Fréttablaðið - 21.07.2020, Page 32

Það er góð skemmtun að fara á gott safn og það getur veitt manni einstaka innsýn inn í
horfna tíma eða áður óþekkt svið
mannlegrar tilvistar. En þó að
mörg söfn séu þægileg leið til að
verja örfáum klukkustundum eru
líka til söfn sem eru svo stór að
það er ómögulegt að arka um allt
og sjá allt í einni heimsókn. Hér
eru þau fimm stærstu.
Louvre-safnið í París
Louvre-listasafnið í París í Frakk-
landi var stofnað árið 1792 og
er það allra stærsta, rúmlega 72
þúsund fermetrar. Safnið er eitt
af mörgum þekktum kenni-
leitum borgarinnar og hluti af
Louvre-höllinni, sem var byggð á
12. öld. Byggingin var notuð sem
virki áður en hún varð bústaður
kóngafólks árið 1546. Árið
1692 var húsið notað til að hýsa
listaskóla og 100 árum síðar var
Louvre-safnið opnað, en þá voru
þar 537 málverk. Í dag eru um 38
þúsund listaverk í safninu og það
tekur á móti 7,4 milljónum gesta
á ári, sem er meira en nokkurt
annað safn.
Hermitage-safnið í
St. Pétursborg
Næststærsta safn í heimi er tæp-
lega 67 þúsund fermetrar. Safnið
er eitt það elsta í heimi, en það
var stofnað árið 1764 og og opnað
fyrir almenning árið 1852. Það
samanstendur af sex sögufrægum
byggingum sem standa við bakka
Neva-árinnar. Á safninu eru yfir
þrjár milljónir muna og það hýsir
stærsta safn málverka í heim-
inum.
Kínverska þjóðminjasafnið
í Peking
Kínverska þjóðminjasafnið er
í 65 þúsund fermetra byggingu
við Torg hins himneska friðar
í Peking. Safnið varð til þegar
safn kínversku byltingarinnar
og sögusafn Kína voru sameinuð
árið 1959. Hlutverk þess er fyrst
og fremst að fræða almenning
og kynna sögu og list Kína, en á
safninu eru yfir milljón munir.
Metropolitan-safnið
í New York
Metropolitan-safnið var stofnað
árið 1870 og opnað tveimur árum
síðar. Það er við fimmtu breið-
götu borgarinnar og er tæplega
59 þúsund fermetrar að stærð, en
í dag er safnið í byggingu sem er
tuttugu sinnum stærri en upp-
haf lega byggingin var. Á safninu
eru meira en tvær milljónir
fjölbreyttra muna frá ólíkum
heimshornum, en safnið er meðal
annars þekkt fyrir stórt safn
hljóðfæra.
Söfn Vatíkansins í Róm
Söfn Vatíkansins, sem er í Róm á
Ítalíu, eru 43 þúsund fermetrar
og þau voru sett á laggirnar árið
1506. Þar má sjá gríðarstórt
listaverkasafn Vatíkansins, en
meðal muna í safninu eru högg-
myndir frá Róm til forna og sum
af merkustu listaverkum endur-
reisnarinnar. Safnið hefur að
geyma um 70 þúsund listaverk,
en af þeim eru um 20 þúsund í
sýningu. Safninu er skipt í 54
hluta og Sixtínska kapellan, sem
var skreytt af Michaelangelo á 16.
öld, er rúsínan í pylsuendanum.
Fimm stærstu söfn veraldar
Söfn eru góð leið til að skemmta sér og fræðast um leið. Þau geta verið afar fjölbreytt og misstór, en
þau allra stærstu eru svo stór í sniðum að það er ómögulegt að sjá allt sem þau geyma á einum degi.
Louvre-safnið í París er eitt af mörgum frægum kennileitum borgarinnar og stærsta safn í heimi. MYND/GETTY
Hermitage-
safnið í St.
Pétursborg er
í sex sögu-
frægum bygg-
ingum sem
standa við
bakka Neva-
árinnar.
Kínverska
þjóðminja-
safnið stendur
við Torg hins
himneska
friðar í Peking.
Á Metropo-
litan-safninu
í New York er
hægt að skoða
meira en
tvær milljónir
fjölbreyttra
muna frá
ólíkum heims-
hornum.
Söfn Vatíkans-
ins voru sett á
laggirnar árið
1506 og Sixt-
ínska kapellan
er rúsínan
í pylsuend-
anum.
Oddur Freyr
Þorsteinsson
oddurfreyr@frettabladid.is
Velkomin á Gljúfrastein
alla daga frá kl. 10 – 17 í sumar.
Leiðsögn um húsið, safnbúð,
sýning um Innansveitarkroniku,
fallegar gönguleiðir í Mosfellsdal
og stofutónleikar á sunnudögum.
Fylgstu með Gljúfrasteini - húsi skáldsins @gljufrasteinn | www.gljufrasteinn.is
6 KYNNINGARBLAÐ 2 1 . J Ú L Í 2 0 2 0 Þ R I ÐJ U DAG U RSÖFN Á ÍSLANDI