Morgunblaðið - 03.01.2020, Síða 2

2 MORGUNBLAÐIÐ FÖSTUDAGUR 3. JANÚAR 2020
Útgefandi Árvakur Umsjón Marta María Jónasdóttir Blaðamenn Ásgeir Ingvarsson ai@mbl.is Elínrós Líndal elinros@mbl.is, Margrét Hugrún Gústavs-
dóttir margret.hugrun@gmail.com Snæfríður Ingadóttir snaeja@gmail.com Auglýsingar Katrín Theódórsdóttir, kata@mbl.is Prentun Landsprent ehf.
Forsíðumyndina
tók Dóra Dúna
Þ
að er á vitorði flestra að nám er góð og gild leið til þess að auka
lífsgæði, víðsýni og fá hugsanlega betri vinnu. Það að fara í nám
með vinnu getur verið heilmikið mál og krefst þess að fólk for-
gangsraði hraustlega og taki til í eigin tilveru. En nám getur líka
komið eins og himnasending inn í líf fólks ef það er á kross-
götum.
Benedikt Þór Sigurðsson segir frá því hér í blaðinu hvernig hann notaði
nám til þess að komast í gegnum skilnað. Hann var 34 ára þegar hann hóf
háskólanám og hefur síðan stundað nám með fullri vinnu. Hann segir að
það að fara í nám hafi gjörbreytt lífi hans. Hann fékk til dæmis mun betri
vinnu í kjölfarið sem eykur lífsgleði og lífsgæði. Núna stundar hann nám í
verkefnastjórnun en segir að það komi alveg til greina að halda áfram eftir
það og fara jafnvel í MBA-nám.
„Þegar ég skildi við barnsmóður mína leitaði ég huggunar í náminu og
sökkti mér enn meira í það. Ég myndi segja að námið hefði í raun komið
mér í gegnum skilnaðinn,“ segir hann í viðtalinu.
Hann bendir á að ef hann hefði ekki farið í nám hefði hann bara eytt tím-
anum í rugl eins og að horfa á sjónvarpið eða eitthvað álíka gáfulegt.
Þeir sem hafa gengið í gegnum skilnað tengja örugglega við þetta enda
mögulega mun algengara að fólk fái unglingaveiki
við skilnað fremur en að bæta við sig verkefnum.
Nám gerir þó oft miklu meira fyrir fólk en það
grunar því það að fá sýn inn í annan heim hristir oft
upp í hlutunum. Fólk áttar sig kannski á því að það
sé á einhverri vegferð sem það vill ekkert endilega
vera á. Oft áttar fólk sig ekkert á því nema það lendi
á krossgötum.
Þótt nám með vinnu sé frábær hugmynd þá er
hægt að auðga líf sitt að svo mörgu leyti með því
að fara á styttri námskeið. Það að fara á hug-
leiðslunámskeið getur til dæmis bjargað lífi fólks
sem er á barmi kulnunar og jóganámskeið getur
gert kraftaverk fyrir þá sem eru stirðir.
Aðalmálið er að fylgja hjartanu og reyna að
hafa gaman af því í leiðinni. Það tvennt getur seint
klikkað!
Nám getur læknað sár
Marta María Jónasdóttir
Fólk á kross-
götum ætti að
skoða það að
bæta við sig
þekkingu í
stað þess að fá
unglingaveiki.
Hver uppáhaldsbókin þín?
„Þær eru nú ansi margar en ef ég ætti að nefna þær
sem koma upp í hugann núna þá eru tvær sem höfðu
mikil áhrif á mig. Konan sem gekk á hurðir eftir Roddy
Doyle er bók sem hafði það mikil áhrif á mig þegar ég las
hana fyrir um 20 árum að ég fann líkamlega til. Eins las
ég bókina Borgin bakvið orðin eftir manninn minn hann
Bjarna M. Bjarnason fyrir nokkrum árum og óháð nán-
um tengslum við höfundinn þá hafði lesturinn óútskýran-
leg og ævintýraleg áhrif á mig svo óvenjuleg er sagan og
skrifin falleg. Þegar ég segi þetta þá hefur Bjarni sjálfur
svipuð áhrif mig.“
Áttu þér uppáhaldssjónvarpefni?
„Ég er alæta á fréttaskýringar-
þætti og heimildamyndir. Er
núna að horfa mikið á 60 mín-
útur þeirra Ástrala og Fifth
Estate frá Kanada. Svo eru
góðar kúreka- og spennu-
myndir eitthvað sem ég
leita aftur og aftur í. Fara
þar fremst í flokki myndir
þeirra félaga John Wayne
og Clint Eastwood.“
Hvað gerir þú til að vera ekki
goslaus?
„Það fyllir alltaf á tankinn að
knúsa börnin mín og þefa smá af koll-
inum á þeim þó þeir séu orðnir 7, 19 og 20!
Annars leita ég inn á við til að hlaða og horfi þá gjarnan á
heimildaþætti og púsla stór púsluspil eða spila Yahtzee
við spilafélaga um allan heim.“
Hvaða óþarfa keyptir þú síðast?
„Er til eitthvað sem heitir óþarfi!? Annars á ég allt í
einu heldur stórt safn af glærum glossum þannig að lík-
lega eru einhverjir þeirra óþarfi.“
Uppáhaldssamfélagsmiðillinn?
„Allir, hentu í mig samfélagsmiðli og ég mæti!“
Hvaða hlutur er ómissandi?
„Háir hælar. Alltaf.“
Mest notaða snyrtivaran?
„Augn- og andlitskremin eru mikið tekin og svo er
maskarinn nauðsynlegur fyrir okkur ljóskurnar.“
Uppáhaldsborg og hvers vegna?
„Þær eru svo margar og svo á ég svo margar eftir en
New York er í miklu uppáhaldi enda fjölbreytt, iðandi af
lífi og full af geggjuðum veitingastöðum. Svo verð ég að
nefna Köln og Berlín. Elska Þýskaland, matinn og
stemninguna, ekki síst fyrir jólin. Já og Ljubljana er
alger perla.“
Borðar þú morgunmat?
„Ofast ekki. Fæ matarlystina undir hádegi. En skelli
þó oft í mig eplaediki til að ræsa kerfið.“
Hvernig verður 2020?
„Ef lífið hefur kennt mér eitthvað þá er það að taka
hverjum degi eins og hann kemur, leyfa lífinu að koma
mér á óvart og njóta í botn. Ætla þó að reyna að ferðast
meira á nýju ári með fjölskyldunni en síðustu ár og fara
oftar úr náttbuxunum í frítímanum!“
Ætlar að fara oftar
úr náttbuxunum
Katrín Júlíusdóttir, fyrrverandi ráðherra og núverandi framkvæmdastjóri
Samtaka fjármálafyrirtækja, les mikið og er allt of mikið á náttbuxunum
heima hjá sér í frítíma sínum. Árið 2020 ætlar hún að fara oftar úr þeim.
Marta María | mm@mbl.is
AFP
Katrín Júlíusdóttir
leggur sig fram um að
njóta augnabliksins.
Clint East-
wood verð-
ur oft fyrir
valinu þeg-
ar Katrín
velur sér
bíómynd til
að horfa á.
Katrín kann
að meta alla
samfélags-
miðla.
New York
er í miklu
uppáhaldi.
Íslenska fyrir útlendinga - öll stig
• Sérstakir málfræðiáfangar
• Enska öll stig
• Önnur tungumál eftir óskum nemenda
• Hraðnámskeið - litlir hópar - einkakennsla
• Kennum á Skype
Saga Akademía - málaskóli er viðurkenndur fræðsluaðili af
Mennta- og menningarmálaráðuneytinu. Allir kennarar skólans
eru réttindakennarar. Eingöngu kennt í fámennum hópum eða
einkakennslu. Pólskumælandi kennarar kenna íslensku og ensku
fyrir Pólverja.
Saga Akademía-málaskóli
er viðurkenndur fræðsluaðili af
mennta- og menningarmálaráðuneytinu.
sagaakademia@sagaakademia.is • daria@sagaakademia.is
www.sagaakademia.is • Sími 899 3961 / 771 5475 • facebook
Saga Akademia ehf.
Málaskóli • Language School
small groups / intensivecourses / private lessons