Víkurfréttir - 28.05.2020, Blaðsíða 67
Super Mario í Njarðvík
Körfuknattleiksmaðurinn Mario Matasovic hefur ekki setið auðum
höndum í öllum þeim takmörkunum sem COVID-19 hefur haft í för
með sér. Njarðvíkingurinn tók sig til og reif vel í járnin, reyndar svo vel
að ein karfan í Njarðtaksljónagryfjunni varð að gefa eftir!
Vanalega rífa menn eitthvað úr spjaldinu með þegar svona nokkuð gerist
en Super Mario sleit járnið í sundur. Með þessu áframhaldi þarf að sér-
styrkja hringina fyrir átökin í Domino’s þegar Super Mario fer á flug í húsum
landsins.
Ljónatemjararnir sameinaðir á ný
Friðrik Ingi Rúnarsson hefur verið ráðinn aðstoðarþjálfari meistara-
flokks karla í Njarðvík og bætist því í hópinn með Halldóri Karlssyni en
báðir munu þeir aðstoða Einar Árna Jóhannsson með Njarðvíkurliðið á
komandi tímabili. Það má því segja að Ljónatemjararnir séu sameinaðir
á ný en Einar Árni steig sín fyrstu skref í efstu deild karla sem aðstoðar-
þjálfari Friðriks Inga í Njarðvík. Halldór Karlsson framlengdi einnig
samningi sínum við félagið.
Stjórn Körfuknattleiksdeildar
Njarðvíkur fagnar því vel og inni-
lega að endurheimta í félagið einn
af sínum dáðustu sonum í Friðriki
Inga en það þarf ekki að fjölyrða um
hæfni hans á þjálfarastól. Ásamt því
að gerast aðstoðarþjálfari þá mun
Friðrik einnig taka að sér þjálfun
drengja- og unglingaflokks í Njarð-
taksgryfjunni.
„Við erum ofboðslega spennt fyrir
samstarfinu við Friðrik Inga og ekki
síst fyrir því að iðkendur í elstu yngri
flokkum okkar fái einnig að njóta
handleiðslu hans,“ sagði Kristín
Örlygsdóttir, formaður körfuknatt-
leiksdeildar UMFN.
„Mér líst afar vel á þetta verkefni
og er ánægður að verða í eldlínunni
með Njarðvík í Domino’s-deildinni
á komandi tímabili. Þá er ég einn-
ig spenntur fyrir því að vinna með
drengja- og unglingaflokki til að efla
þá á leið sinni yfir brúna úr elstu
yngri flokkum félagsins og upp í
meistaraflokk. Ég tel Njarðvík fært
um að skapa góðan vettvang fyrir
þessa ungu leikmenn til
að taka framförum og
verða betri,“ sagði
Friðrik Ingi Rún-
arsson.
Super Mario með hringinn í
Njarðtaksgryfjunni.
Þjálfarar meistaraflokks karla ásamt
Brenton Birmingham, varaformanni, og
Kristínu Örlygsdóttur, formanni. Mynd/JBÓ
Fimmtudagur 28. maí 2020 // 22. tbl. // 41. árg.
VíKuRFRÉTTIR á SuÐuRNESJuM í 40 áR // 67