Fréttablaðið - 20.06.2020, Side 70

Það er einhver
heilagleiki og
hjartafegurð í tónlist
Wilsons sem ég hef ekki
heyrt í annarri popp-
tónlist.
Hjördís Erna
Þorgeirsdóttir
hjordiserna@frettabladid.is
Úrval af gíturum og bössum
Fiðlur
Heyrnartól
Míkrafónar
í úrvali
Þráðlaus
míkrafónn
GÍTARINN
Stórhöfða 27 • 110 Reykjavík • S. 552 2125 • gitarinn@gitarinn.is • www.gitarinn.is
HLJÓÐFÆRI
í úrvali
Magnarar
Hljómborð
MEDELI MC37A
Trommusett
Söngkerfi
Tónlistarmaðurinn og texta­höfundurinn Gunnar Jóns­son er einn þeirra sem segja
tónlist Wilsons hafa haft djúpstæð
og mótandi áhrif á sig. Fyrstu
kynni hans af þessum goðsagna­
kennda listamanni voru fyrir
tilstilli tilboðs sem Gunnar, ungur
að árum, gat ekki hafnað.
„Ég og vinir mínir erum allir
miklir tónlistarnördar og vorum
mjög duglegir að kaupa geisladiska
í Skífunni í „gamla daga“. Skífan
var þá með svona „2 fyrir 2.000“
tilboð þar sem maður gat keypt
tvo diska af tilboðsborðinu á litlar
2.000 krónur. Á þessu tilboðsborði
var mikið af meistaraverkum
tónlistarsögunnar og þökk sé því
kynntumst við vinirnir alls kyns
snilld, svo sem plötum Miles Davis
og Sonic Youth, Velvet Under­
ground og Nico­plötunni, Bláu
plötu Weezer og síðan Pet Sounds
með The Beach Boys, svo eitthvað
sé nefnt.“
Dularfullir töfraheimar
Það hafi þó ekki beinlínis verið
ást við fyrstu hlustun. „Ég verð að
viðurkenna að mér fannst Beach
Boys vera smá hallærislegir fyrst
og skildi ekki alveg af hverju indí
hipstera rokk­vinir mínir voru að
tékka á Pet Sounds eins og flón. En
ég man líka að ég fékk plötuna lán­
aða hjá vini mínum þegar ég var
svona fimmtán ára og átti svaka
móment með laginu „Don’t Talk
(Put Your Head On My Shoulder)“.
Textinn og útsetningin í því lagi er
ótrúleg og textinn fjallar um unga
elskendur á ljúfri stund. Það er svo
mikill kærleikur og nánd og ber­
skjöldun og fágun í því lagi,“ segir
Gunnar dreyminn.
Vonar að Brian Wilson sé í rútínu
Á þessum degi árið 1942 fæddist tónlistarmaðurinn Brian Wilson, forsprakki The Beach Boys, en
óhætt er að fullyrða að hann sé einn af allra áhrifamestu tónlistarmönnum poppsögunnar.
Gunnar Jónsson
segir fáa tón-
listarmenn hafa
haft jafn mikil
áhrif á sig og
Brian Wilson.
FRÉTTABLAÐIÐ/
SIGTRYGGUR ARI
Gunnar kynntist Wilson í gegnum hina stórmerkilegu plötu Pet Sounds.
Brian Wilson er 78 ára í dag.
„Tónlistin víkkaði út sjóndeild­
arhringinn minn og ég fattaði að
The Beach Boys var ekki yfirborðs­
kennd strandar­strákasveit eins og
ég hélt. Pet Sounds er náttúrulega
platan þar sem Brian Wilson tók
alveg yfir bandið og færði hljóð­
heim Beach Boys frá ströndinni
og inn í dularfulla töfraheima. Á
plötunni gætir fjölbreyttra áhrifa
frá J.S. Bach og George Gershwin
yfir í Phil Spector, Motown og
Bítlana.“
Hófst þá langt og innilegt
ferðalag sem Gunnar sér enn ekki
fyrir endann á. „Eftir það varð ekki
aftur snúið. Sumum plötum vex
maður upp úr eða missir áhugann
á, en Pet Sounds óx bara og óx í
mínum huga. Það er eitthvað yfir­
náttúrulegt við Pet Sounds að því
leytinu. Nokkrum árum seinna
var ég orðinn mjög djúpt sokkinn í
sögu Brians Wilson og Beach Boys
og er enn.“
Heilagleiki og hjartafegurð
Þrátt fyrir snilligáfuna hefur lífs­
hlaup Wilsons, sem nú fagnar 78
árum, verið þyrnum stráð. „Saga
Brians Wilson er náttúrulega mjög
sorgleg að mörgu leyti. Hann átti
erfiða æsku og of beldisfullan og
yfirþyrmandi föður. Hann tókst
líka á við hina meðlimi The Beach
Boys þegar hann vildi þróa hljóð­
heim bandsins áfram. Wilson
hefur glímt við geðræn veikindi og
gafst á endanum upp sem leiðtogi
Beach Boys og hvarf inn í lyfja­
og kókaínmóðu í mörg ár,“ segir
Gunnar, dapur í bragði.
„En ég segi það fullum fetum að
þarna fer einn merkasti bandaríski
tónlistarmaður allra tíma. Wilson
setti sér ótrúlega djörf markmið
í sinni tónlist og náði þeim, þrátt
fyrir að fórnarkostnaðurinn hafi
verið hár. Þegar Wilson var að
vinna að SMiLE­plötunni talaði
hann til dæmis um að hann væri
að reyna að gera „teenage symph­
ony to God“, eða tánings­sin­
fóníu til dýrðar Guði. Ég get ekki
orðað það betur! Það er einhver
heilagleiki og hjartafegurð í tónlist
Wilsons sem ég hef ekki heyrt í
annarri popp­tónlist.“
Wilson hafi raunar verið alveg
sér á báti. „Aðrir tónlistarrisar þess
tíma eru auðvitað Bítlarnir. En þeir
höfðu hver annan og upptöku­
stjórann George Martin. Wilson
gerði nánast allt sjálfur fyrir utan
að semja textana. Fjölbreytileiki
hljóðfæra og blæbrigða er ótrú­
legur og músíkin er djúp á hátt
sem blasir ekki alveg við öllum
samstundis. En ef þú elskar gott
popplag og ert nettur Tilfinninga­
Tómas, já eða Næmnis­Nína, eins
og við flest erum, þá er úr miklu að
moða þarna!“
Ögn ógnandi innblástur
Blaðamaður spyr Gunnar hvaða
áhrif Wilson hafi haft á hann sem
tónlistarmann. „Sem listamaður
er maður alltaf að feta í fótspor risa
sem á undan hafa komið. Þetta
er stundum alveg glatað því við
höfum súper­mega­risa eins og
Brian Wilson sem eru ósnertan­
legir. Ég er búinn að hlusta á allt
sem The Beach Boys gerðu og þeir
fóru frá því að stæla Chuck Berry
og gamla rokkið yfir í að skrifa
popp­reglubókina upp á nýtt
ásamt böndum eins og Bítlunum.
Slíkir listamenn eru í senn mikill
innblástur en líka smá ógnandi.“
Gunnar rifjar upp hjartfólgna
reynslu. „Ég spilaði og söng Beach
Boys lagið „God Only Knows“
í brúðkaupi vina minna fyrir
nokkrum misserum og það að æfa
upp hljómana og textann var eins
konar „masterclass“ í því hvernig
má semja um ástina. Stundum
þegar maður pikkar upp lag, þá
deyr það smá fyrir manni, en í til­
viki „God Only Knows“ varð lagið
einhvern veginn bara betra.“
Ef þú fengir tækifæri til að hitta
Brian Wilson, hvað myndirðu segja
við hann?
„Maður er náttúrulega meðvit­
aður um geðræn veikindi Brians
Wilson, þannig að ég vona að hann
sé bara í rútínu og að passa upp á
heilsuna og svefninn. Hann hefði
ekkert gott af því að hitta mig. Ég
myndi bara gera það skrítið með
einhverjum hræðilegum nörda­
spurningum.“
6 KYNNINGARBLAÐ FÓLK 2 0 . J Ú N Í 2 0 2 0 L AU G A R DAG U R