Víkurfréttir - 26.03.2020, Qupperneq 42

42 // VÍKURFRÉTTIR Á SUÐURNESJUM Í 40 ÁR fimmtudagur 26. mars 2020 // 13. tbl. // 41. árg.
Dagskráin dagana 22.–24. janúar sl. var þéttskipuð
þegar Skref fyrir skref hélt sinn fyrsta samstarfsfund í
tengslum við nýtt, stórt verkefni sem fyrirtækið stýrir
á sviði fullorðinsfræðslu.
Fundurinn var haldinn á Light House Inn í Suður-
nesjabæ en þar er afar góð og þægileg aðstaða fyrir smærri
fundi.
Gestir fengu að reyna ýmsar skemmtilegar leiðir sem
hægt er að nota til dæmis í upphafi námskeiða, eins og
streytulosandi danshreyfingar, sem leiddar voru af Mörtu
Eiríksdóttur. Margrét Sverrisdóttir, verkefnisstjóri frá
Rannís, heimsótti hópinn og óskaði þátttakendum til
hamingju með styrkinn og góðs gengis í vinnu þeirra
framundan.
Fullorðinsfræðsla út lífið
Þetta er í annað sinn á þremur árum sem fyrirtækið
hlýtur Erasmus-styrki frá Rannís til þess að hanna kennslu-
og þjálfunarefni til notkun víðsvegar í Evrópu.
Verkefnið er hannað í tengslum við starfsemi Skref
fyrir skref á sviði fullorðinfræðslu en eins og alkunna er
þá er mikilvægt að fólk sé sveigjanlegt og geti tileinkað
sér nýja þekkingu allt lífið. Hins vegar skiptir verulegu
máli hvernig þjálfun og fræðsla fullorðinna fer fram og
verkefnið BABBAT (BoB as a Bait – better adult Training)
snýst um að hanna skemmtilegar og áhugaverðar leiðir
til þess að nota í fullorðinsfræðslu.
Um er að ræða tveggja ára samstarfsverkefni sjö landa
og er markmiðið að hvetja fullorðið fólk til endurmennt-
unar og nýsköpunar. Samstarfsaðilar eru frá Grikklandi,
Tékklandi, Tenerife, Eistlandi, Litháen og Lettlandi, flestir
koma frá háskólum, endurmenntunarstofunum og vinnu-
miðlunum.
Markmið verkefnisins er að hanna einföld og áhugaverð
gögn sem byggja á skemmtilegum dæmisögum frá öllum
samstarfslöndum þar sem fólk segir frá reynslu sinni af
fullorðinfræðslu/símenntun og hvernig stutt nám breytti
stöðu þeirra til framtíðar. Allt efnið verður aðgengilegt á
netinu í gegnum heimasíðu og Facebook-síðu verkefnisins
(BABBAT) og myndböndin munu finnast á Youtube.
Skref fyrir skref Suður-
nesjabæ hlýtur öflugan styrk
AlmaDís Kristinsdóttir tekur við starfi safnstjóra Lista-
safns Einars Jónssonar þann 1. maí n.k. Viðfangsefni
safnsins er að rannsaka, varðveita og miðla verkum Einars
Jónssonar myndhöggvara og þeim menningararfi sem
tengist lífi hans og list.
Safnið er til húsa í Hnitbjörgum
á Skólavörðuholti og samanstendur
af sýningarsölum á tveimur hæðum,
íbúð listamannsins í turni hússins og
höggmyndagarði með 26 afsteypum af
verkum hans. Listasafnið er hið fyrsta
sem opnað var almenningi hér á landi
árið 1923 og er því einstakt í sögulegu
tilliti.
AlmaDís er Keflvíkingur og lauk
doktorsprófi í safnafræði frá Háskóla
Íslands 2019. Hún er með masters-
gráðu í menntunarfræðum og BFA próf
í hönnun frá Massachussetts College
of Art í Boston. AlmaDís starfar sem
verkefnastjóri safnfræðslu hjá Borgar-
sögusafni Reykjavíkur og sinnir kennslu
í deild Félags-, mann- og þjóðfræði við
Háskóla Íslands. Hún var áður forstöðu-
maður Byggðasafns Snæfellinga og
Hnappdæla í Stykkishólmi. Þá starfaði
hún sem verkefnastjóri við Listasafn
Reykjavíkur um árabil, vann einnig við
Listasafnið á Akureyri og Denver Art
Museum í Colorado í Bandaríkjunum.
AlmaDís ráðin safnstjóri
Listasafns Einars Jónssonar
Fjölmargir páskaungar eru komnir í
heiminn í Garðinum, nánar tiltekið
í Gerðaskóla. Á Fésbókarsíðu skól-
ans segir að Í námsveri skólans séu
egg í útungunarvél sem hafa verið
að klekjast út. Tuttugu og þrjú egg
frá fjórum mismunandi tegundum
af hænsnfuglum; landnámshænum,
silkihænum, brahamshænum og
Ester egger hænum voru sett í út-
ungunarvél. Sjá má fjörið í mynd-
skeiðum á Fésbókarsíðu skólans.
„Hugmyndin var að nemendur
gætu kíkt í námsverið og fengið
fræðslu um hænsn og útungun og
þegar ungarnir væru komnir gætu
þeir fengið að skoða þá. Þar sem
aðstæður eru breyttar vonumst við
til að geta tekið ferlið upp og sýnt
nemendum,“ segir á síðu skólans.
Eins og sjá má á myndskeiðum
hefur verið fylgst með útunguninni,
ungar streyma nú út úr eggjunum.
Þeir eru fljótir að hressast og fara
fljótt að borða. Þeir hafa fengið nöfn
og sá fyrsti sem kom í heiminn fékk
nafnið Jakob.
Páskaungar klekjast
út í Garðinum