Víkurfréttir - 28.05.2020, Blaðsíða 6

Blómamarkaður Lionsklúbbsins Æsu verður við Ytri-
Njarðvíkurkirkju dagana 2. til 4. júní frá klukkan 16:00 til
19:00. Ágóði af blómasölunni rennur óskiptur til líknar-
mála. Heitt verður á könnunni alla daga.
Lionsklúbbburinn Æsa hefur styrkt ýmis málefni og fært
gjafir á starfsárinu.
Þetta er fimmta árið sem Blómamarkaðurinn er í höndum
Æsu. Lionsklúbburinn Æsa er kvennaklúbbur stofnaður
1997 og starfaði í tíu ár undir merkjum Lionessuklúbbs
Njarðvíkur. Klúbburinn hefur á þessum árum styrkt líknar-
og menningarmál, einkum hér í heimabyggð en einnig stutt
við verkefni Lions á alþjóðavísu.
Lions er stærsta alþjóðlega þjónustuhreyfing heims,
stofnuð árið 1917. Félagafjöldi er um 1,4 milljónir og klúbb-
arnir 48.000 talsins í yfir 200 löndum. Lionsfélagarnir í Æsu
eru í blómaskapi og verða með falleg og góð blóm á markað-
inum. Það er mikill tilhlökkun hjá Æsukonum að taka á
móti Suðurnesjamönnum sem eru í blómahugleiðingum
með hlýju og kærleik.
Hin sextán ára María Kristín Ragnarsdóttir fékk hjarta-
stopp og hneig skyndilega niður heima hjá sér þar sem
hún hafði verið á æfingu vegna COVID-19 ástandsins.
Atvikið átti sér stað þann 24. apríl síðastliðinn og var
óskað eftir sjúkrabíl frá Brunavörnum Suðurnesja. Strák-
arnir á C-vaktinni fóru í útkallið. „Vel tókst til við endur-
lífgun og unnu allir viðbragðsaðilar ótrúlega vel saman
og komst hún til meðvitundar og var flutt á Landspítal-
ann,“ segir á fésbókarsíðu Brunavarna Suðurnesja.
Á laugardaginn var, 23. maí, kom María Kristín á vaktina hjá C-vaktinni og heilsaði
upp á þá með foreldrum sínum. Kom hún og þakkaði hún þeim lífgjöfina og afhenti
þeim fallega mynd.
„Það er ekki ofsagt að þetta sé útkall sem menn muna vel eftir því ekki er algengt að
ungt fólk fari í hjartastopp og ekki alltaf sem svona vel tekst til. Sýnir þetta vel hvað
góðir og vel þjálfaðir viðbragðsaðilar er mikilvægir í samfélaginu okkar,“ segir á síðu
Brunavarna Suðurnesja.
ÞAKKAÐI SJÚKRAFLUTNINGA-
MÖNNUM LÍFGJÖFINA
María Kristín Ragnarsdóttir með strákunum á C-vakt
Brunavarna Suðurnesja. Mynd: Brunavarnir Suðurnesja
Blómamarkaður Lionsklúbbsins Æsu við Ytri-Njarðvíkurkirkju
6 // VíKuRFRÉTTIR á SuÐuRNESJuM í 40 áR
Fimmtudagur 28. maí 2020 // 22. tbl. // 41. árg.