæti úr og renna aftasta
bekknum framar.