Fréttablaðið - 01.08.2020, Qupperneq 20

Ég er að njóta sumarsins á Íslandi, ég elska þennan árstíma, sérstak lega löngu sumarnæturnar þar sem birtan er alveg mögnuð í miðnætur­
sólinni. Á þessum tíma er hægt að
ljósmynda lundana og hvalina sem
koma hingað á sumrin í leit að æti,“
segir áhrifavaldurinn og ljósmynd­
arinn Ása Steinarsdóttir.
Ása var að leggja lokahönd á hús­
bíl sem hún var að byggja sjálf, því
þrátt fyrir að heimsfaraldurinn aftri
henni frá því að ferðast erlendis, er
engu síðra að ferðast hérna á Íslandi.
„Planið er að setja íbúðina í leigu
og búa í honum næstu mánuði. Ég er
einnig að leiða nokkrar hringferðir
í kringum landið í ágúst og á von á
ferðamönnum víðs vegar að frá Evr­
ópu,“ segir hún.
Árið hófst á annríki
Ása hefur vakið mikla athygli út
fyrir landsteinana fyrir einstakar
ljósmyndir sem hún hefur tekið á
ferðalögum sínum. Ásu dreymdi
alltaf um að mynda fyrir National
Geographic, en hún ákvað á sínum
tíma að láta drauminn rætast,
ferðast um heiminn og mynda hann
í leiðinni. Í dag er hún með rúmlega
200.000 fylgjendur á Instagram.
„Árið 2020 var mjög ann ríkt hjá
mér í byrjun árs. Ég er búin að vera
að mynda í Jap an, á Fil ipps eyj um og
Græn landi. Það voru mörg verk efni
fram undan og ég var á leið til Aust­
ur rík is á svipuðum tíma og Ísland
greindi það sem háá hættu svæði.
Þar átti ég að fara að ljós mynda
skíðaviðburð og ferðalagið átti að
halda áfram til Zermatt í Sviss að
ljós mynda og vinna fyr ir ferðamála­
stofn un þar í landi,“ segir hún.
En nú er staðan breytt og lífið
töluvert rólegra að sögn Ásu.
„Ég er búin að vera að leggja
lokahönd á húsbílinn okkar. Auk
þess fékk ég afar rómantískt bón­
orð í Filippseyjum, sem ég svaraði
játandi. Ég og unnustinn erum þess
vegna að undirbúa brúðkaup næsta
sumar. En það fer auðvitað allt eftir
því hvernig ástandið verður í heim­
inum,“ segir Ása.
Nokkur viðbrigði
En hvernig hafa þessir fordæma-
lausu tímar haft áhrif á manneskju
sem hefur gert það að sinni atvinnu
að ferðast?
„Í þessu öllu sam an þá er ég afar
þakk lát fyr ir að geta kallað Ísland
heim ilið mitt. Mér finnst við vera
að taka einstaklega vel á þess um
mál um. Ég reyni að gera það besta
í stöðunni og held áfram að sinna
minni ástríðu og ein beiti mér að því
að ljós mynda og ferðast um Ísland
og deila upp lif un inni með öðrum,“
segir hún.
Hún viðurkennir þó að heims­
faraldurinn hafi haft mikil áhrif á
líf hennar og starf.
„Áður fyrr var ég á stanslausu
flakki erlendis. Enda koma flest mín
verkefni erlendis frá. Hins vegar
hefur ástandið núna þvingað mig til
að róa líf mitt. Þannig að ég er virki­
lega búin að njóta þess að ferðast
minna og vera meira á Íslandi. Auk
þess hef ég fengið skemmtileg tæki­
færi til að vinna með íslenskum fyr­
irtækjum, sem leggst vel í mig, þar
sem ég elska að mynda hér heima,
skoða fallegu náttúruna. Það hefur
einnig kennt mér að maður þarf
ekki að ferðast langt til að upplifa
skemmtilega hluti,“ segir hún.
Um leið og samkomubannið skall
á leigði Ása sér bústað á Tröllaskaga
og nýtti svo vorið og snjóinn á fjalla­
skíðum.
„Mér fannst mjög mikilvægt á
þessum tíma að stunda útivist,
vera dugleg að hreyfa mig og bæta
við nýjum áhugamálum og hæfi­
leikum. En á fjallaskíðum, þá eru
sett skinn undir skíðin, gengið
upp og síðan skíðað niður. Það er
fátt sem jafnast á við góðan dag á
fjöllum og að skíða niður ósnortnar
brekkur í náttúrufegurðinni. Ísland
Leyndardómar
ríkis Vatnajökuls
Ljósmyndarinn og áhrifavaldurinn Ása Steinarsdóttir hefur nýtt
fordæmalausa tíma til að ferðast um landið. Hún gerði góða ferð
til hins víðfeðma ríkis Vatnajökuls og hefur gert ferðaþætti um
þennan einstaka stað, þar sem leynast fjölmargar náttúruperlur.
Ása er einn af
vinsælustu
áhrifavöldum
landsins
með rúmlega
200.000 fylgj-
endur. MYND/ÁSA
STEINARSDÓTTIR
á vorin er algjör paradís fyrir fjalla­
skíðamenn og það var einstaklega
flott færi á þessum tíma eftir snjó­
þungan vetur.“
Stórbrotin náttúra
Ása hefur nýtt tímann á landinu til
að gera ferðaþætti um ríki Vatna­
jökuls, en það nær frá Lómagnúpi
til vesturs að Hvalnesi til austurs.
„Náttúran á þessu svæði er stór­
brotin og fjölbreytt, sérstaklega
návígið við alla skriðjöklana. Jöklar
eru bara ótrúlegir og það er ástæðan
fyrir því að ég kem aftur og aftur á
þetta svæði, þeir eru alltaf að breyt­
ast. Á sumrin eru fullt af skemmti­
legum gönguleiðum og fallegur
gróður og á veturna verða jöklarnir
himinbláir og íshellar myndast
sem hægt er að skoða. Landslag
sem myndast í kringum jöklana er
líka svo áhugavert, þar sem sjá má
hvernig þeir hafa rutt fram jarð­
vegi og mótað fjöllin í kring. Svæðið
hefur því upp á að bjóða miklar
andstæður í landslagi, sem gerir það
enn meira spennandi og áhugavert,“
segir hún.
Hún segir margt í boði á svæðinu
fyrir ferðalanga og fjölskyldufólk.
„Þú getur farið í ævintýralegar
jöklagöngur og ísklifur, heimsótt
Jökulsárlón og horft á ísjaka fljóta í
lóninu eða farið í humarkvöldverð
á Höfn. Auk þess er hægt að velja á
milli hótelgistingar, eða skella sér í
útilegu á tjaldsvæðinu í Skaftafelli
sem er ótrúlega fallegt svæði.“
Margar faldar perlur
Svæðið segir hún líka kjörið fyrir þá
sem vilja í göngu.
„Það eru gönguleiðir á öllum
erfiðleikastigum í kringum Skafta­
fell, eins og Svartifoss sem er 40
mínútna falleg og auðveld ganga.
Einnig eru bátsferðir í boði bæði
á Fjallsárlóni og Jökulsárlóni. Svo
er hægt að fara með traktor út í
Ingólfshöfða, þar sem hægt er að
sjá Vatnajökul úr fjarska, skoða
höfðann og lunda sem búa í klett­
unum. Einnig er frábær skemmtun
að standa aftan í traktornum sem
keyrir yfir svarta sanda og ár,“ segir
hún.
Er einhver staður sem þú átt eftir
að heimsækja á svæðinu, en er á
óskalistanum?
„Mig hefur alltaf dreymt um að
ganga á Hvannadalshnjúk, hæsta
tind Íslands. Draumurinn er að gera
það á fjallaskíðum, ganga upp og
skíða niður á fallegum vordegi. Ég
get ímyndað mér að það sé mögnuð
upplifun. Mig dreymir einnig um
að fljúga yfir svæðið og sjá jökla að
ofan, frá nýju sjónarhorni,“ segir Ása.
Ása segist hafa uppgötvað margar
faldar perlur á ferð sinni um svæðið.
„Heitu pottarnir í Hoffelli og
Hoffellslón innar í dalnum, eru
tvær faldar perlur sem fáir virðast
vita um. Auk þess finnst mér það
að skella sér í jöklagöngu ákveðin
„falin perla,“ því margir Íslending­
ar hafa einfaldlega ekki upplifað
hvernig það er að ganga á jökul. En
það finnst mér að við öll ættum að
gera að minnsta kosti einu sinni
á lífsleiðinni. Nýlega fór ég einn­
ig á kajak út á Jökulsárlón sem var
mögnuð upplifun, þar sem maður
svífur á milli ísjakanna. Auk þess
eru íshellarnir á veturna algjört
náttúruundur,“ segir hún.
Hvað stóð upp úr við gerð þátt-
anna?
„Að horfa á sólsetur á Stokksnesi,
ganga Falljökul og fá að síga ofan í
jökulsprungu,“ segir Ása.
Hægt er að nálgast þættina á You­
Tube og visitvatnajökull.is.
Steingerður Sonja
Þórisdóttir
steingerdur@frettabladid.is
1 . Á G Ú S T 2 0 2 0 L A U G A R D A G U R20 H E L G I N ∙ F R É T T A B L A Ð I Ð