Morgunblaðið - Sunnudagur - 16.02.2020, Qupperneq 15

Eftir það sat ég oft fyrir,“ segir Elma Lísa
og rifjar upp minningar frá þessari fyrstu
kynnum sínum af módelstörfum.
„Þetta var mjög stórt á sínum tíma og
þótti merkilegt og birtist í fréttum,“ segir
hún.
„Ég man vel eftir að hafa farið á Hótel
Sögu og man eftir öllum krökkunum sem
biðu þar, um fimm hundruð krakkar. Við
vorum þarna þrjár systur og mamma var
með. Svo vorum við tvær eldri valdar en sú
yngsta ekki, en hún var bara sex ára. Það
var smá sorg hjá henni.“
„Æ, í alvöru, skildi ég hana eftir út und-
an? Ég var svo harður, maður þurfti að
vera það á þessum tíma og í þessum
bransa. En þetta voru allt yndislegir krakk-
ar!“
Dekkers segist hafa verið afar hissa á að
sjá fimm hundruð krakka á Hótel Sögu,
mætta í prufur.
„Ég man þegar ég kom að hringtorginu
fyrir framan Hótel Sögu þennan morguninn
hugsaði ég að það myndi enginn mæta. En
svo sá ég allt þetta fólk og varð bara
hræddur! En ég þurfti að vera harður í val-
inu.“
Á borðinu eru blöð, bæklingar, úrklippur
úr dagblöðum og skyggnur í plastkassa. Við
finnum myndir af Elmu Lísu og gömul blöð
með símanúmerum sem eru ívið styttri en
númerin í dag. Þar má finna símanúmer
heima hjá Elmu Lísu. Dekkers hefur engu
hent, og engu gleymt.
„Sjáðu, hér hefur verið taka fimmtudag
klukkan þrjú,“ segir hann og hlær.
Þau glugga í þessi gömlu blöð, stútfull af
minningum.
„Voru ekki þessi tískuföt seld hér á
landi?“ spyr Elma Lísa.
„Jú, í Englabörnum,“ svarar Dekkers.
Blaðamaður skýtur inn spurningu.
Voru myndir af þessum íslensku börnum
úti um alla Evrópu á þessum tíma?
„Já, úti um allt.“
Heiður að vinna á Íslandi
Skyggnurnar úr myndatökunum urðu eftir
hjá blaðamanni. Dekkers vill endilega koma
þeim í réttar hendur. Þannig er hægt að
hafa samband við blaðamann ef einhver sem
var í þessum myndatökum vill fá að eiga
mynd af sér í vetrartískunni 1986-7.
„Þetta hefur tilfinningalegt gildi fyrir
mig, að koma hingað og hitta ykkur og skila
þessum myndum. Ef ég lít til baka þá er ég
þakklátur fyrir að hafa fengið þetta tæki-
færi, að koma hingað, það var mikill heiður
að fá að vinna með íslenskum börnum. Ég
mun aldrei gleyma því. Því langar mig að
skila myndunum aftur til síns heima,“ segir
hann.
Dekkers og Elma Lísa leggjast yfir
skyggnur á litlu ljósaborði.
„Ó, er þetta ég? Þetta er svo líkt dóttur
minni, þó að hún sé nú aðeins sjö ára,“ seg-
ir Elma Lísa og grúfir sig yfir myndirnar.
„Ég man vel eftir þessari töku, við héld-
um í reipið og þú kallaðir, veriði kyrr!“
Við sláum botninn í samtalið og smellum
af nokkrum myndum. Martie Dekkers er
yfir sig ánægður að hafa endurnýjað kynnin
við Elmu Lísu sem skemmti sér vel við að
rifja upp þessa gömlu tíma við fyrirsætu-
störf sem tólf ára barn.
Úti á hlaði hefur enn bætt í vindinn. Dek-
kers sleppir okkur ekki fyrr en hann hefur
kysst okkur báðar og faðmað. Við fjúkum
svo að bílnum og brunum í burtu, með
kassa fullan af gömlum skyggnum.
Ljósmynd/Martie Dekkers
Það var oft glatt á
hjalla í tökunum.
Ljósmynd/Martie Dekkers
’ Þetta hefur tilfinningalegtgildi fyrir mig, að koma hing-að og hitta ykkur og skila þessummyndum. Ef ég lít til baka þá er
ég þakklátur fyrir að hafa fengið
þetta tækifæri, að koma hingað,
það var mikill heiður að fá að
vinna með íslenskum börnum.
Elma Lísa var flott módel í vetrartískunni 1986.
Tískuverkefnið hans Dekkers vakti mikla athygli í fjölmiðlum á sín-
um tíma. Hér má sjá úrklippur úr Morgunblaðinu frá 1986 og 1987.
16.2. 2020 MORGUNBLAÐIÐ SUNNUDAGUR 15