Morgunblaðið - 16.01.2020, Qupperneq 80

ILVA Korputorgi, s: 522 4500 - www.ILVA.is
laugardaga og sunnudaga 12-18
mánudaga - föstudaga 11-18:30
Útsalaallt að 70%
af völdum vörum
LOTUS 3JA SÆTA með Golf NA 0566 bláu áklæði.
L 217 x D 87 cm. Áður 99.900 kr. NÚ 49.950 kr.
nú49.950
SPARaðu 49.950
Lotus
KINGSTON HÆGINDASTÓLL
með gráu áklæði. L 136 x D 113 cm.
Áður 159.900 kr.NÚ 99.900 kr.
99.900
SPARaðu 60.000
COMO VEGGLJÓS svart með
glærum kúpli. H 21,7 x L 33,5 cm.
Áður 9.995 kr. Nú 7.495 kr.
HYPE BORÐSTOFUSTÓLL
Rautt velúr. Áður 29.900 kr. Nú 14.950 k
14.950
SPARaðu 14.950
22.425
SPARaðu 7.475
r. FASANO SÓFABORÐ
Reyklituð eik. Svartir fætur. Ø 70 x H 40 cm.
Áður 29.900 kr. Nú 22.425 kr.
Fyrstu hádegistónleikar ársins í
röðinni Á ljúfum nótum verða í dag í
Fríkirkjunni í Reykjavík. Þar hyggst
dúettinn Singimar fara ótroðnar
slóðir dúóformsins með spuna að
leiðarljósi. Dúettinn skipa Sigmar
Þór Matthíasson á kontrabassa og
Ingi Bjarni Skúlason á píanó.
Tónleikarnir hefjast kl. 12 og
taka um hálfa klukkustund.
Singimar leikur í Frí-
kirkjunni í hádeginu
FIMMTUDAGUR 16. JANÚAR 16. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 670 kr.
Áskrift 7.240 kr. Helgaráskrift 4.520 kr.
PDF á mbl.is 6.420 kr. iPad-áskrift 6.420 kr.
Íslenska karlalandsliðið í hand-
knattleik, sem tapaði 18:24 fyrir
Ungverjum í gær, mætir Slóveníu í
fyrsta leik milliriðlakeppni Evrópu-
mótsins í Malmö á morgun. Slóv-
enar hafa unnið alla leiki sína á EM
til þessa. Síðan er leikið við Portú-
gal á sunnudag, Noreg á þriðjudag
og loks við Svíþjóð á miðvikudag-
inn kemur. »68-69
Mæta Slóvenum í
Malmö á morgun
ÍÞRÓTTIR MENNING
Í tilefni af 10 ára afmæli Frystiklef-
ans á Rifi ætlar Kári Viðarsson, í
samstarfi við fjölmarga bakhjarla
og velunnara, að gefa öllum sem
eru með lögheimili í Snæfellbæ árs-
miða sem gildir á alla viðburði árs-
ins 2020. „Með þessu sendum við
þakkir til samfélagsins,“ segir á
Facebook-síðu Frystiklefans og
bent á að þessi tímamótagjöf eigi
sér enga hliðstæðu í
íslenskri lista- eða
menningarsögu.
„Án ykkar mætingar
og stuðnings væri
starf okkar tilgangs-
laust,“ er skrifað og
lofað skemmtilegu
ári með geggj-
uðum lista-
mönnum.
Gefa íbúum ársmiða í
tilefni af 10 ára afmæli
Steinþór Guðbjartsson
steinthor@mbl.is
Feðgarnir Sverrir Friðþjófsson, sem
kallaður var Sveddi í skóla, og
Sverrir Þór Sverrisson, sem gjarnan
er nefndur Sveppi, fóru með kvik-
myndagerðarmönnum í heimsreisu í
fyrra, ferðalagið var tekið upp og
verður sýnt í sex þáttum í Sjónvarpi
Símans. Þáttaröðin heitir „Pabbi
skoðar heiminn“ og verður fyrsti
þátturinn sýndur 4. febrúar.
Þetta er frumraun föðurins á hvíta
tjaldinu en sonurinn hefur verið þar
iðinn við kolann frá aldamótum.
„Sverrir Þór sagði að ég héngi bara
heima, nennti ekki að hreyfa mig,
færi aldrei út og kominn væri tími til
þess að dusta rykið af skónum, fara
aftur með honum á Rolling Stones-
hljómleika, sjá Tottenham spila eða
gera eitthvað,“ segir Sverrir um að-
draganda þáttanna. Hann segir að
þessar tillögur hafi engu breytt í
nokkur ár. „Þá varpaði Sverrir Þór
fram þeirri hugmynd að ég gerði
óskalista, skrifaði niður hvert ég
vildi fara, hvað ég vildi gera, en ekk-
ert varð úr því. Loks snerist umræð-
an um að heimsækja nokkrar borgir,
fara út fyrir Evrópu og Bandaríkin,
sem ég hafði aldrei gert, og við
ákváðum að fara í heimsreisu á fjór-
um vikum.“
Gubbupest og kvíði
Fimm manna teymi undir stjórn
Kristófers Dignus, leikstjóra og
handritshöfundar, ásamt feðgunum
og Huga Halldórssyni og Birni
Ófeigssyni, fór í ferðina í lok janúar í
fyrra. Flogið var til Parísar og síðan
í austurátt. Stoppað í um þrjá daga á
hverjum stað, í Egyptalandi, Dubai,
Indlandi, Taílandi, Japan, Hawaii,
Los Angeles og Las Vegas. „Þetta
var skrýtið,“ segir Sverrir. „Við vor-
um alltaf með hljóðnema á okkur og
spjölluðum um lífið og tilveruna, allt
var tekið upp sem við sögðum og
gerðum, þannig að í þáttunum kem-
ur fram sitt lítið af hverju fyrir utan
upplifunina á hverjum stað.“
Upplifunin var „stórkostlega
skemmtileg“, eins og Sverrir orðar
það. „Ekki er sérstaklega gaman á
flugvöllum og að fara tíu sinnum upp
í flugvél á mánuði er frekar lýjandi,“
segir hann. Leggur samt áherslu á
að félagsskapurinn hafi verið góður
og strákarnir léttir og skemmtilegir.
„Við reyndum að passa okkur á að
fara ekki út í vitleysu eins og amer-
íska drauminn, ég var dreginn af
báti og hékk í fallhlíf sem var tengd
við hann með um 300 metra löngu
reipi, fór á kaf í sjóinn, upp í hæsta
rússíbana í heimi og ég veit ekki
hvað. Ég er mjög lofthræddur og
stundum var ég með gubbupest og
kvíða fyrir því sem fram undan var
en allt gekk vel. Ég man samt ekk-
ert eftir rússíbanaferðinni í Tókýó
niður braut sem er hærri en Hall-
grímskirkjuturn.“
Frumraunin fyrir framan kvik-
myndatökuvélina var auðveldari en
Sverrir átti von á. „Ég lét hafa mig
út í allt og treysti í blindni á Sverri
Þór, elti bara og vissi oft ekki fyrr en
ég var kominn út í tóma vitleysu.
Hlutverkin hafa því snúist við, því
þegar hann var gutti hljóp hann allt-
af á eftir mér.“
Sverrir segir að nafnið á þáttaröð-
inni sé þannig til komið að þegar
barnabörnin hafi verið í heimsókn
hafi hann gjarnan lesið bókina Helgi
skoðar heiminn eftir Njörð P. Njarð-
vík fyrir þau. „Þetta var vinnuheiti
til að byrja með en það festist við.“
Pabbi skoðar heiminn
Ljósmyndir/Kristófer Dignus
Í Egyptalandi Sverrir Friðþjófsson og Sverrir Þór skoða píramída.
 Heimsreisa feðganna sýnd í sex þáttum í Sjónvarpi Símans
Dubai Feðgarnir hvíla lúin bein og leggja á ráðin í sandinum heita.