Morgunblaðið - 16.01.2020, Page 69

Ljósmynd/Einar Ragnar Haraldsson
ÍÞRÓTTIR 69
MORGUNBLAÐIÐ FIMMTUDAGUR 16. JANÚAR 2020
Hversu dýrkeyptur verður
þessi hörmulegi síðari hálfleikur
hjá íslenska landsliðinu í hand-
bolta í gær þegar það tapaði fyrir
Ungverjum í Malmö?
Einhverjir gleðjast sjálfsagt
yfir því að Danir skuli vera úr leik
á EM en það hefði svo sannarlega
verið hagur íslenska liðsins að
taka stigalausa Dani með sér í
milliriðilinn.
Losna þar með við Ungverjana
út úr keppninni um ólympíu-
sætið, auk þess sem Danir hefðu
verið afar líklegir til að geta hjálp-
að íslenska liðinu talsvert til að
ná takmarki sínu með því að
vinna helstu keppinauta þess í
milliriðlinum.
Nú verður leiðin til Tókýó mun
erfiðari því Ísland fer inn í milli-
riðilinn með tveimur stigum
minna en Ungverjaland og Slóv-
enía í okkar riðli og Austurríki í
hinum riðlinum. Þessi þrjú lið
hafa þegar náð forskoti á okkar
menn.
Auk þessara þjóða eru Hvíta-
Rússland, Tékkland og Portúgal
áfram með í baráttunni um tvö
eða mögulega þrjú sæti í undan-
keppni Ólympíuleikanna sem fer
fram í aprílmánuði.
Fyrsti leikur milliriðilsins er
gegn Slóveníu á morgun og hann
verður hreinlega að vinnast til að
Ísland geti blandað sér í þessa
keppni og haldið ólympíu-
draumnum lifandi.
Einhverjir voru farnir að láta
sig dreyma um að komast alla
leið í undanúrslit eftir sigrana
flottu á Dönum og Rússum.
Auðvitað er allt opið enn. Það
þýðir ekkert að leggjast í eymd
og volæði yfir einum tapleik. Það
munu Guðmundur og lærisveinar
hans örugglega ekki gera.
BAKVÖRÐUR
Víðir Sigurðsson
vs@mbl.is
EM 2020
Jóhann Ingi Hafþórsson
johanningi@mbl.is
„Menn eru svekktir. Það var mikið í
húfi og við ætluðum okkur sigur í
leiknum,“ sagði svekktur Guð-
mundur Þórður Guðmundsson,
landsliðsþjálfari í handbolta, í sam-
tali við Morgunblaðið eftir vont
18:24-tap fyrir Ungverjum í loka-
leik Íslands í E-riðli á EM karla í
Malmö í gær.
„Við spiluðum mjög vel í fyrri
hálfleik, fyrir utan að við vorum
ekki nægilega fljótir í gang. Við
unnum okkur mjög vel inn í leikinn
og hefðum átt að vera fimm mörk-
um yfir í hálfleik. Forystan var hins
vegar bara þrjú mörk.
Þetta byrjaði svo ágætlega í síð-
ari hálfleik en við fórum að klúðra
færum og gerðum þeim auðveldara
fyrir. Við fórum svo að gefa eftir í
vörninni og línumaðurinn þeirra
fékk allt í einu úr of miklu að spila.
Þeir voru eingöngu búnir að skora
sjö mörk á fyrstu 29 mínútum leiks-
ins. Þeir skoruðu svo tvö síðustu
mörkin í fyrri hálfleiknum og það
var mjög slæmt,“ sagði Guð-
mundur, sem er skiljanlega ósáttur
við seinni hálfleikinn.
Margir þættir fóru úrskeiðis
„Það voru margir þættir í þessu.
Markvarslan var engin í síðari hálf-
leik, vörnin gaf eftir og við gerðum
okkur seka um að slæman sóknar-
leik. Markvörðurinn hjá þeim var
með tíu bolta varða í seinni hálfleik
og heilt yfir var þetta ekki gott.
Það var mjög vont að tapa þessum
leik með sex mörkum. Ég hefði vilj-
að laga það, þar sem markatalan
skiptir máli. Við tökum markatöl-
una með okkur í milliriðil.“
Frábærir tvo og hálfan leik
Þrátt fyrir tapið hafa fimm af sex
hálfleikum verið vel spilaðir af
hálfu íslenska liðsins á mótinu til
þessa. Guðmundur er ánægður með
að vera á leiðinni í milliriðla úr erf-
iðum riðli.
„Við verðum líka að líta á þetta
mót í heild sinni. Ef Danir hefði
unnið Ungverja værum við úti og
ekki á leið í milliriðil, þrátt fyrir að
við höfum unnið tvo fyrstu leikina.
Fram til þessa höfum við spilað tvo
og hálfan leik frábærlega, við átt-
um bara slakar 30 mínútur í seinni
hálfleik í dag.“
Tökum einn leik í einu
Ísland mætir Slóveníu, Portúgal,
Noregi og Svíþjóð í milliriðlinum
frá föstudegi til miðvikudags.
„Þetta eru allt góð lið í dag. Slóv-
enar eru með frábært lið og unnu
Svía á sínum heimavelli. Portúgal
er búið að vera spútnikliðið og í
stöðugri framför. Mér líst vel á
þennan riðil samt sem áður. Við
tökum einn leik í einu og næst er
það Slóvenía. Við förum að safna
liði núna og gera okkur klára fyrir
föstudaginn,“ sagði Guðmundur Þ.
Guðmundsson, en fyrsti leikurinn,
við Slóveníu, er í Malmö á morgun.
Mjög vont að tapa
þessum leik með
sex mörkum
Ljósmynd/Einar Ragnar Haraldsson
EM Guðmundur Þ. Guðmundsson
býr liðið undir leik við Slóvena.
Dagskrá karla-
landsliðs Íslands
í knattspyrnu í
júnímánuði er
komin á hreint,
eins langt og það
nær, því í gær til-
kynnti KSÍ að
samið hefði verið
við Færeyinga
um vináttulands-
leik á Laugar-
dalsvellinum 3. júní. Sex dögum síð-
ar verður leikið við Pólverja í
Poznan en ef Ísland tryggir sér sæti
í lokakeppni EM verður fyrsti
leikurinn þar gegn Portúgölum í
Búdapest 16. júní.
Ísland og Færeyjar hafa mæst 25
sinnum og hefur Ísland unnið 23 af
þeim en sjö ár eru liðin frá síðustu
viðureign þjóðanna. Sumarið 2013
skoraði Kolbeinn Sigþórsson sigur-
mark Íslands á Laugardalsvell-
inum, 1:0.
Léku við Kanada í nótt
Kolbeinn er einmitt einn af fáum
fastamönnum landsliðsins sem eru
með því í Kaliforníu þessa dagana.
Ísland mætti þar Kanada í fyrsta
vináttulandsleik ársins í nótt, en
viðureign liðanna hófst á miðnætti í
borginni Irving. Umfjöllun um leik-
inn má sjá á mbl.is/sport. vs@mbl.is
Mæta Fær-
eyingum í
Laugardal
Kolbeinn
Sigþórsson
Fabinho og Joël Matip, leikmenn enska knattspyrnuliðs-
ins Liverpool, eru mættir aftur til æfinga eftir meiðsli.
Fabinho lék síðast gegn Napoli 27. nóvember en Matip
hefur ekki spilað síðan 20. október.
Fabinho hefur verið að glíma við meiðsli í ökkla en
Matip meiddist á hné. Þá er króatíski miðvörðurinn
Dejan Lovren nálægt því að vera klár í slaginn eftir
meiðsli í læri.
Endurkoma Fabinho kemur á kærkomnum tíma fyrir
Jürgen Klopp, knattspyrnustjóra Liverpool, vegna
meiðsla annarra leikmanna. James Milner og Naby
Keita eru báðir að glíma við meiðsli og er óvíst hvort þeir verða klárir í
slaginn er Liverpool fær erkifjendurna í Manchester United í heimsókn í
ensku úrvalsdeildinni á sunnudag.
 Tottenham fékk liðsauka í gær þegar félagið fékk Gedson Fernandes,
21 árs gamlan miðjumann, lánaðan frá Benfica næstu 18 mánuðina. Hann
hefur leikið tvo A-landsleiki fyrir Portúgal.
Endurheimta sterka menn
Fabinho
María Finnbogadóttir, landsliðs-
kona í alpagreinum, sigraði í gær á
alþjóðlegu FIS-móti í svigi í Aust-
urríki. Um var að ræða ungverska
meistaramótið fyrir 16-20 ára en
var þó haldið í St. Lambrecht í
grannríkinu Austurríki. Er þetta
fyrsti sigur Maríu á erlendri
grundu en hún tók forystuna í fyrri
ferðinni og var með næstbesta tím-
ann í þeirri seinni. Á morgun fer
fram ungverska meistaramótið í
fullorðinsflokki og verður María þá
aftur á meðal keppenda í svigi.
María sigraði
í Austurríki
Ljósmynd/SKÍ
Sigraði María Finnbogadóttir stóð
sig vel í Austurríki.
Þrefaldir meistarar Vals unnu afar
sannfærandi 93:54-sigur á Snæfelli
á heimavelli í 16. umferð Dominos-
deild kvenna í körfubolta í gær-
kvöld. Valskonur hafa verið að gefa
eftir í síðustu umferðum en þær
sýndu gestunum úr Stykkishólmi
enga miskunn. Helena Sverrisdóttir
átti besta leik sinn í nokkurn tíma
og er hún komin í gott stand eftir
meiðsli. KR er í öðru sæti, fjórum
stigum á eftir Val. KR-ingar unnu
þægilegan 79:60-sigur á Breiða-
bliki. Danielle Rodriguez átti einn
sinn besta leik fyrir KR til þessa, en
hún skoraði 31 stig. Rodriguez hef-
ur verið einn besti leikmaður deild-
arinnar síðustu ár en ekki náð sömu
hæðum með KR og hún gerði með
Stjörnunni.
Haukar unnu Grindavík, 80:73,
og hafa unnið sex af síðustu sjö og
Skallagrímur vann nauman sigur á
Grindavík, 58:55. Haukar og Skalla-
grímur eru aðeins tveimur stigum
frá Keflavík sem er í þriðja sæti.
Morgunblaðið/Eggert
Ólíkt Salbjörg Ragna Sævarsdóttir í Keflavík tapaði í gærkvöld en Sylvía
Rún Hálfdanardóttir skoraði 24 stig fyrir Val í stórsigri gegn Snæfelli.
Þreföldu meistararnir
sýndu klærnar
Malmö Arena, EM karla, E-riðill, mið-
vikudag 15. janúar 2020.
Gangur leiksins: 0:3, 6:3, 8:5, 11:6,
12:7, 12:9, 14:11, 15:14, 17:16, 17:21,
18:21, 18:24.
Mörk Íslands: Aron Pálmarsson 4,
Guðjón Valur Sigurðsson 4, Alexand-
er Petersson 3, Kári Kristján Krist-
jánsson 2, Ólafur Guðmundsson 1,
Arnór Þór Gunnarsson 1, Haukur
Þrastarson 1, Janus Daði Smárason
1, Ýmir Örn Gíslason 1.
Varin skot: Björgvin Páll Gústavsson
ÍSLAND – UNGVERJALAND 18:24
6, Viktor Gísli Hallgrímsson 2/1.
Utan vallar: 8 mínútur.
Mörk Ungverjalands: Bence Bán-
hidi 8, Zoltán Szita 5, Bendegúz
Bóka 4, Mátyás Györi 3, Zsolt Ba-
logh 2/1, Péter Hornyák 1, Patrik Li-
getvári 1.
Varin skot: Roland Mikler 16/3,
Márton Székely 1/1.
Utan vallar: 8 mínútur.
Dómarar: Andreu Marín og Ignacio
García, Spáni.
Áhorfendur: 7.587.