Fréttablaðið - 01.08.2020, Blaðsíða 44

SKJÓLBREKKA ER
MJÖG SKEMMTILEGT
TÓNLEIKAHÚS, HLJÓMURINN ER
GÓÐUR OG Í HÚSINU ER NOTA-
LEGUR ANDI.Tónleikahátíðin Músík í Mývatnssveit hefur verið haldin í rúm 20 ár og þá í dymbilviku. Af augljósum ástæðum var ekki hægt að halda
hátíðina á þeim tíma þetta árið og
hún er því með breyttu sniði. Í stað
tvennra tónleika sem hafa verið á
dagskrá hátíðarinnar verða einir
tónleikar, í Skjólbrekku föstudag-
inn 7. ágúst kl. 20.00.
Laufey Sigurðardóttir fiðluleikari
er stofnandi hátíðarinnar og hefur
haft veg og vanda af henni öll árin.
Þetta árið kemur hún fram ásamt
Oddi Arnþóri Jónssyni baríton og
Elísabetu Waage sem spilar á hörpu.
Hljómur hörpunnar
Um efnisskrána segir Elísabet: „Við
Laufey spilum sónötu eftir Schu-
bert. Hún var upphaf lega samin
fyrir fiðlu og píanó en ég aðlagaði
hana að hörpunni og fékk smáað-
stoð til þess. Hljómur hörpunnar
hæfir Schubert mjög vel.
Á tímum Schuberts hljómaði
píanóið líka allt öðruvísi en í dag.
Hljómurinn var ekki eins stór og
mikill. Sumir einleikarar og ein-
söngvarar tala um að það geti verið
erfitt að spila og syngja á móti
píanóinu, það sé svo voldugt að ekki
sé hægt að syngja eða spila mjög
veikt. Með hörpunni er þetta auð-
veldara. Okkur þykir þessi sónata
ekki njóta sín síður með hörpu en
slaghörpu.“
Eftir að sónata Schuberts hefur
hljómað leika Elísabet og Laufey
útsetningar eftir Tryggva Baldvins-
son á íslenskum sönglögum og þjóð-
lögum fyrir fiðlu og hörpu.
Kómísk ljóð og lög
Eftir hlé syngur Oddur sönglög eftir
Schubert, Gesänge des Harfners,
Söngva hörpuleikarans, við ljóð
eftir Goethe. „Ekki mjög glaðlegir
textar sem fjalla um einmanaleik-
ann,“ segir Elísabet. „Oddur syngur
síðan aríu úr Tannhäuser eftir Wag-
ner og svo verða f lutt þrjú þekkt
sönglög eftir Árna Thorsteinsson:
Nótt, Rósin og Fögur sem forðum.
Við endum á lögum eftir Tryggva
Baldvinsson sem hann samdi við
ljóð úr Heimskringlu eftir Þórarin
Eldjárn. Bæði ljóðin og lögin eru
kómísk.“
Elísabet tekur nú þátt í Músík í
Mývatnsveit í þriðja sinn. Hún segir
upplifunina dásamlega. „Skjól-
brekka er mjög skemmtilegt tón-
leikahús, hljómurinn er góður og í
húsinu er notalegur andi. Mývetn-
ingar eru greinilega tónlistaráhuga-
fólk og mæta vel á tónleikana. Það er
óskaplega gaman að vera í Mývatns-
sveit og fegurð sveitarinnar mikil.“
Tónlist og fegurð Mývatnssveitarinnar
Fjölbreytileg músík hljómar í Mývatnssveit í næstu viku. Laufey Sigurðardóttir,
Oddur Arnþór Jónsson og Elísabet Waage koma fram á tónleikum í Skjólbrekku.
Elísabet leikur á hörpu á tónleikum í Mývatnssveit. FRÉTTABLAÐIÐ/ERNIR
Krakkaleikir í Kvosinni verða fyrir framan Landnámssýn-inguna í Reykjavík, Aðal-
stræti 16, kl. 13 í dag, laugardaginn
1. ágúst.
Í Reykjavíkurkvosinni hafa alltaf
verið krakkar, alveg frá víkingaöld
og alls staðar þar sem krakkar búa
vilja þau leika sér. En hvernig voru
leikirnir í gamla daga og í eldgamla
daga? Skoðaðir verða, bæði úti og
inni, alls konar krakkaleikir sem
voru vinsælir fyrir 100 árum eða
1.000 árum.
Þátttaka er ókeypis. Leiðsögu-
maður og leikjastjórnandi verður
Jón Páll Björnsson, sagnfræðingur
og barnabókahöfundur.
Krakkaleikir
í Kvosinni
Við krakkaleik í Kvosinni.
Kolbrún
Bergþórsdóttir
kolbrunb@frettabladid.is
Einkasýning Hugleiks Dags-sonar, Ríða drepa kúra verður opnuð í Þulu í dag, 1. ágúst
klukkan 16.00. Þar býðst gestum
að sjá nýja hlið á listamanninum.
Karakterar verkanna eru innblásnir
af spili sem Hugleikur mun kynna
fyrir okkur hér heima og heiminum
öllum, í lok mánaðarins.
Fimm gestum verður hleypt inn í
einu til að berja listina augum. Fyrir
utan verður stórt tjald þar sem gest-
ir geta skýlt sér fyrir rigningunni
meðan beðið er.
Hugleikur sýnir
nýja hlið í Þulu
Hugleikur Dagsson opnar einka-
sýninguna, Ríða drepa kúra í dag.
BÆKUR
Þögli sjúklingurinn
Alex Michaelides
Þýðing: Ingunn Snædal
Fjöldi síðna: 326 bls.
Útgefandi: Útgáfan
Á upphafssíðum Þögla sjúklingsins
er að finna lofromsur frá þekktum
einstaklingum eins og Lee Child og
Stephen Fry sem halda vart vatni yfir
hrifningu á þessari frumraun Alex
Michaelides. Bókin er sögð: stór-
kostleg, frumleg, einstök, snilldarleg,
frábær og gjörsamlega frábær, yfir-
þyrmandi, hrikalega spennandi,
meistaralega úthugsuð, frábærlega
skrifuð – og eru þá ekki öll lofsyrðin
talin upp. Í stuttu máli stendur
bókin engan veginn undir svo miklu
lofi, þótt ekki sé hún slæm.
Dag einn skaut Alicia Berenson
eiginmann sinn í höfuðið og eftir
það talar hún ekki. Sálmeðferðar-
fræðingurinn Theo Faber fær áhuga
á máli Aliciu og reynir að ná til
hennar.
Höfundi tekst að skapa vissa
dulúð og spennu í kringum sögu
Aliciu, sem er afar óræð persóna.
Eina stundina er lesandinn sann-
færður um að hún sé sek um morðið
á eiginmanninum en hina stundina
efast hann um það. Aðalpersónan
Theo virkar ekki
alltaf sem áreið-
anleg u r sög u-
maður og þegar
hann tekur upp
á því að reykja
hass af miklum
móð með t il-
heyrandi tilfinn-
ingasveif lum er
hætt við að les-
andinn fari að líta hann tortryggn-
um augum. Sennilega einmitt það
sem höfundurinn ætlaðist til. Ljóst
er að hann hefur ekki ætlað sér að
gera Theo að heilsteyptri persónu
því mikil togstreita er ríkjandi í
sálarlífi hans.
Fullmikið er hér um sálfræðilegar
hugleiðingar um það hversu mikil
áhrif atburðir í æsku hafa á mótun
persónuleika fólks. Þeir sem eru
þannig innstilltir hafa vísast áhuga
á þessum þætti sögunnar, en öðrum
kann að þykja miklu meira en nóg
um allar þær endurtekningar. Hug-
leiðingar um ástina eru mun betur
heppnaðar, eins og þær að raun-
veruleg ást sé hljóð og mjög kyrr.
„Ástin er djúp og stillt – og stöðug,“
segir ein af aukapersónum bókar-
innar, sem er um leið ein sú áhuga-
verðasta. Í framvindu sögunnar og
uppgjörinu undir lokin opinberast
glöggt að sagan fjallar ekki um þess
konar ást, heldur af brýði og tryll-
ing.
Þegar líða fer á verður sagan
nokkuð þvælukennd og dramatíkin
er yfirkeyrð. Þegar kemur að lausn
gátunnar tekst höfundi þó að koma
lesendum á óvart og fær vitanlega
plús fyrir það. Kolbrún Bergþórsdóttir
NIÐURSTAÐA: Glæpasaga um dularfulla
konu og glæp. Fremur spennandi en
verður þó þvælukennd á köflum. Fremur
óvæntur endir er stór plús.
Dularfulla konan
1 . Á G Ú S T 2 0 2 0 L A U G A R D A G U R32 M E N N I N G ∙ F R É T T A B L A Ð I Ð
MENNING