Fréttablaðið - 20.06.2020, Blaðsíða 32

Það þarf að vinna
fyrir hverjum fiski,
sem er góð æfing og þá
nær maður enn betri
tökum á veiðinni. Lykill-
inn að góðri veiði felst
ekki í f lottustu græj-
unum, heldur reynslu,
elju, áræðni og þrjósku.
Sigríður Inga
Sigurðardóttir
sigriduringa@frettabladid.is
Þegar blaðamaður náði tali af Hrafni var hann við veiði í Minnivallalæk og hafði
þegar landað nokkrum vænum
bleikjum. „Ég er búinn að veiða
í 25 daga það sem af er þessu ári.
Veiðitímabilið hefst í aprílbyrjun
og lýkur í lok september, en ég
fer líka í vetrarveiði ef tækifæri
gefst til þess,“ segir Hrafn, sem
finnst ótrúlega gaman að stúss-
ast í veiði og því sem henni fylgir.
„Undanfarin sumur hef ég unnið
við veiðileiðsögn hjá veiðifélaginu
Hreggnasa sem er með Laxá í Kjós,
Grímsá, Laxá í Dölum og fleiri ár.
Þetta er draumastarfið sem gefur
mér tækifæri til að vera við margar
af bestu ám landsins.“
Áræðni og þrjóska lykilatriði
Þrátt fyrir ungan aldur hefur
Hrafn mikla reynslu af stangveiði.
„Ég var fjögurra ára þegar ég man
fyrst eftir mér í veiði, en það var í
Þingvallavatni. Afi og pabbi voru
miklir veiðimenn og þeir smituðu
mig af þessum áhuga. Ári seinna
fór ég með pabba, og vinnufé-
lögum hans á VSÓ ráðgjöf, í veiði
á Arnarvatnsheiði. Við gistum í
gangnamannakofa, veiddum og
höfðum gaman. Það eru mínar
fyrstu raunverulegu minningar
um veiði og upp frá því fékk ég
algjöra veiðidellu. Við fórum í opn-
unina norðanmegin á Arnarvatns-
heiði um árabil. Pabbi er minn
helsti veiðifélagi og styrktaraðili,“
segir Hrafn, sem veiðir nánast upp
á dag í september þegar háanna-
tíminn í vinnunni er að baki.
„Ég er að læra viðskiptatengda
lögfræði við Háskólann í Reykja-
vík og reikna með að ljúka náminu
síðar á þessu ári. Veiðin hefur þau
áhrif að ég mæti seinna í skólann
á haustin en flestir aðrir. Það er
kannski ekki gott fyrir námsfram-
vinduna en það er bara svo gaman
að veiða,“ segir Hrafn brosandi.
En hvað er skemmtilegast við að
veiða? „Þetta er eitthvert frum-
mannseðli. Fyrst fannst mér mesta
fjörið að setja í fisk, en ég hef veitt
svo mikið og lengi að núna snýst
þetta líka um að vera úti í nátt-
úrunni með góðum félögum. En
það verður alltaf að vera fiskur,“
segir Hrafn kankvís.
Ekkert jafnast á við veiði
Hrafn Hlíðkvist Hauksson er með veiðidellu á háu stigi og er þegar búinn að fara í nokkrar veiði-
ferðir. Veiðin snýst ekki aðeins um fisk, heldur samveru með vinum og að njóta þess að vera úti.
Hrafn ánægður með góðan feng. Hann hefur þegar veitt í 25 daga á þessu ári og notar eigin flugur við veiðina. Útiveran spilar stóran þátt í veiðinni.
Þegar Hrafn er beðinn um ráð
fyrir byrjendur í veiði stendur
ekki á svari: „Fara oftar að veiða
og finna þér betri veiðimenn. Það
sama gildir um vana veiðimenn.
Fara oftar í veiði og finna þér betri
veiðimenn, og búa til áskorun fyrir
sjálfan þig. Ég veiði mikið á Suður-
landi en þar eru færri fiskar í ánum
en víða annars staðar. Það þarf að
vinna fyrir hverjum fiski, sem er
góð æfing og þá nær maður enn
betri tökum á veiðinni. Lykillinn
að góðri veiði felst ekki í f lottustu
græjunum, heldur reynslu, elju,
áræðni og þrjósku,“ segir Hrafn.
Margir af bestu vinum Hrafns
eru líka forfallnir veiðimenn.
„Maður umkringir sig gjarnan
fólki með svipuð áhugamál. Ég
hef kynnst þeim í gegnum þetta
sport en ég þekki samt alveg annað
fólk,“ segir hann brosandi og bætir
við að kærustunni finnist dálítið
furðulegt að margir af hans bestu
vinum séu komnir yfir miðjan
aldur.
Spurður um góða veiðisögu
segir Hrafn erfitt að gera upp á
milli, þær séu svo margar. „Sú sem
er hvað eftirminnilegust er þegar
við pabbi vorum í Vatnsdalsá fyrir
nokkrum árum. Þá hafði stór selur
haldið sig í Hnausastreng, sem er
besti veiðistaðurinn, en selurinn
var svo skotinn. Nokkrum dögum
seinna vorum við að veiða. Ég
tók mér smá pásu og settist inn
í bíl þegar ég sá að pabbi setti í
risafisk, sem ég hélt að væri 30-40
punda lax. Ég fylgdist spenntur
með pabba slást við fiskinn, en
þegar hann kom á land reynst
þetta vera selurinn, sem var stein-
dauður. Pabbi hafði strax fattað
að þetta var selurinn en ég sá fyrir
mér risalax,“ rifjar Hrafn upp, en
sjálfur hefur hann veitt reiðhjól í
Minnivallalæk.
En hvaða á skyldi vera í uppá-
haldi? „Hafralónsá í Þistilfirði
er almennt mín uppáhaldsá en
ég held líka mikið upp á Minni-
vallalæk. Þessar ár eru eins ólíkar
og hugsast getur. Hafralónsá er
stór og mikil laxveiðiá, með stórar
stangir og stóra fiska. Minnivalla-
lækur er lítill lækur sem liðast um
tún og er meiri rólyndisveiði. Ég
nota mínar eigin flugur, sem ég
hnýti á veturna. Það er skemmti-
legast að veiða á eigin flugur,“ segir
hann og snýr sér aftur að veiðinni.
L200 INTENSE
FJÓRHJÓLADRIFINN
HARÐJAXL
33" breyttur
• Sítengt fjórhjóladrif
• Hátt & lágt drif
• Sjálfskiptur
• Breytingapakki
• Dráttarbeisli
• Heithúðun á palli
Tilboðsverð 7.290.000 kr.
35" uppfærsla 1.300.000 kr.
HEKLA · Laugavegur 170 · Sími 590 5000 · hekla.is/mitsubishisalur
4 2 0 . J Ú N Í 2 0 2 0 L AU G A R DAG U RVEIÐIBLAÐIÐ