Morgunblaðið - 14.01.2020, Qupperneq 11

FRÉTTIR 11Innlent
MORGUNBLAÐIÐ ÞRIÐJUDAGUR 14. JANÚAR 2020
Bæjarlind 6 | sími 554 7030
Við erum á facebook
40-50%
afsláttur
Buxur
Peysur
Jakkar
Bolir
Toppar
Kjólar
Túnikur
ÚTSALA
Ágúst Ingi Jónsson
aij@mbl.is
Ein af þremur aðalvélum rannsókna-
skipsins Bjarna Sæmundssonar er
ónýt, en hún gaf sig í nóvember.
Skipt verður um vél í Slippnum í
Reykjavík og þarf að gera gat á síðu
skipsins til að taka gömlu vélina út
og koma þeirri nýju fyrir í vélarrúm-
inu.
Sigurður Guðjónsson, forstjóri
Hafrannsóknastofnunar, áætlar að
vélaskiptin kosti um 20 milljónir
króna, en um leið verður skipið botn-
hreinsað. Áætlað er að næsta verk-
efni skipsins hefjist 10. febrúar, en
það er að kanna ástand sjávar og síð-
an er marsrall fram undan fyrri
hluta marsmánaðar. Sigurður reikn-
ar ekki með að röskun verði á þess-
um verkefnum.
Miklar endurbætur 2003
Bjarni Sæmundsson er fimmtíu
ára gamalt skip og fór í fyrsta rann-
sóknaleiðangur sinn í janúar 1971.
Árið 2003 voru gerðar gagngerar
endurbætur á skipinu hjá Slippstöð-
inni á Akureyri og var meðal annars
skipt um allar þrjár aðalvélar skips-
ins. Breytingarnar fyrir 17 árum
voru meðal annars gerðar með það í
huga að lengja nýtingartíma skipsins.
Haustið 2017 kom í ljós mikil tær-
ing í leiðslum, veltitanki og vinnu-
þilfari skipsins og skömmu áður hafði
stjórntölva fyrir eina af vélum skips-
ins bilað. Viðgerð tók nokkrar vikur.
Unnið er að undirbúningi á smíði
nýs hafrannsóknaskips og er vonast
til að það verði komið í notkun innan
þriggja ára.
Togararall og loðnuleit
Ríkiskaup auglýstu fyrir hönd
Hafrannsóknastofnunar í desember
eftir tilboðum vegna tímabundinnar
leigu á tveimur togurum í togararall
eða stofnmælingar í marsmánuði.
Óskað var eftir leigu á einum togara
á NA-svæði og einum á Suðursvæði.
Samkvæmt upplýsingum Sigurðar
bárust þrjú tilboð sem verið er að
fara yfir og í framhaldinu verður
gengið til samninga.
Rannsóknaskipið Árni Friðriks-
son hélt í loðnuleiðangur frá Reykja-
vík síðdegis í gær. Auk Árna taka tvö
veiðiskip þátt í leitinni og er vonast
til að skaplegt veður verði til að hefja
leit úti fyrir Austfjörðum á morgun,
miðvikudag. Birkir Bárðarson, fiski-
fræðingur á Hafrannsóknastofnun,
er leiðangursstjóri.
Skipt um eina af þremur vélum
Ljósmynd/Þorgeir Baldursson
Á leið í slipp Áætlað er að kostnaður vegna vélarbilunar í Bjarna Sæmundssyni verði um 20 milljónir króna.
 Vélar Bjarna Sæmundssonar voru endurnýjaðar 2003  Skipið 50 ára gamalt
Gunnlaugur Snær Ólafsson
gso@mbl.is
Formaður umhverfis- og sam-
göngunefndar Alþingis, Bergþór
Ólason, segir ástæðu til þess að
kalla fyrir þing-
nefndina fulltrúa
Isavia og sveitar-
stjórnar- og sam-
gönguráðuneyt-
isins til þess að fá
það á hreint hver
beri ábyrgð á því
að viðhaldsstig
flugvalla sem
skilgreindir eru
sem lendingar-
staðir sé með
þeim hætti að hægt sé að nýta þá.
Málið má rekja til umræðu sem
varð um helgina í kjölfar slyss
skammt frá Blönduósi þegar flytja
þurfti þrjá með þyrlu frá Blönduós-
flugvelli. Sætti Isavia harðri gagn-
rýni vegna ástands flugvallarins, en
Isavia vísaði á sveitarstjórnar- og
samgönguráðuneytið. Haft var eftir
Ingveldi Sæmundsdóttir, aðstoðar-
mann Sigurðar Inga Jóhannssonar
samgönguráðherra, í Morgun-
blaðinu í gær að ráðuneytið gæti
ekki haft skoðun á einstökum þátt-
um á einstökum flugvöllum þar sem
flugvellirnir væru í umsjón Isavia,
sem bæri að tryggja að þeir væru í
nothæfu ástandi.
Tilefni til skoðunar
„Eina svarið við þessu er að fá
báða aðila fyrir umhverfis- og sam-
göngunefnd og fá botn í það hvar
vandinn liggur. Það blasir við að
pólitíska ábyrgðin liggur hjá sam-
gönguráðherra,“ segir Bergþór og
vísar til þjónustusamnings ráðu-
neytisins við Isavia. „Ef ráðuneytið
vill meina að það sé engin pólitísk
sýn í þeim þjónustusamningi heldur
bara endurómuð greining Isavia þá
verður ráðuneytið samt sem áður
að bera ábyrgðina.“
Nefndarformaðurinn segir fullt
tilefni til þess að skoða flugvallar-
málin nánar. „Ég held að það sé að
mörgu leyti ágætt að þetta komi
fram núna, því nú er samgöngu-
áætlun í endurskoðun og þá getur
umhverfis- og samgöngunefnd tek-
ið afstöðu til þess hvort þessi mál
verði ávörpuð sérstaklega í
nefndaráliti.“
Hann segir viðhaldi ekki hafa
verið sinnt í langan tíma á þeim
flugvöllum þar sem innanlandsflug
var lagt af og bendir meðal annars
á flugvellina á Blönduósi, Rifi, Pat-
reksfirði og Stykkishólmi.
„Þetta eru staðir sem ég tel
ástæðu til þess að halda við til að
tryggja að þarna séu vellir sem
geta tekið við sjúkraflugi og þyrlum
eftir því sem við á. Við höfum auð-
vitað byggt upp heilbrigðisþjónustu
landsins þannig að meginþungi
þjónustunnar er á höfuðborgar-
svæðinu. Þannig að það er ekki
nema eðlilegt að menn geri ráðstaf-
anir svo að í bráðatilvikum sé hægt
að komast hratt til og frá aðal-
spítalanum.“
Morgunblaðið/Jón Sigurðsson
Neyðarflug Rútuslysið á föstudag hefur leitt til umræðu um öryggishlutverk og ástand flugvalla á landsbyggðinni.
Hyggst kalla ráðuneytið
og Isavia fyrir þingnefnd
 Kveðst vilja tryggja að flugvellir séu í nothæfu ástandi
Bergþór
Ólason
Hæstiréttur hefur fallist á að taka
fyrir mál sem Garðabær höfðaði
gegn ríkinu vegna starfsemi hjúkr-
unarheimilisins Ísafoldar.
Bæði héraðsdómur og Landsrétt-
ur sýknuðu ríkið af kröfum Garða-
bæjar um bætur vegna uppsafnaðs
taps af rekstri hjúkrunarheimilisins
á árunum 2013-15 þar sem daggjöld
frá ríkinu dugðu ekki fyrir rekstrar-
kostnaði.
Landsréttur taldi að samningur
aðila frá því í maí 2010 yrði ekki túlk-
aður með þeim hætti að ríkið hefði
með honum skuldbundið sig til að
greiða rekstrarkostnað hjúkrunar-
heimilisins.
Komst Landsréttur að þeirri
niðurstöðu að ríkið hefði axlað skyld-
ur sínar lögum samkvæmt gagnvart
hjúkrunarheimilinu Ísafold með því
að tryggja hjúkrunarheimilum fjár-
veitingar á fjárlögum fyrir árin 2013
til 2015 og leggja hjúkrunarheimil-
inu til daggjöld samkvæmt reikni-
líkani um skiptingu fjárveitinga frá
Alþingi til hjúkrunarheimila, í sam-
ræmi við reglugerðir og gjaldskrá
Sjúkratrygginga Íslands.
Garðabær skaut málinu til Hæsta-
réttar og vísaði einkum til þess að
úrslit málsins hefðu verulegt al-
mennt gildi þar sem ágreiningur að-
ila lyti að skyldu gagnaðila til að
standa straum af kostnaði við að
reka starfsemi sem honum væri
skylt að sinna lögum samkvæmt og
ríkinu væri skylt að standa straum af
kostnaði við rekstur hjúkrunarheim-
ilisins, sem var umfram greidd dag-
gjöld.
Féllst Hæstiréttur á að málið gæti
haft fordæmisgildi.
Deila um Ísafold
til Hæstaréttar
 Rétturinn fellst á málskotsbeiðni
Garðabæjar í máli gegn ríkissjóði
Morgunblaðið/Ómar
Málaferli Ísafold í Garðabæ en ríkið
og bærinn hafa deilt um rekstur þess.
Tvítugur karlmaður hefur verið
ákærður fyrir stórfellda líkamsárás
gegn 17 ára gamalli stúlku, þáver-
andi kærustu sinni, annað ofbeldis-
brot gagnvart sömu stúlku og einn-
ig fyrir ofbeldisbrot og hótanir gegn
átján ára stúlku, en greint var frá
þessu í kvöldfréttum Stöðvar 2 í
gær.
Mál mannsins hefur verið til um-
fjöllunar í fjölmiðlum undanfarna
mánuði, en hann hefur setið í gæslu-
varðhaldi vegna stórfelldrar árásar
á þáverandi kærustu sína 19. októ-
ber síðastliðinn.
Fram kom í frétt Stöðvar 2 að
maðurinn væri ákærður fyrir að
hafa veitt stúlkunni ítrekuð spörk
sem sérstaklega beindust að höfði
og fyrir að taka hana hálstaki og
þrengja að öndunarvegi hennar.
Stúlkan hlaut beinbrot í andliti og
ýmsa fleiri áverka á höfði og víðar
um líkamann við árásina.
Lögreglan á höfuðborgarsvæðinu
fer með ákæruvald í málinu og kom
fram að sá háttur væri hafður á til
þess að flýta meðferð þess, en
venjulega annaðist héraðssaksókn-
ari alvarleg mál sem þetta.
Ákærði sætir gæsluvarðhaldi til
7. febrúar.
Ákærður fyrir stór-
fellda líkamsárás