Fréttablaðið - 01.07.2020, Blaðsíða 52

SÍMAR AUGLÝSINGADEILDIR – AUGLÝSINGASTJÓRI: Gústaf Bjarnason gustaf@frettabladid.is ALMENNAR AUGLÝSINGAR: SÍMI 550 5050:
Hjördís Zoëga hjordis@frettabladid.is, Hlynur Þór Steingrímsson, hlynur@frettabladid.is , Sigfús Örn Einarsson sigfus@frettabladid.is, Örn Geirsson orn.geirsson@frettabladid.is
FÓLK/SÉRBLÖÐ SÍMI 550 5077: Atli Bergmann atli@frettabladid.is, Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar
Vilhelmsson jonivar@frettabladid.is, FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar Helgason
hrannar@frettabladid.is, Viðar Ingi Pétursson vip@frettabladid.is ÞJÓNUSTUAUGLÝSINGAR SÍMI 550-5055: Guðrún Inga Grétarsdóttir gudruninga@frettabladid.is
Flügger
viðarvörnin
klárar verkið
fyrir þig
Flügger Wood Tex vörulínan
er til notkunar á við utanhúss.
Vörurnar veita viðnum veðurþolið
og sérlega endingargott yfirborð.
Wood Tex vörurnar eru auðveldar
í notkun og þornunartíminn
er stuttur.
Leikkonan og leikstjórinn Nanna Kristín Magnús-dóttir segist eiginlega vera að rísa úr dvala sem hún lagðist í eftir að hafa heldur betur slegið
hressilega í gegn með sjónvarps-
þáttunum Pabbahelgar.
Þrátt fyrir fjölda áskorana ætlar
hún þó ekki að byrja á að skrifa
framhald af þáttunum heldur vinda
sér í að leikstýra dans- og söngva-
mynd byggðri á krakkaplötunni og
leikritinu Abbabbb! eftir Dr. Gunna.
„Já, ég mun láta undan þeim
þrýstingi glöð í bragði,“ segir Nanna
Kristín um háværar óskir um fleiri
Pabbahelgar. „Fólk er að stoppa
mig úti á götu og jafnvel að múta
mér með kanelsnúðum í Bónus,“
heldur hún áfram vel meðvituð um
að Pabbahelgar eigi dygga aðdá-
endur víða.
Pönk vs. diskó
Kanelsnúðar og frómar óskir
breyta því þó ekki að næsta verk-
efni Nönnu verður söngleikurinn
Abbababb! þar sem krakkar verða
áberandi, þannig að nú stendur yfir
leit að hressum krökkum á aldr-
inum 6-13 ára sem hafa áhuga á að
leika í bíómynd.
„Abbababb! kom til mín fyrir
þremur árum þegar Júlíus Kemp
framleiðandi bað mig um að kíkja
á verkefnið með það í huga að koma
því á hvíta tjaldið,“ segir Nanna.
„Ég hafði auðvitað hlustað á
lögin, sem eru frábær, og þemað
pönk vs. diskó heillaði mig upp úr
skónum. Þannig að ég þurfti ekkert
gríðarlega langan umhugsunarfrest
til að taka þetta að mér.“
Lætur hjartað ráða
Abbababb! er ekki aðeins fyrsta
dans- og söngvamyndin sem Nanna
leikstýrir heldur, eins og hún bendir
á, hennar fyrsta kvikmynd í fullri
lengd.
„Ég þarf alltaf að taka hlutina
aðeins lengra!“ segir hún og segir að
vissulega sé að mörgu að huga þegar
vinsæl plata og síðar söngleikur eru
löguð að kvikmynd. „Jú, það er heil-
mikil áskorun í skrifunum en það
var búið að vinna góða forvinnu
þegar ég kom að verkefninu.
Ásgrímur Sverrisson hafði skrifað
bíómyndahandrit upp úr leikritinu
og ég tók það svo í þær áttir sem
hjartað mitt vildi fara með söguna
og lagði áherslu á frásögn með fleiri
leiðum en beinum texta.
Síðan er ég búin að fá með mér
í lið þvílíka eðal listamenn. Sem
dæmi mun Valgerður Rúnarsdóttir
danshöfundur hafa yfirumsjón með
kóreógrafíunni og Þorvaldur Bjarni
Þorvaldsson útsetur tónlistina og
semur sinfónísku kvikmyndatón-
listina fyrir SinfoniaNord.“
Teppalandsdraumurinn
Doorway Casting sér um leitina
að leikurum í Abbababb! og hefur
auglýst eftir áhugasömum krökkum
sem enn hafa smá ráðrúm til þess að
senda prufu áður en frestur rennur
út á föstudaginn.
Er leikstjórinn með einhver skila-
boð til krakkanna, kannski ekki síst
ef mann langar rosa mikið að prufa
en er kannski pínu feiminn eða
hræddur um að gera eitthvað „vit-
laust“ í prufunni?
„Skilaboðin frá leikstjóranum eru
þau að það er ekki hægt að gera neitt
vitlaust,“ segir Nanna og hvetur ein-
faldlega „alla sem hafa áhuga á að
vera í bíómynd“ til þess að senda
inn prufur.
„Þegar ég var lítil langaði mig
mest af öllu að fá að leika í auglýs-
ingu og þrábað stjúpföður minn um
að koma því til skila til yfirmanna
sinna. Ég fékk aldrei að leika í aug-
lýsingu enda vann stjúppabbi minn
hjá Teppalandi á Grensásveginum.
Ég gerði í sjálfu sér ekkert vitlaust
nema að setja öll eggin í sömu körfu,
það er að segja, Teppaland.“
Við erum alls konar
Nanna Kristín segir að allar prufur
verði skoðaðar gaumgæfilega. „Ég
vil einmitt fá alls konar krakka
í myndina. Ekki aðeins þau sem
eru þaulreynd af því að keppa eða
sýna mörgum sinnum á vetri þótt
sá hópur muni að sjálfsögðu koma
sterkur inn í þar til gerð hlutverk.
En við erum alls konar og í skól-
anum þar sem Abbababb! gerist
núna, þá er fjölbreytileiki,“ segir
Nanna. „Hæfileikar fyrir þessa
dans- og söngvamynd eru ekki
aðeins dans og söngur heldur getur
það verið að djöggla boltum, spila
á básúnu, karate, spilagaldrar, lesa
ljóð, prjóna, ropa hátt og lengi eða
hvað sem þeim sjálfum þykir merki-
legt. Sem leikstjóri er ég að leita að
demöntum en ég vil ekki ákveða
fyrir fram í hvaða formi þeir skína
skærast.“ toti@frettabladid.is
Nönnu Kristínu mútað
með kanelsnúðum
Kanelsnúðar voru notaðir til að múta Nönnu Kristínu til að gera
framhald Pabbahelga en breyta engu um að næsta verkefni hennar
er dans- og söngvamynd byggð á Abbababb! eftir Dr. Gunna.
Nanna Kristín þurfti ekki að hugsa sig lengi um þegar henni bauðst að leikstýra bíómyndinni Abbababb! Eitt þarf
þó ekki að útiloka annað og hún segist munu láta undan þrýstingi um fleiri Pabbahelgar. FRÉTTABLAÐIÐ/ANTON BRINK
Hvernig prufu á að senda?
Áhugasamir krakkar mega
undirbúa prufu heima, taka
upp og senda á okkur á prufur@
doorway.is.
Passið að það sjáist og heyrist
vel í þeim sem er að senda inn
prufu og athugið að aðeins sá
sem er í prufu á að sjást í mynd-
bandinu.
n Lengd: Allt saman hámark
fjórar mínútur.
n Kynning: Segja fullt nafn,
aldur og frá hvaða landshluta.
n Leikinn texti: Finna texta að
eigin vali (t.d. úr leiksýningu
eða bíómynd) sem þú vilt
leika fyrir okkur.
n Hæfileiki: Dans, söngur,
hjólaskautar, teiknihæfileikar,
parkour eða hvað sem er
annað sem þér dettur í hug.
Veldu þinn helsta hæfileika til
að sýna okkur!
Síðasti dagur til að senda inn
prufu er föstudagurinn 3. júlí.
1 . J Ú L Í 2 0 2 0 M I Ð V I K U D A G U R26 L Í F I Ð ∙ F R É T T A B L A Ð I Ð